Soi.29 尖沙咀

Soi.29 評價 相片

想食正宗泰國菜仲洗乜去到九龍城，今次嚟到位於尖沙咀寶勒巷嘅「𝚂𝚘𝚒.29」，餐廳裝修佈置神還原泰國大排檔嘅感覺🤩 有泰國嘅日曆、門牌，色彩繽紛嘅壁畫、椅子，除咗冇係泰國咁熱咁多烏蠅之外，哩度真係有8成似當地🥴 再加上泰國廚師同店員，食物味道都好正宗👍🏻 《 飛天通菜 》 $784.5 / 5泰國菜好出名嘅一道菜，雖然睇唔到飛天嘅絕技，但係食落都好有鑊氣👍🏻 蒜香撲鼻，辣度就r唔重算輕手，配合返唔食得辣嘅朋友😋 《 醉貓炒河 》 $884 / 5冇考究過「醉貓」到底有啲咩配料，原來係辣肉碎青紅椒炒闊河粉🥴 炒得乾身唔會太淋，味道微辣好惹味🤤 不過略嫌河粉份量細左啲，好多都係洋蔥青椒🫑《 串燒拼盤 》 $1385 / 5 🌟🌟🌟🌟🌟全晚𝙼𝚅𝙿😍😍😍 有腸仔、雞軟骨、雞肉、豬肉，每款各三串，算係幾抵食👍🏻 雞軟骨爽口、雞肉嫩滑啖啖肉、豬肉就好重肉味肉質較爽🤤 特別要讚自家沙嗲醬👍🏻 花生味好濃郁，又唔會太鹹嵌着啲肉味😋《 青咖喱牛 》 $784 / 5可揀雞或牛，第一次試青咖喱配牛肉，又出奇地配搭！😲 牛肉大塊有厚度，青咖喱清新唔辣，椰汁香滑，唯獨單點無飯麵跟，於是就叫左份蒜蓉包點汁食😎《 蒜蓉包 》 $584.5 / 5原本冇期望蒜蓉包會咁大兜，影相個陣已經食左三塊🤣 外脆內鬆軟，一咬啲蒜蓉味同牛油就出晒黎🤤 唔點汁就咁食都好食😋《 龍眼冰 》 $424 / 5中規中矩嘅龍眼冰，甜度適中👍🏻 清涼解渴！《 香茅荔枝冰 》 $42 4 / 5真係成支粗香茅插咗喺嘢飲度🤣 清甜淡淡嘅荔枝味，香茅唔會好出好易接受嘅程度😎《 椰青 》 $48就只是椰青🙂最後食飽飯老闆仲每人送咗一支冰棒俾我哋食，有洛神花茶味同泰式奶茶味😍 冰棒製作嘅原理係加入鹽喺大罐度，快速轉動下令入邊嘅液體冷卻，食嘅時候再用人手嘅體溫溶化再掹出嚟🤩 每星期嘅口味仲有機會唔同，我已經好期待下次再黎🤤

係openrice見到新餐廳,而作為泰菜fans即預約食下!環境裝修好有心咁用泰式大排檔做主題,痴左好多泰國海報,日曆!有種去左旅行感覺,睇得出佈置用心!太熱拿拿聲飲杯野,香茅荔枝梳打好濃香茅味,兩種味都飲到!唔會過甜豬頸肉份量上台嚇親,好大兜,外脆有彈性,點唔點汁都oj最後食唔晒椰菜苗味道可以再濃d,有d偏淡生蝦又係大大碟蝦身彈牙爽脆個汁好辣好過癮比出面食的更有狠辣度炸蝦膠皮蛋停唔到口,3重口感佢每人仲有雪條送,係泰式風味簡左泰茶味,偏淡身,可以濃d就好了大滿足服務態度又好好!!會再光顧

