Espuma (H8) 尖沙咀

Espuma (H8) 評價 相片

黑白芝麻吞拿魚伴青檸雪葩 $98微微烤過既吞拿魚好鮮甜，口感都好嫩滑😋 吞拿魚表面既黑白芝麻好香脆，提升左整體既口感👍 仲有鋪係面既海量三文魚籽，一咬爆汁，好正🤩辣味蟹肉撻 $85大家放心，不太辣，連我都食到😎 微微既辣更加帶出蟹肉既鮮味👍 撻皮好鬆脆，入口即化，依個starter送酒一流😽龍舌蘭青檸野雞搥 $98火燒雞搥🔥夠曬吸睛👀 大家都手忙腳亂拎手機出黎影相拍片🤣 因為淋左tequila，雞搥食落帶點酒精既苦澀味，鐘意飲烈酒既人應該會幾鐘意🤝 微微燒焦既雞皮好香脆，雞肉都好juicy🐔西班牙橡果黑毛豬柳龍蝦汁砂鍋飯 $268好喜歡依個飯既口感好煙韌，亦都撈左海量既櫻花蝦🦐 配上龍蝦汁，成個飯鮮味十足👍 雖然西班牙橡果黑毛豬柳有點過熟，但都食到豬柳淡淡既堅果香味😋 依個砂鍋飯既份量都算多，5至6個人share食絕對足夠🤙🏻慢煮6小時牛肋肉龍蝦闊蛋湯麵 $198夾起舊牛肋肉影相已經知道一定入口即化，果然食落真係勁軟淋，吸收曬龍蝦湯既精華🤩 絕對係慢煮6小時既效果🤓 值得一提自家製既闊蛋麵好彈牙，口感一流，仲有好香濃既蛋味🥚高質‼️焙茶朱古力沖繩黑糖窩夫配雪糕 $98 (Half)/ $138 (Full)Espuma既甜品出曬名打卡able，一拎上枱大家都嘩嘩聲🤩 見到一團粉紅色棉花糖，真係少女心大爆發💓 好似一舊粉紅色既雲飄係半空，撥開雲霧係女生另一至愛: 窩夫配雪糕😋 窩夫口感軟熟，配上冧酒提子、朱古力雪糕，每一啖都係享受🤤 樽底仲鋪左水果同切成立方體既海綿蛋糕，沾滿焙茶朱古力醬，好正呀😽 Full既份量都幾多，56人share都絕對足夠👍脆蛋白綠茶慕絲卷蛋 $88只憑外表真係睇唔出原來係卷蛋，擺盤花左唔少心思，值得一讚👏 卷蛋口感好綿密，表層既慕絲都好幼滑，綠茶味好濃郁😻 脆蛋白係邊⁉️ 原來係卷蛋既頂部，即水果下面!! 脆脆地又不太甜，入口即化既口感幾得意😎

朋友呢期對西班牙菜🇪🇸非常有興趣，想我陪佢一齊食，因為佢知道我對西班牙菜🇪🇸有少少認識，呢日佢約我喺尖沙咀，就帶咗我嚟呢間喺樓上嘅西班牙🇪🇸餐廳😆 $85嘅「辣味蟹肉撻🦀」：撻係酥皮，又熱又鬆化，裏面有啲拆咗落嚟嘅新鮮蟹肉🦀，呢個好好味，係一個好好嘅 Appetizer 😋 $98嘅「龍舌蘭青檸野雞球🍗」：雞錘上桌嘅時候，旁邊已經有一小瓶燒着咗嘅 Tequila，店員哥哥將 Tequila 倒落 雞錘🍗，全部着晒火🔥，幾好玩😆 $268嘅「西班牙🇪🇸橡果黑毛豬柳🐷龍蝦汁🦞砂鍋飯」：除咗黑毛豬柳🐷，材料仲有 去咗腸衣 再切成小粒嘅 Chorizo（呢個係我問店員妹妹，佢再問廚房話俾我知😆）、墨魚🦑、冬菇、昆布、櫻花蝦🦐，西班牙菜🇪🇸中出現呢啲食材，相當少見😋；而米飯就用龍蝦湯🦞煮過；呢個飯 份量仲好多，食得好飽😋 $128嘅「百利甜酒提拉米蘇窩夫🧇跟雪糕🍦」：窩夫🧇上邊有一個巨型棉花糖，超吸睛🤩，相信好多 少女、淑女、魔女都會超鍾意❤️😆；窩夫🧇配 Tiramisu 同雪糕🍦一齊食，好正😋；仲有，原來英文名叫 PickMeUp, 真係一語中的，名字改得好😆 $48嘅「招牌水果茶」同都係$48嘅「自家製西柚冰茶」：兩杯都好清新😋食完朋友問我對呢餐西班牙菜有乜評語，我話呢個絕對係 新派西班牙菜🇪🇸，每樣菜式都頗有創意😋，仲好抵食😆

