PizzaExpress 尖沙咀

PizzaExpress 評價 相片

午市套餐包頭盤、主菜及飲品，價錢由$78起。

我們2人頭盤點了青菜沙律及是日餐湯、主菜選了北京烤鴨薄餅及蟹肉白酒汁意粉。

主菜均可加錢升級至全份分量。

北京烤鴨薄餅一直是我到PizzaExpress必點的菜色，獨特的風味，香濃的北京烤鴨醬配上片片juicy烤鴨肉、青瓜碎及京蔥非常搭配！蟹肉白酒汁意粉香滑美味，已經成為我的近期最愛！店員服務殷勤有禮，每次送上頭盤及主菜時也會問我們是否需要加黑椒，也會問我們對餐點滿意嗎。

開左咁耐都未去過, 今日終於下定決心試試啦! 午餐好平 $58起, 有 pizza, 沙律, 意粉或者長通粉選擇, 包頭盤 & 飲品, 雖然係細portion 不過都幾抵丫! 雖然男仕應該唔夠飽! 我幾喜愛佢哋個麵包球…...旁邊既蒜溶牛油, 好香! 意大利菜湯太酸, 雖然靚, 不過味道有點假, 我麻麻! Pizza係薄底, 邊脆底唔脆, 餡料都算豐富! 雞肉長通粉, 用雞胸肉, 唔算嚡! 醬汁有點稀, 通粉軟硬適中! 飲品基上係汽水, Ginger Ale 仲要係細罐, 倒出嚟得半杯! 凍檸檬茶要加 $18 (好似係)…太貴喇, Outback 任飲凍檸茶架 ma… 最後 +$20 食 tiramisu, 有人話似木糠布甸…我覺得幾好, 芝士幼滑, 整體略嫌淡味! 

知道PizzaExpress 出左聖誕menu, 一於約埋班friend一齊開party, 迎接聖誕! 一大班人試左勁多野食, 好滿足呀!余小b一嚟到就自動波油顏色, 非常投入 (如果做功課有咁乖就好啦！)我同余爸爸可以乘機抖抖!呢期轉左聖誕menu, 好有新鮮感!先來新口味<龍蝦湯>, 香濃的龍蝦湯配上鮮甜的蟹肉, 再用少少忌廉做點綴, 入口更加香滑,余小b一人獨吞了一整碗, 好棒場啊！<帕爾馬火腿磨菇沙律>也是必點!帕爾馬風乾火腿鹹香幼滑, 令我忍不住想多吃幾片! 余媽媽本身超鍾意食沙律菜, 今次見到各種健康沙律菜, 巴馬臣芝士碎和酸辣的辣甜椒粒, 多重味覺刺激, 緊係要食多啲啦！嚟PizzaExpress當然要食吓pizza先至夠過癮！新口味<卡邦尼薄餅>好有驚喜!除左有煙肉, 芝士, 蕃茜碎之外, 中間仲加入了流心蛋, 一切就爆晒汁, 好有驚喜呀！余小b都勁食左兩件~<迷迭香火雞薄餅>又是另一番風味! 紅莓同蕃茄醬好夾, 再加上火雞肉, 酸酸甜甜幾開胃!想要點刺激, 可以試吓<雞肉蘑菇薄餅>,面頭灑上了紅辣椒絲, 微辣, 令成個pizza充滿任節氣氛, 啱晒好辣的余爸爸! 加入了嫩滑的雞肉, 口感更豐富!食完pizza已經飽左一大半, 不過仍然好想試其他新野!<龍蝦汁意大利雲吞>意大利雲吞大小適中,口感香軟, 剛好一口一隻, 用上係魚肉和大蒜做餡料, 再以蟹肉, 龍蝦汁和紅洋蔥等惹味食材煮成, 熱辣辣香噴噴, 面頭加入少少紅椒絲吊味, 好美味啊！ <燉牛肉螺絲粉>牛肉好夠淋, 好入味!面頭灑上芝士, 蕃茜和松子仁, 用螺絲粉一齊食好咬口!<白汁火雞螺絲粉>如果唔想食咁濃味, 可以揀呢款白汁口味, 加入了火雞,同樣可以感受聖誕氣氛啊!到余小b最期待嘅甜品時間喇! 今次我地大玩D.I.Y。

。

發揮小宇宙, 把呢款美味嘅<焗麪包塔>創作成充滿聖誕氣氛嘅造型~哈！最緊要玩得開心! Merry Christmas!

