Fortune Cat 尖沙咀

Fortune Cat 評價 相片

一行4人朋友聚餐, 決定搵一間舒適既餐廳去ENJOY, RELAX, 盡情開心傾計愉快一晚!!結果搵到Fortune Cat, 由於預先訂位, 所以去到已經可以即刻入座.侍應好好, 又有禮貌, 感覺好CLOSE 好傾得埋. 由於唔知下一道係咩菜, 神秘感十足, 亦充滿期待!!餐廳裝修感覺高雅, 又有OPEN KITCHEN, 大愛!!首先第一道菜, 已充分感受到廚師既用心.左起魚子醬蕃茄仔, 中間係最估唔到既麥片沙葛, 右邊波菜撈三文魚. 前面薯蓉上係超脆紫薯片, 仲有最底兩支係烘意粉!! 個底係煙薰用既蘋果木.第二道菜: 三文魚羅勒菜卷配泰式雞醬, 食完之後, 一直念念不忘, 依家又好想食喇!!第三道菜: 吞拿魚他他, 左邊伴菜既沙律都好好味.第四道菜: 好鐘意既龍蝦湯, 係用蝦殼, 龍蝦殼拗成 + 熱辣辣牛角包第五道菜: 香草芝士蝦雲吞第六道菜, 亦都係主菜, 有雞腿, 魚, 牛扒, 羊架揀, 我地4個都揀左牛, 哈哈!最後甜品: 係我最愛既心太軟, 食得出同出面甜品舖既好唔同, 好正既朱古力.由於另一個朋友唔鐘意朱古力, 所以餐廳推介左蘋果批...嘩, 呢個蘋果批竟然可以做成一個不甜不膩晚甜品, 好正!! 總括黎講, 好驚喜好窩心既一晚, 一定會再幫襯!!

早幾日係我男朋友個FD極力推介，仲主動幫我地BOOK埋台下，我同我男朋友就去左呢間私房菜度渡過左我地的一週年啦。

開頭聽個FD講得咁誇張好味都唔敢期望太大住，怕期望愈大失望愈大，點知果餐真係令我地異常驚喜！首先個環境舒服、燈光浪漫不在話下，最正就係台面要黎COOL住條餐巾隻大鑽戒，可惜唔係我男友要黎同我求婚啦問極個老闆都唔肯讓隻戒指俾我！不過呢度既SERVICE真係不錯，每上一道菜都會介紹返，老實講，我都唔係好記得每道菜係咩名堂啦！但係佢每道菜都絶無欺場，超高水準！同埋個廚房都係開放式，我坐個位係可以望到晒入面個廚師煮送情況。

果晩食左六道菜一個甜品加一個柚子雪葩，夾埋都係四百八十蚊一位。

當中最鍾意就係個牛角包，熱辣辣又香又鬆化；另外個黑松露帶子，呢個堅要推介一下，帶子鮮甜，而黑松露陣味係個口度啷下啷下咁，兩樣配搭一齊個味道超正；仲有個墨西哥鴨胸薄餅，好足料，不過佢入面有D辣汁，對我黎講就辣左D...我男朋友鍾意辣就好啱食，其實可以request少辣，只不過係我高估左我自己可以食辣既程度！最後仲有個柚子雪葩都好值得推介，口感好特別唔同一般雪葩，再加上入面有柚子肉粒，所以柚子味十分濃郁，又唔會太甜，啱晒我呢d鍾意食甜品但又唔食得太甜太漏既人。

總括呢一餐可以講話係物超所值，埋單果下真係估佢唔到，四百八十蚊呢個價錢食到呢d質素既菜，絶對可以再幫襯同埋介紹埋俾朋試。

聽個老闆講話佢地既廚師好犀利，係會自己買材料返黎研究新菜式，所以下次黎可能又有新驚喜啦！

上一次同一班中學同學聚會,佢地其中一個就試過呢一間點知真係一試難忘丫!!個日我地一行6人咁佢入面有個餐真係好抵食..$380咁當然仲有其他啦~~咁第一次就試左呢個餐先啦~~食西餐當然由頭盤食起先啦~~`第一度頭算真係意想不到,,,有煎西瓜配鵝干醬多土真係超好食~~又其係個鵝干~我既至愛!!!!!冇諗過咁好味~之後就上左一度法式魚子蟹肉蒸蛋,,不過我對蟹就MAMA地,,但都OK!!!當然小不了既就係主角牛扒啦...嘩......食落去d肉真係超"林"超有口感!!!好食到形容唔到有幾好食~真係要去試過先知~~~仲有一個風乾肉拼盤都幾好味~~~第6張相就係三文魚沙律第7張呢又係我的最愛~~~~心太軟丫>3<!!!一個字,,正第8張就係黑松露野菌湯,,,開頭我以後會好勁古味..不過飲落去又唔係好勁,,,係幾香下架~~呢個值得一試1~其實整體呢間野都唔錯~~$380食到一個咁豐富既西餐係邊度搵~~~同MA佢呢到既裝修丫真係好浪漫~~都幾岩情侶去

Fortune Cat餐單提供西式, 私房菜等推介美食位於尖沙咀區，餐廳座位數24人均消費約$401-800，結賬可以用現金。

您對於尖沙咀餐廳「Fortune Cat」有何 comment？

Fortune Cat餐廳詳細資料：

• Fortune Cat地址:
  尖沙咀柯士甸道114-116號山林地下
  Fortune Cat, G/ F, Hillwood Vista,114-116 Austin Road, Tsim Sha Tsui
• Fortune Cat電話:  
• Fortune Cat價錢: $401-800
• 分類: 西式, 私房菜
• 座位: 24
• 付款: 現金
• FB專頁: Fortune Cat Facebook

更多Fortune Cat相關資料:

• Fortune Cat分店
• Youtube
• Facebook
• Twitter
• Google