🔹以泰國夜市做主題嘅泰國菜，成個環境加晒分❤️ 仲有老闆店員們都好nice，又特登係泰國飛個夜市整雪條嘅工具黎香港🥳 難怪近排咁多人支持😆⁡1️⃣ 冬陰功湯 $78 (7/10)成餐哩個cp比相像中高😍 酸酸地咁，又多海鮮🤤 會越飲越想繼續添😏 叫個細嘅都夠分45碗🥳 唔算太辣，人人都啱飲😆 如果可以多少少蝦味就perfect了🦐⁡2️⃣ 酸辣豬頸肉沙律 $128 (7/10)咁多野食哩個係唯一辣嘅🤣 辣辣地幾開胃，好多片豬頸肉，又夠爽口🐽 沙律黎講，就以青瓜粒為主😛 仲有生洋蔥，不過未必人人啱🤣 ⁡3️⃣ 蟹肉黃咖哩 $88 (6.5/10)抵食之選🌟 蟹肉份量超級多，真係每啖都有🥳 蟹肉都係真蟹肉，唔係俾啲蟹柳敷衍你👍🏻 成碟咖喱好多，點晒8塊蒜蓉包仲有好多淨🥰 不過Pooh同朋友略嫌唔夠辣，建議食得辣嘅朋友可以叫佢加辣🌶⁡4️⃣ 蒜蓉包 $58 (6/10)蒜蓉包叫黎點咖哩啱晒🤪 都有大概8塊，唔算太重蒜蓉味😗 不過唔會太硬，唔驚刮口😛 ⁡5️⃣ 泰式炒粉絲 $88 (5/10)炒粉絲相對有啲失色😕 味道食落普通，都幾多蔬菜😳 揀咗雞肉，份量唔算多，有少少老🙈 ⁡6️⃣⭐️泰式夜市雪條 $免費 (7/10)⭐️哩個好有地道feel😍 大家食完可以問下佢有無😆 有洛神花同泰式奶茶兩款味💕 味道都唔錯，飯後甜品啱晒👍🏻 ⁡

本身係一個食海鮮素嘅人，泰菜有大部份都未必係素食，去到比較大型嘅連鎖泰式餐廳亦都唔會為你改變餐牌，但係Soi.29係好樂意Custommade for Vegetarian。

佢哋個蒜蓉包同泰式炒公仔麵真係好出色，超級惹味呀！個椰青都好抵讚，最怕已經好老或者食唔到椰青肉嘅椰青，青檸梳打酸酸甜甜都好正，值得一試。

我仲試埋佢哋個蝦膏炒飯，比起好多地方都好出色，加多個鹹魚炒芥蘭，勁有鑊氣仲要可以堂食到12點，呢個時勢真係冇得頂！

隨著冇得飛時間愈來愈長，愈來愈掛念各國美食。

近排試了一間新開的泰國菜館，食物飲品都很地道，一解思念泰國之苦。

店舖裝修走泰國地道大排檔風格，彷鐵皮牆身非常搶眼。

加上店內牆上的海報掛曆、紅綠藍膠櫈都令人想起Silom那邊性價比高的大排檔！今次和友人點了蝦膏炒飯、炸蝦餅、串燒沙嗲雙併和馬拉盞椰菜苗。

款款惹味夠鑊氣！特別是蝦膏炒飯和馬拉盞椰菜苗，我們不用10分鐘已吃光😂 因為朋友剛腸胃炎康復不久，店主非常caring答應幫我們走辣💕 見店主店員都非常Nice非常週到，客人對食物有什麼特別要求都盡力配合。

讚！飲品方面，我們點了龍眼冰和泰式紅糖奶。

以前在泰國路邊小攤車見到泰式紅糖奶一定會買，在香港我真的沒有見過。

很開心在這裡可以喝到！店主因應香港人的口味而作出適當的調整，甜度比泰國的沒那麼甜。

不過始終正宗紅糖奶是用泰國紅糖水加煉奶做的，沒喝過的朋友試新東西前要心理準備一下哦。

最後是泰式雪條，實在太耐沒有吃過了。

店家做了泰式奶茶味和蘋果味。

兩款味道都極濃！為此頓晚飯畫上完美句號。

店子名叫「Soi29」位於寶勒巷幾號不用說了吧?! 😎 📸

Soi.29餐單提供泰國菜, 大牌檔等推介美食位於尖沙咀區，餐廳座位數未知人均消費約$101-200，結賬可以用現金，Booking訂位可以電話致電 37953775 查詢。

您對於尖沙咀餐廳「Soi.29」有何 comment？

Soi.29餐廳詳細資料：

• Soi.29地址:
  尖沙咀寶勒巷29寶昌商業大廈地下
  Soi.29, G/ F, Po Cheong Commercial Building,29 Prat Avenue, Tsim Sha Tsui
• Soi.29電話: 37953775
• Soi.29價錢: $101-200
• 分類: 泰國菜, 大牌檔
• 座位: 未知
• 付款: 現金
• FB專頁: Soi.29 Facebook

更多Soi.29相關資料:

• Soi.29分店
• Youtube
• Facebook
• Twitter
• Google