Prego Restaurant 尖沙咀

Prego Restaurant 評價 相片

28/8下午本來唸住去食munch食tea,去到佢門口見到無豆腐蛋糕,而其他款我又覺得一般,裡面仲幾多人客,敢見佢地對面又有間餐廳,咪過去睇睇,一去到門口,裡面得兩位人客(坐在窗邊),我地就企係門口看看menu,果老細一見到我地,即刻走出門口sale我地食tea set,我見佢敢誠意拳拳,咪試下囉.我就點了法式芝士蛋糕set$28件cake雪得好凍,食落口都有d雪,味道就ok啦.飲品我就要了熱咖啡,有少少咖啡的酸味,味道就一般.小熊就要了一客3件法式麵包set$30:煙三文魚,佢話ok啦.吞拿魚(罐頭貨),一般啦.鵝肝醬,有d腥味,麻麻地.飲品佢就叫了咖啡,ok啦.lee到真係好靜,我地坐到5點都無客入來,星期六都敢樣,平日咪仲不得了,我都唔知佢維唔維到皮??服務都唔錯,埋單無收加一(尖沙咀區唔收加一真係好少有),$58都好平,如果同朋友平平地又想黎傾計都ok(因為一定唔嘈) .

晚餐點蕃茄醬意粉，意粉煮到爛哂，蕃茄醬是名副其實的蕃茄醬加水，快餐店貨色．朋友點三文魚白汁闊條麵，唔夠汁，闊條麵乾身脫水！重食到有鋼絲刷的鋼絲，告知店員，換過一碟，但店員仲要加一句：放心，唔係鐵線，唔會食死人！淨係兩個意粉，埋單$180，呢個價錢食快餐店貨色，下次一定唔會再幫襯．入餐廳之前已經無期望，但都係極度失望！

臨離開香港前，同屋企人到尖咀食晚飯，原本想去Munch，不過爆哂，於是去左對面o既Prego。

佢有九款set dinner選擇，我地order左三文魚蟹籽天使麵、夏威夷燒雞拚蟹籽凱撒沙律同四合一燒烤套餐。

磨菇忌廉湯相當唔錯，主菜都ｏｋ好食，我特別鍾意個沙律。

之後我地滿懷期望咁order埋甜品：Tiramisu同朱古力cheesecake。

後者都幾好味，但前者令人極失望！中間ｄ酒非常怪味！最後埋單約$34X。

就係因為件Tiramisu，加上佢o既裝修o係同區中稍差，我覺得唔抵食lu！

星期六同男友o係度食lunch. 只得Set Lunch供應. <br />我地兩個都配餐湯, 係雜菜湯(似羅宋湯多D) 餐包帶綠色. 應該混入了菠菜碎. 所以個包好多纖維. 口感得意亦夠熱;<br />個Main 我叫左個帶子蟹肉扁意粉.蟹肉夠多. 黏在每一條意粉上.帶子就有兩隻. 白汁OK Creamy. 多d 汁仲好, 呢味OK; <br />男友試左個焗鴛鴦飯(即Mixed Seafood and 肉醬). 飯底就過於濕身, 肉醬唔夠"醬". 只叫合格. Coffee好濃!<br />環境似Cafe Eos~不設加一. 服務殷勤. 算係咁~

上次有人請食飯,佢帶左我去呢間野度食~你可以揀餐湯或者沙津,好唔好彩我同我個frd都叫左個白菌湯,不過佢個白菌湯又好好味喎,仲有個餐包,熱烘烘的,好香,仲有小小黑黑地色,唔知係用咩料焗ga呢?我叫左個煙三文魚蟹子天使面,好好味ga喎,佢d汁又夠,三文魚又幾香,個老闆娘仲會問你要唔要芝士粉or tabasco~我個frd就叫左羊鞍,佢俾左一件我試,味道都唔錯~最後我地order左個french cheeze cake,芝士味夠濃,質地又夠實,係我鍾意既芝士餅類型>3<埋單都係一百七十幾蚊,都好抵呀,間餐廳都好靚下ga!!^^

Prego Restaurant餐單提供西式, 咖啡店等推介美食位於尖沙咀區，餐廳座位數未知人均消費約$51-100，結賬可以用現金。

您對於尖沙咀餐廳「Prego Restaurant」有何 comment？

Prego Restaurant餐廳詳細資料：

• Prego Restaurant地址:
  尖沙咀漢口道25-29號宜昌街4號(奇華餅家轉入)
  Prego Restaurant, 25-29 Hankow Road,4 Ichang St, Tsim Sha Tsui
• Prego Restaurant電話:  
• Prego Restaurant價錢: $51-100
• 分類: 西式, 咖啡店
• 座位: 未知
• 付款: 現金
• FB專頁: Prego Restaurant Facebook

更多Prego Restaurant相關資料:

• Prego Restaurant分店
• Youtube
• Facebook
• Twitter
• Google