VictorianRoseTeaRoom 尖沙咀
地址: 尖沙咀山林道38號銀座17樓
最後更新:
VictorianRoseTeaRoom推介
主打正宗英式三層架下午茶，每晚亦設有燭光晚餐。店舖裝修以純白為主調，水晶吊燈、復古傢具，給人感覺高雅。茶葉亦特意選用傳統英國皇室御用品牌Fortnum&Mason。手工蛋糕主張無添加，成分天然。
尖沙咀VictorianRoseTeaRoom
| 餐廳分店 | VictorianRoseTeaRoom |
|---|---|
| 地區 | 尖沙咀 |
| 電話訂位 | 27891999 |
| 餐單 Menu | 英國菜, 咖啡店 |
| 人氣指數 | 1164 |
| 價錢幾錢 | $201-400 |
VictorianRoseTeaRoom訂位位於尖沙咀區，詳細地址是尖沙咀山林道38號銀座17樓，餐廳寬敞座位數目共有50個。VictorianRoseTeaRoom幾錢？價錢優惠後人均消費大約$201-400埋單，早餐午餐晚餐VictorianRoseTeaRoom餐單包括有英國菜, 咖啡店等美食，付款方式有Visa,Master,現金,八達通付款，Booking網上訂位可以電話致電 27891999 查詢訂座。
VictorianRoseTeaRoom優惠
VictorianRoseTeaRoom 評價 相片
呢間餐廳同女仔朋友嚟一流，環境靚，嘢食擺盤賣相一流，樣樣都有排影。
餐包 全部麵包自家制，每款都香噴噴好足料，但要留意食哂可能有啲飽，但好味到我都食咗9成😂。
神石榴西柚沙律 $30 西柚沙律酸酸哋夠哂開胃。
蟹肉芒果卷伴牛油果沙律 $60 蟹肉卷有啲太凍同實，無我想像中一絲絲蟹肉嘅口感，但同芒果都幾夾。
龍蝦湯 $30 又香又鮮甜，出面有啲龍蝦湯會過鹹同澀，呢到嘅完全無呢個問題。
香濃蠔湯 $60 味道好濃郁好rich，最井火驚喜係入面仲有大大粒帶子。
波士頓龍蝦香酥盒 $482 大推！有成隻龍蝦拆哂肉，個龍蝦汁係畫龍點睛，最神奇嘅係個香酥盒無因為個汁而變淋，仍然好酥脆，建議一啖食哂3樣嘢，超幸福。
慢煮雞胸肉慕絲羊架 $482 原本係跟羊柳卷，但當日無哂羊柳，羊架煎香肉嫩，而且羊味好香，好喜歡。
Chocolate Brownie $60 朱古力味都幾濃，唔會過甜。
香梨蛋糕 $60 追型好靚啊，梨肉又軟稔又甜。
維多利亞玫瑰花茶 $68 一大壺一路煲熱，飲落好清香，店員見太濃仲會主動問要唔要加水，好貼心。
鮮奶咖啡 $58 拉花好靚，沖得香滑。
需加一服務費，2人埋單約$1530。
如果你鍾意睇我嘅食評，不妨關注我，支持吓我，謝謝你☺️💕
以前好鍾意成日周圍去食Tea,依家節制左自己😛比呢一間喺尖沙咀山林道Victorian Rose Tea Room 吸引左好耐。
終於有機會一試，佢個環境裝修真係超級靚，有種英國宮廷嘅感覺，環境典雅優美。
而且佢哋仲有啲人哋英國貴族戴果啲頭飾借俾我地戴。
帶着佢哋嘅頭飾係呢個環境裏面一路食住afternoon tea 。
好似自己就係啲貴族置身於起英國食下午茶既感覺🥰，佢哋仲有露台可以坐架不過嗰日咁岩俾人book咗，另外我仲知道佢可以提供包場服務添，想搞Bride Shower呢到岩哂呀😍兩位英式下午茶$628+10% 如果同行三位或以上仲有六五折㗎呢度嘅set鹹點同甜點都好平均，之前食嗰啲甜野居多🍴菠菜芝士焗蘑菇 菠菜溝左芝士打成茸，美味嘅芝香味配上蘑菇😍好味👍🏼🍴焗忌廉千層薯呢個薯蓉唔會膩，淡淡的芝士同奶香味。
