Villa26 尖沙咀
地址: 尖沙咀麼地道66號尖沙咀中心地下G1-4,22-26,28-32及33A號舖
最後更新:
Villa26推介
辛勞一整天後，最佳犒賞莫過於與摯愛親朋吃一頓豐富大餐。若要同時滿足味覺與視覺的享受，輕鬆法式格調的Villa26肯定不會讓您失望。Villa26位於尖東海濱，臨維港美景，供應包羅萬有的各國美酒佳餚，細心的服務讓食客享受愉快的餐飲體驗。天朗氣清的夏日午後，Villa26的戶外用餐區是熱門選擇，讓食客一邊享受悠悠海風吹拂，欣賞維港兩岸的動人美景，一邊品嚐各款美食，洋溢一派令人陶醉的歐陸情懷。冬日，食客也可躲進充滿溫馨暖意的餐廳內，以嶄新滋味一洗冬日憂鬱。
尖沙咀Villa26
| 餐廳分店 | Villa26 |
|---|---|
| 地區 | 尖沙咀 |
| 電話訂位 | 27240707 |
| 餐單 Menu | 法國菜, 海鮮, 扒房 |
| 人氣指數 | 821 |
| 價錢幾錢 | $201-400 |
Villa26訂位位於尖沙咀區，詳細地址是尖沙咀麼地道66號尖沙咀中心地下G1-4,22-26,28-32及33A號舖，餐廳寬敞座位數目共有100個。Villa26幾錢？價錢優惠後人均消費大約$201-400埋單，早餐午餐晚餐Villa26餐單包括有法國菜, 海鮮, 扒房等美食，付款方式有Visa,Master,AlipayHK,支付寶,現金,AE,銀聯,JCB付款，Booking網上訂位可以電話致電 27240707 查詢訂座。
Villa26優惠
Villa26 評價 相片
今晚途經這間餐廳，感覺良好決定入內試試。
侍應隨即替我們選擇好位，然後問我們要不要信封放口罩?接著又提供搓手液給我們清潔，比一般的五星級酒店還好。
食物質素不錯，招呼又好，這是留客的不二法門。
又到了期待已久，一期一聚既Girls Night，朋友推薦黎呢間位於尖東既西餐廳...一到埗，就被餐廳既裝修吸引，有一面空酒樽既裝飾墻，再配上少許昏暗既環境，感覺幾有情調!!話不多說，入正題!!!!前菜嗌左蒜蓉包，可以用驚嘆形容，未食過咁好食既蒜蓉包，酥脆到不得了，蒜香岩岩好，忍唔住食完又食!!!!第二道海鮮拼盤，蠔同螺我都冇沾醬料，海水味配搭本身食材既鮮味，好正。
好想嗌多盤!!!之後就係另一款極推介既漢堡，牛肉好香而且多汁，加上面包既軟綿，可以話係我食過最好食既漢堡包之一!!最後既雞，皮香肉嫩，火候控制得岩岩好，配上醬汁，值得一讚！下次可以係餐廳既戶外枱食，秋意正濃，秋風徐徐，岩晒三兩知己杯觥交錯....
難得我個兩位朋友有空約食飯，今晚一定要食好哋。
其中有個朋友係尖沙咀返工，見到有間新開西餐廳，環境唔錯，咁就一試無防。
前菜我地叫左份蒜蓉包，好香蒜蓉，麵包好脆，唔錯。
佢嘅麵包中間唔會好似出面咁會腍左，唔脆，佢保持到脆口，我忍唔住食左兩件。
再嚟就係哈密瓜配西班牙風乾火腿，火腿唔會過鹹，就咁食又得，配埋哈密瓜一齊食又得，鹹甜一齊食嘅感覺都几得意。
我特別點名叫左份北海道帶子沙律，除左帶子係我嘅擎愛，最特別嘅係佢用麵豉汁做左個沙津汁，從無諗過可以咁樣配搭，係好新嘅嘗試，好想知係咩味。
試完，又唔覺得怪喎。
帶子大大粒，配埋哋沙律點埋麵豉汁一齊食，鹹鹹哋，都唔錯。
最後到主菜，叫左個照燒石班魚柳配香炒靈芝菇。
里碟係好中式嘅煮法，照燒汁如果淡少少咁就very good。
最後仲叫左份泰式冬蔭意大利粉配象拔蚌，又係一碟fushion 菜，平時意粉配青口或蜆見得多，象拔蚌真係第一次見。
唔知又會有咩新沖擊。
😂因為我已經食到好飽，里款留給我兩位朋友試。
佢地話象拔蚌大大粒，好爽口，好好味。
意大利粉吸左冬蔭功汁，好辣好惹味，朋友一路叫好辣但一路話好好味，食到停唔到口。
里個畫面而家諗起都覺得好笑。
