Subway 尖沙咀

Subway 評價 相片

放工黎食個下午茶, 好抵呀! $29 就有個飽,有野飲, 仲有包薯片送~雖然已經揀左個雞肉三文治, 但行埋去落order 自知除左塊雞肉同芝士, 仲要自己揀飽同料~先揀飽, 有4個款揀, 我地揀左個無芝士味既唔知咩飽嫁~有6吋長的~揀完飽, d 員工就會放埋芝士再拎去丁一丁先, 之後再揀料, 揀幾多都得~我地揀左蕃茄, 青瓜, 生菜,之後再揀汁,選了sweet onion。

揀好就會包得靚靚, 再俾隻杯自己去添可樂啦~平時係送cookies嫁, 但今日無晒就送薯片, 仲好~~呵呵!!總之$29有個咁大既包,d 料又足, 真係好抵呀!個到d　waiter講英文嫁，雖然佢地好似玩玩下咁，唔似人地大間既咁好服務，同咁專業，但佢地好nice,　走個陣仲用中文同我地講新年快樂～好笑！　

上完堂~想食野~又諗唔到~咪諗住食漢堡包~點知我朋友仔又話帶我去依間~見入面得四個人~有好多位~咁咪入去食啦~我要左火雞芝士蕃茄~包要honey oat之後加埋兩塊cookies同杯汽水佢整野都整得好快手~出黎個包起碼夠熱先~入面D料又足~你又可以睇住佢整~感覺上好好~而且D cookies係就係腍身少少~但係咁樣反而仲好食~自家製一樣~不過當日既重點係朋友叫我去落order但係又唔同我講要用英文~出到去搞到我 O 左咀~好彩轉得切個channel~真係畀佢玩死~

呢晚老友生日吹雞阿士里道任飲，雖然只可以出席一兩個鐘不過都一於現身支持，未飲之前當然就係去醫醫肚餓先﹗想試呢間subway好耐，就入來試下，見有三文治餐就要了個公司治subway club﹗兩片火腿，再加大量生菜、蕃茄、青瓜同埋芝士，熱愛鬆軟因為要了白包，睇住佢夾同整，相當快手，整完放入焗爐一分鐘就食得﹗淨三文治$35，$50就可以叫餐包汽水同埋兩件cookie﹔白包吃落相當鬆軟，亦有麵粉香，醬要了蛋黃醬，貪佢酸酸甜甜夠惹味，同工友都異口同聲讚味道很不錯，比起super sandwiches更好﹗曲奇餅以為有個透明架入住會係暖暖地可惜原來是凍的，是很大件不過相當甜亦腍身不值得加多五蚊換埋佢，下次來食都係只要個三文治$35便算﹗

今次第二次黎食, 都係同番介紹我黎個朋友黎食, 貪呢度可以自由配搭又大件嘛因為朋友係素食者, 由佢去order, 今次揀左六吋長麥包, 2個人share, 入面全部都係新鮮既菜, 因為佢有sauce比我地, 所以唔會覺得淡茂茂, 仲覺得好juicy, 因為d菜真係新鮮, 好有水份, 我地share都覺得飽值得推介既係佢有隻"garlic chili sauce"...加入飽入面食, 好正

今年冬天去Ebeneezer's Kabab時途經這間食店到了夏天終來一試點了是日精選 Roasted Chicken Sandwiches叫了東西才知道整個包都是自己"design"出來的除了Roasted chicken & 那片cheese外，由包到餡料到醬汁....我都選了好一會兒還好說英文的店員夠耐性的包選了芝士包，之後店員將包夾著雞與一片芝士烘了一會，不過那片芝士實在有點小之後才加蔬菜，蔬菜選了自己喜歡的，店員拿的份量可不少更重要的是夠fresh汁則選了sweet onion，很開胃呢!$19 有6吋長、能飽肚、餡料隨心、有質素的夾包，已經很不錯

Subway餐單提供西式, 三文治, 無肉餐單, 外賣店, 快餐店等推介美食位於尖沙咀區，餐廳座位數未知人均消費約$50以下，結賬可以用現金,八達通。

您對於尖沙咀餐廳「Subway」有何 comment？

Subway餐廳詳細資料：

• Subway地址:
  尖沙咀亞士厘道24-28號B舖
  Subway,  
• Subway電話:  
• Subway價錢: $50以下
• 分類: 西式, 三文治, 無肉餐單, 外賣店, 快餐店
• 座位: 未知
• 付款: 現金,八達通
• FB專頁: Subway Facebook

更多Subway相關資料:

• Subway分店
• Youtube
• Facebook
• Twitter
• Google