🍴藜麥煙三文魚平時食煙三文魚配餅乾食得多，估唔到呢度係配藜麥，而且佢哋醬又帶點酸甜味👍🏼🍴蟹肉餅洛神花漢堡食到啖啖蟹肉，佢哋入邊加咗紅椒？令到成個未昇華咗🍴芝士蟹子三文治🥪竹炭嘅麵包夾住芝士，蟹子，沙律，碎蛋。
成個三文治好豐富🍴法式焦糖燉蛋我認為呢個係最好味嘅😍😍，上面簿簿既焦糖，完全唔會過甜，。
下面嘅燉蛋充滿蛋香味🍴皇牌戚風配麻薯個戚風蛋糕好鬆軟，開頭以為入面嗰個係水果嘅嘢，原來係麻薯😆🍴日式抹茶慕絲個慕絲打到好滑裏面仲有啲朱古力慕絲係到。
🍴新鮮焗英式鬆餅佢哋嘅scone係新鮮整嘅，外面有點脆口，另外仲有果醬同埋奶油俾你搽嚟食。
🍴焦糖馬卡龍佢哋個馬卡龍都好好味呀😍，唔會得個死甜。
平時食嗰啲馬卡龍就算唔同顏色都係同一樣味但呢個係食得出係焦糖味🤪，而且中帶點淡淡嘅杏仁味☕️ 玫瑰鮮奶咖啡平時飲嗰啲Rose latte 。
佢哋嘅玫瑰味會搶晒啲咖啡味，呢度唔會喎反而咖啡味仲喺度啊😍，兩者好平均。
🍵 蜜桃紅茶佢哋係用 fortnum & mason嘅紅茶。
佢哋嘅蜜桃味簡直係錦上添花🤪，帶點蜜桃嘅清甜味道，配上紅茶。
最貼心位係佢哋有用蠟燭熱住的茶。
就算食到尾你杯茶都唔會凍㗎😻
星期日嘅下午帶媽咪黎到尖沙咀山林道的「 Victorian Rose Tea Room」嘆返個英式下午茶。
餐廳位於17樓，特別設有室外座位可以欣賞到尖沙咀景色。
室內裝修典雅優美，充滿英倫風感覺，12月的佈置更充滿聖誕氣氛，好適合女生影相打卡兩位用英式下午茶價值$628，週末及公眾假期三位起惠顧有65折優惠等左一陣，美美的三層架下午茶隆重登場，鹹點及甜點各有五件，比例平均，每款食物嘅賣相都好精緻菠菜芝士焗蘑菇小巧迷你的菠菜芝士焗蘑菇，配搭絕佳，口感juicy，芝香四溢焗忌廉千層薯薯仔片加入鮮忌廉一齊烤焗，薯味香濃，同時充滿新鮮奶油香蟹肉餅洛神花漢堡加入左洛神花製成的漢堡包呈現淺粉紫色，顏色好靚，中間係蟹肉餅，加入左紅椒同香草調味，色香味俱全，啖啖都係新鮮真蟹肉！芝士蟹子三文治🥪黑色的竹炭麵包夾着芝士、雞蛋碎、蟹子、沙律醬等等製成的餡料，味道好豐富！藜麥煙三文魚煙三文魚好油潤肥美，加上健康高纖的藜麥同特製醬汁，中和左油膩感法式焦糖燉蛋面上的焦糖厚薄適中，甜度剛好。
底下的燉蛋口感好嫩滑，入口滿有蛋香味皇牌戚風蛋糕配麻糬戚風蛋糕好鬆軟，香甜可口，面上仲有少許紅豆及鮮忌廉作點綴。
夾心麻糬軟糯Q彈，有米香日式抹茶紅豆慕絲雙色慕絲好creamy，甜度剛好玫瑰紅桑子馬卡龍紅桑子同玫瑰嘅味道好平均，酸甜清新，夾心層好軟糯英式鬆餅配紅桑子果醬及濃厚鮮奶油熱烘烘的scone外脆內軟，入口鬆軟濕潤，充滿牛油香。
配上酸酸甜甜的紅桑子果醬及濃厚鮮奶油，豐富左鬆餅嘅味道玫瑰花茶茶味濃淡剛好，入口唔苦澀，帶有陣陣玫瑰花清香泡沫咖啡咖啡味濃厚芳香，奶泡好細滑，面上嘅可可粉為咖啡增添左一份香甜
12月不嬲都係充滿節日氣氛嘅月份今日揀咗呢間英式宮廷餐廳嚟食晚餐成間餐廳除咗喺宮廷裝修之外因為臨近聖誕節餐廳都加咗好多聖誕裝飾🎄仲有一棵好靚嘅粉紅聖誕樹俾大家打卡女仔嚟到一定會好鍾意神石榴西柚沙律呢個沙律作為頭盤認真唔錯沙律加入左神石榴同埋西柚酸酸甜甜可以刺激食慾蟹肉芒果卷伴牛油果沙律🦀蟹肉同芒果真係Perfect match而且大廚亦都加入左大量嘅牛油果令成個沙律嘅營養價值更加高是日餐湯 南瓜湯是日餐湯係由大廚根據當日新鮮嘅食材所決定今日呢個南瓜湯飲落去好香濃而且帶有甜味香濃蠔湯呢個湯係用咗日本廣島蠔將原材料打成湯餐湯會用英式傳統的器皿保溫去到客人面前先至到出嚟確保我哋可以飲到最好嘅溫度慢煮西班牙栗飼豬鞍配青蘋果沙律及焦糖蘋果醬🐷呢道菜係用咗西班牙穀飼豬鞍 豬鞍口感軟滑，豬肉味濃再配以 