😂今晚真係好開心，好耐無見嘅朋友終於約齊食飯，大家仍然有好多話題，當然配合埋里到嘅美食同環境就十分完美。
我地仲相約下次再嚟食，試下里間餐廳嘅其他得意新潮菜式。
星期五Happy Friday同5個friend 一齊慶祝朋友生日，朋友發板6個人叫左6個course share 黎食。
頭盤係海鮮併盤，雖然寫二人份量，但都足夠五個人分。
有6隻蠔、1隻波士頓龍蝦、牡丹蝦2隻、翡翠螺6隻。
蠔好新鮮，淡淡的海水味，冇mug 金屬味，啱曬鐘意清新蠔味的朋友。
牡丹蝦都好甜。
龍蝦咁啱哩隻有膏。
CP值幾高。
醬有傳統cocktail醬、紅色的好似係紅酒醋、有個綠色的香草醬最夾翡翠螺，同埋有個wasabi 加豉油。
因為d 野都好新鮮，所以除左用香草醬點翡翠螺同wasabi豉油點牡丹蝦外，都冇用到其他醬。
主菜有烤法國黃油雞腿、澳洲和牛漢堡、泰式冬陰公象拔蚌意粉、照燒石班魚柳，同埋澳洲和牛斧頭排。
幾個主菜都好吃，烤法國黃油雞腿同泰式冬陰公象拔蚌意粉個人黎講最鐘。
烤法國黃油雞腿烤得皮脆肉嫩。
好怕吃西式雞吃到d 太好口趙的，哩個完全冇哩個問題。
嫩到好似食緊西式調味ge 炸子雞咁，仲幾juicy 。
泰式冬陰公象拔蚌意粉個配搭幾新鮮，未試過哩個size有殼的象拔蚌同意粉炒埋一齊。
雖然幾辣，但好香口，有明顯香草味，象拔蚌都甜。
澳洲和牛漢堡都幾正，漢堡扒5成熟，配個salad冇咁heavy。
照燒石班魚柳個醬幾甜，個人認為可以輕手番少少，配個伴碟的菇係好吃。
個石班d魚皮幾厚有膠質，魚肉實淨。
最後先上個和牛斧頭排，五成熟剛剛好，外面烤得香口，冇根。
與友相聚，當然要食餐好！大家選了在尖沙咀海傍新開的西餐廳，在懷舊的氛圍中，來一個法國菜之夜。
頭盤：西班牙伊比利亞橡果級風乾火腿 （36個月/ 50g）火腿質感油潤豐美，味道不算太鹹，淡淡的甘香，令人回味，即使不配哈蜜瓜，也能多吃幾片 😋😋冷盤：海鮮拼盤（二人用）這個海鮮拼盤一上場不得了🤩🤩六隻肥美的生蠔自然是焦點所在，肉質柔膩，帶有自然的海水味，不用其他醬料，足夠鮮美清爽🥰🥰其他成員也很鮮甜，翡翠螺尤其出色，配上芫茜醬料，別有一番風味👍🏻主菜：燒西班牙伊比利亞橡果級黑毛豬胺油脂烤得焦香，帶點烤乳豬的味道，和之前幾道菜相比，表現比較中矩中規薯蓉倒是獲得大家一致好評，非常細滑，帶有濃郁奶香🥛🥛🥛，最適合牛奶控 😋主菜：泰式冬蔭公意大利粉配象拔蚌通常意粉配蜆，這個配的是象拔蚌，整個組合挺新奇，就點來試試。
冬蔭公特有的辣，酸酸麻麻，滋味又開胃🤩我不太吃得辣，也忍不住邊喝水邊吃，推薦大家一試這道fusion菜👍🏻👍🏻
Villa26餐單提供法國菜, 海鮮, 扒房等推介美食位於尖沙咀區，餐廳座位數100人均消費約$201-400，結賬可以用Visa,Master,AlipayHK,支付寶,現金,AE,銀聯,JCB，Booking訂位可以電話致電 27240707 查詢。
您對於尖沙咀餐廳「Villa26」有何 comment？
Villa26餐廳詳細資料：
- Villa26地址: 尖沙咀麼地道66號尖沙咀中心地下G1-4,22-26,28-32及33A號舖 Villa26, Shop G1-4,22-26,28-32&33 A, G/ F, Tsim Sha Tsui Centre,66 Mody Road, Tsim Sha Tsui
- Villa26電話: 27240707
- Villa26價錢: $201-400
- 分類: 法國菜, 海鮮, 扒房
- 座位: 100
- 付款: Visa,Master,AlipayHK,支付寶,現金,AE,銀聯,JCB
- FB專頁: Villa26 Facebook
更多Villa26相關資料:
香港餐廳2026推介8月