Lunch Time 只得1小時食乜好？！有時都真係幾頭痛，又唔想排隊又想坐得舒舒服服咁享受一下.....近排俾我發現原來Pizza Express 嘅 Lunch Menu 其實幾低食，有小食、Pizza或意粉、包飯品都係$58$78 任你選擇 （+$38仲可以升級原個Pizza 或 整個意粉）多人一齊食都真係好低食！最重要係有得book枱，可以輕輕鬆鬆咁去攞位跟住輕輕鬆鬆咁樣去享受一個午餐三款跟餐小食都好味，尤其是焗麵包球嘅牛油簡直就係邪惡嘅魔鬼👹。

我哋仲加$18叫咗個焗蘑菇，大大粒好cheesy 午餐最啱來過簡單又清新嘅羅勒香草醬意粉 Pesto Spaghetti ，特別喜歡這香草的味道經典嘅辣肉腸薄餅Pepperoni Pizza都係必吃之選，呢度嘅餅底厚薄適中，餡料都好豐富唯一叫咗一個聽個名已經驚嘅北京填鴨薄餅Peking Duck Pizza，同事話想試一試，但我就覺得有啲嘢唔使試都知道⋯⋯⋯^_^‘’（這真的係我食過最難食嘅Pizza)...味道好甜好怪完全唔夾嘅 Pizza 呢度嘅餐飲熱茶係選用 英國嘅Teapigs茶包，所以我每次來都係必叫的！

近日天氣陰陰，唔想行太遠，決定同同事過梨呢度食！我哋覺得呢樹幾好。

lunch set 有appetizer，主菜，同一杯飲品。

Starter: Baked Dough Balls同事話呢個係招牌，所以一定要試。

個波波新鮮焗起，熱熱既。

加埋啲soft butter，好魔鬼，好肥。

但好好味。

同事都係叫呢個。

大家自己一人一碟。

食曬。

Main: Spaghetti Cabonara $78呢個carbonara 好creamy。

雖然個分量睇落去好似細份少少，但係一個人食，其實都幾heavy。

我到放工時間都仲好飽！個麵每一條都沾滿汁，另外上面撒咗啲芝士粉。

好好味。

Drink: Lemon & Ginger Tea個茶都幾好。

全部獨立茶包。

我叫呢個lemon & ginger tea，姜味都幾出。

同埋有侍應會定時過黎幫手加熱水。

服務唔錯。

另外同事叫：Pizza of The Day (American Hot Pepperoni & Jalapeno Pepper) $78本身同事怕lunch set 個分量細，但佢同我一樣，到放工都仲超飽。

睇佢食得幾滿足咁，我下次都要試下個pizza~

PizzaExpress餐單提供意大利菜, 薄餅, 無肉餐單等推介美食位於尖沙咀區，餐廳座位數未知人均消費約$101-200，結賬可以用Visa,Master,現金,AE,銀聯，Booking訂位可以電話致電 25131117 查詢。

您對於尖沙咀餐廳「PizzaExpress」有何 comment？

PizzaExpress餐廳詳細資料：

• PizzaExpress地址:
  尖沙咀麼地道68號帝國中心地下G31-33及G49-51號舖
  PizzaExpress, Shop G31-33, G49-51, G/ F, Empire Centre,68 Mody Road, Tsim Sha Tsui
• PizzaExpress電話: 25131117
• PizzaExpress價錢: $101-200
• 分類: 意大利菜, 薄餅, 無肉餐單
• 座位: 未知
• 付款: Visa,Master,現金,AE,銀聯
• FB專頁: PizzaExpress Facebook

更多PizzaExpress相關資料:

• PizzaExpress分店
• Youtube
• Facebook
• Twitter
• Google