好耐以前食過呢間餐廳，記得佢既西班牙炒飯同甜品都唔錯，今日約咗兩個朋友嚟食晚餐～辣味蟹肉撻 $85呢個前菜幾好食，香脆熱辣嘅曲奇撻皮，滿滿嘅蟹肉西班牙橡果黑毛豬柳龍蝦汁砂鍋飯 $268上次試過西班牙飯，今次轉個新口味，好多塊黑毛豬🐷，望落都幾吸引，飯粒索盡龍蝦汁嘅香味，不過拌飯入面仲有香菇粒，所以食食下有中式煲仔飯嘅感覺，都幾特別山水畫 $208見到餐牌有山水畫就好奇點嚟食下係咩嚟，原來鋪喺底部嘅綠色係菠菜蓉，不過略嫌有啲鹹，雞肉芝士卷、雞鎚都正常發揮。

糯米飯我就覺得分開食好啲，始終覺得係甜品，不過呢道菜都令我幾欣賞餐廳嘅創意焙茶朱古力沖繩黑糖窩夫配雪糕 $138一上菜嗰時真係哇咗一聲，我仲以為係侍應拎個花盆上黎😹😹睇真D先見到原來係超級無敵大嘅棉花糖，透明筒下邊就係窩夫同埋新鮮嘅水果，movenpick雪糕我哋揀咗藍莓芝士餅味，一啲都唔令人失望呀，呢份甜品好適合用嚟打卡，色彩繽紛嘅棉花糖，水果亦非常多種類，靚👍🏻

餐廳裝修簡約時尚， 窗邊的 一排大玻璃， 採光度十足， 可以欣賞到厚福街熱鬧的街景， 餐廳主打西班牙 fusion 菜式。

蕃茄清湯酸菜白鱈魚$118 白鱈魚，魚肉雪白，完全浸泡在番茄酸菜清湯之中， 令人垂涎， 魚肉鮮味滑溜， 配上酸酸地蕃茄清湯及爽脆酸菜， 格外惹味， 令人胃口大開， 滋味的開端。

龍舌蘭青檸野雞鎚$98店員在野雞槌上淋上龍舌酒， 再燃點火， 令人著迷， 雞槌野雞槌不但肉質軟嫩， 仲散發著淡淡的酒香， 及青檸的清香，滋味吸引。

西班牙橡果黑毛豬柳龍蝦汁砂鍋飯$258黑毛豬柳砂鍋飯是鮮味的盛宴， 每口米飯裏面有小蝦乾、 彈牙魷魚圈、 及配上龍蝦汁， 米飯吸收了海鮮的精華， 鮮味十足 ，西班牙橡果黑毛豬柳， 輕輕力已經好容易切開 ，肉質柔軟， 啖啖好滋味 ，令人吃過不停。

百利甜酒提拉米蘇窩夫配棉花糖及藍莓芝士餅雪糕半份$128窩夫即叫即製，仲配上一大球 蓬鬆棉花糖，造型令人心心眼睛，相機食先， 先吃棉花糖 ，口感如雲朵般蓬鬆， 下層時香噴噴提拉米蘇的窩夫， 窩夫鬆軟、綿彈，洋溢誘人蛋香， 配上新鮮的士多啤梨、藍莓、桔子及奇異果點綴， 賣相漂亮， 窩夫表面是滑溜忌吉士醬，份外香甜， 跟配一球甜味藍莓曲奇雪糕，在口中泠熱交融， 讓人陶醉其中 。