65 度火力慢煮 30 分鐘鎖住肉汁顏色呈剛熟階段淡淡粉色煮得啱啱好而且配埋焦糖蘋果醬酸酸甜甜令人食慾大增手刨意大利新鮮黑松露配野菌闊條麵🍝新鮮嘅黑松露真係要撞啱季節先有🍄大廚揀咗意大利新鮮黑松露而且仲會即場刨成片狀加上另外的 4 種野菌日本鮮冬菇、靈芝菇、白菌蘑菇同牛肝菌闊條麵煮得好有咬口而且充滿蛋香味感覺真係好幸福🥰心太軟🍫心太軟啱啱焗起切起上嚟即刻就有流心效果而且配上好靚嘅朱古力裝飾夾埋雲呢拿雪糕一齊食十分之好味香梨蛋糕🍐呢個甜品真係好特別出面好少有得食清新嘅香梨配左吉士醬同埋手指餅係令人眼前一亮嘅甜品維多利亞玫瑰花茶🌹花茶茶具十分之靚而且仲會喺下面加熱令到客人飲嘅時候都仲係一杯熱茶玫瑰花味十分之香當食到好飽嘅時候飲番一杯熱茶真係好消滯熱朱古力☕️估唔到熱朱古力上面仲有一個好靚嘅拉花朱古力味十分之香濃冬天飲完真係一流呢間餐廳嘅所有侍應都十分有禮而且好勤力加水服務十分之周到原來餐廳仲有一個露台位可以望到九龍公園嘅夜景而且裝修得好靚嚟影相打卡真係一流希望下次有機會試埋呢度嘅下午茶Tea set不過聽講好full黎之前記住book位呀！
一向對上樓靚餐廳有一些偏見，覺得係只能夠同女性友人食tea嘅地方。
想不想會有驚喜。
今晚被帶到這個以英式貴族格調為主題的餐廳，進門一刻就覺得應該為自己作多一些打扮。
😅餐廳佔盡一層，還有一個大露台，夜景都幾醉人。
還有一間可容納八人的包廂房，水晶燈閃閃。
到處拍照留念後，所選的頭盤已經準備好。
因以女性客人為主，餐廳貼心以單點形式令客人可按當天情況選擇單點主菜又或組合成二至四道菜晚餐。
頭盤神石榴西柚沙律，清新開胃又有抗氧化作用蟹肉芒果卷伴牛油果沙律，鮮拆蟹肉和香甜芒果是鮮味絕配湯品點了龍蝦湯及蠔湯各一客，店員先端上一個放有隻經輕煎之帶子的湯盤。
再用了一個英式傳統可保温的器皿，在我面前倒出來。
兩個湯都非常濃，喝得出是真材實料，特別是用香煎廣島蠔打碎的名物，果然直得為此再光臨。
主菜當日不提供慢煮雞胸肉慕絲羊柳卷，換成香煎慢煮紐西蘭羊架經醃制後，再慢煮3個多小時，上枱前香煎只保留羔羊之鮮嫩，免除所有雜味，如此厚却嫩而粉紅。
本人喜歡魚類料理，但很多餐廳都未能提供好食材今晚的香煎銀鱈魚配白蘆筍，用芥末沙律醬令豐富油份的香煎無骨雪魚肉，帶出清爽而香滑的滋味，配合來自荷蘭的爽脆白蘆筍，更為菜色帶來不同口感。
經理說，餐廳準備會有全單65折優惠活動，一定要再去食
VictorianRoseTeaRoom餐單提供英國菜, 咖啡店等推介美食位於尖沙咀區，餐廳座位數50人均消費約$201-400，結賬可以用Visa,Master,現金,八達通，Booking訂位可以電話致電 27891999 查詢。
您對於尖沙咀餐廳「VictorianRoseTeaRoom」有何 comment？
VictorianRoseTeaRoom餐廳詳細資料：
- VictorianRoseTeaRoom地址: 尖沙咀山林道38號銀座17樓 VictorianRoseTeaRoom, 17/ F, Nathan Hill,38 Hillwood Road, Tsim Sha Tsui
- VictorianRoseTeaRoom電話: 27891999
- VictorianRoseTeaRoom價錢: $201-400
- 分類: 英國菜, 咖啡店
- 座位: 50
- 付款: Visa,Master,現金,八達通
- FB專頁: VictorianRoseTeaRoom Facebook
更多VictorianRoseTeaRoom相關資料:
香港餐廳2026推介8月