貴妃荔枝茉莉茶$45 、草莓蜜桃沙冰$56貴妃荔枝茉莉茶， 用上透明玻璃瓶加熱盛上， 啖啖充滿馥郁的荔枝香氣 ，十分享受。

草莓蜜桃沙冰 ， 充滿夏日色彩， 啜一口沙冰， 清新香甜， 慢慢沁出蜜甜的果香， 香甜吸引。

約咗班朋友係尖沙咀食飯，大家想食西餐，突然諗起幾年前係厚福街，食過一間唔錯嘅西班牙餐廳，環境又舒適就決定再去食。

辣味蟹肉撻擺盤非常有心思，個撻應該係剛剛出爐，食落仲係熱辣辣，面頭有大量蟹肉，再加微辣嘅芝士底，作為小食非常正！黑白芝麻吞拿魚伴青檸雪葩吞拿魚夠新鮮，而且切嘅厚度適中，配埋魚子同芝麻一齊食好夾，再加埋青檸雪葩更多左一份清新，非常開胃。

龍舌蘭青檸野雞搥雞搥煮得恰到好處，肉質鮮嫩多汁又夠滑，微酸嘅青檸味再加少少酒味平衡好特別！西班牙橡果黑毛豬柳龍蝦汁砂鍋飯根據menu,呢個秘製砂鍋飯製作時間需要三十分鐘以上，果然冇令大家失望！果飯熱辣辣又多料，飯質唔會過軟過硬，每淡都食到唔同嘅餸，配合埋個黑毛豬柳一流，而且份量仲要比想像中大。

慢煮6小時牛肋肉龍蝦闊蛋湯麵個龍蝦湯底都幾濃，呢種闊度嘅蛋麵出面好少有，個麵質唔錯，慢煮牛肋肉都幾軟身，我哋個個都食指大動，連湯都飲晒。

脆蛋白綠茶慕絲卷蛋呢個甜品分兩層，上層個蛋白整得夠脆，可以配埋新鮮水果同表面綠茶cream食，下層就係一個微微帶苦嘅綠茶卷蛋，上甜下苦，上脆下軟，互相中和，非常有層次。

焙茶朱古力沖繩黑糖窩夫配雪糕及綿花糖呢個甜品賣相非常吸引，令到我地瘋狂打卡，上面有好耐冇食過嘅草莓味綿花糖，下面就有Blueberry Cheesecake Movenpick雪糕以及窩夫、蛋糕及水果，真係超級豐富！窩夫整到外脆內軟，好高水準，而且唔會太甜，配雪糕或者個汁食就啱啱好，蛋糕切成一口嘅size夠貼心，水果有蜜桃、士多啤梨、藍莓、奇異果......呢個價錢有咁多野真係好抵食！食完之後覺得好滿足，餐廳水準依然，難怪可以係尖沙咀呢個旺區繼續長做長有，下次有機會再同朋友去食！

Espuma (H8)餐單提供西班牙菜, 多國菜, 甜品, 糖水, 咖啡店, 樓上cafe等推介美食位於尖沙咀區，餐廳座位數80人均消費約$101-200，結賬可以用Visa,Master,現金,AE,銀聯，Booking訂位可以電話致電 27392080 查詢。

您對於尖沙咀餐廳「Espuma (H8)」有何 comment？

Espuma (H8)餐廳詳細資料：

• Espuma (H8)地址:
  尖沙咀厚福街8號H82樓
  Espuma (H8), 2/ F, H8,8 Hau Fook Street, Tsim Sha Tsui
• Espuma (H8)電話: 27392080
• Espuma (H8)價錢: $101-200
• 分類: 西班牙菜, 多國菜, 甜品, 糖水, 咖啡店, 樓上cafe
• 座位: 80
• 付款: Visa,Master,現金,AE,銀聯
• FB專頁: Espuma (H8) Facebook

更多Espuma (H8)相關資料:

• Espuma (H8)分店
• Youtube
• Facebook
• Twitter
• Google