Crusta 尖沙咀

Crusta 評價 相片

嗰日我同朋友約喺尖沙咀，仲諗緊食乜嘢嘅時候竟然響赫德道望見有間好唔起眼嘅快餐小店，因為佢隔離咁啱有人做緊裝修啲竹棚叉晒出嚟遮住咗佢哋嘅門面，好彩我眼利見到，就同朋友入去試吓，一試之下真係不得了，估唔超抵食又好食，性價比咁高竟然冇乜人講！所以要同佢出個post推薦下！睇返原來佢都係新開張冇幾耐，唔怪得知網上同埋OpenRice都唔係話好多資訊，咁我就做先頭部隊試吓佢啲嘢食啦！😋其實佢嘅嘢食選擇唔多主要有兩個餐一款叫做Crusta Combo，另一款叫Pizza Combo，咁我同朋友每人點一款餐再分享就啱啱好試哂啦😝可能我才疏學淺，我特登上網去睇吓咩叫Crusta😂原來係類似餅皮嘅食物，個老細超Nice向我哋解釋返呢個Crusta餅皮原來一啲都唔肥！佢話一個牛角包用咗34g牛油，但係佢哋用Crusta 皮整的批同Pizza係完全冇用牛油㗎！食完都冇咁罪惡，搞到我勁期待 😍佢啲嘢食上都幾快，首先嚟嘅係Crusta Combo，同埋呢個餐先至$59，入面已經包咗一個招牌牛肉Crusta（呢款要加多$2），炸薯條可以揀蕃薯條或者potato fritters, 因為唔知咩係potato fritters，好奇下我就揀咗😋仲有一隻雞中翼同埋一杯嘢飲講返個免治牛肉Crusta，其實外型有啲似牛肉批，個size都幾大，老闆話一定要用手食，拎上手熱辣辣感覺好實在🥰佢係用左crusta餅皮包住飽滿嘅免治牛肉, 用飽滿真係一啲都唔誇張，一啖咬落去，佢中間係滿滿嘅免治牛肉洋蔥餡！真係爆汁爆餡㗎！而且個批皮係好薄身，令每一啖都係牛肉餡😍老闆雖然聲稱crusta皮冇落牛油，但係食落去又可以做到嗰種酥脆同埋鬆化，食落唔會覺得好油膩，反而好Fresh喎，唔知係咪個crusta皮吸左啲肉汁中和左呢？我真心覺得佢哋crusta批超好味😍大推！👍我見到佢單售都係$37$39一個，仲有唔同嘅口味，既然唔肥，所以我忍唔住再order多個周打海鮮批😝同樣係咁正呀！中間嘅海鮮非常足料，好似飲緊濃濃嘅周打海鮮湯咁🥰另外跟餐個potato fritters同樣係我私心推薦！原來呢個炸物係將一啲薯仔紅蘿蔔同埋洋蔥刨絲再組合而成一齊去炸，超。

級。

好。

食😍😍😍我再講多一次係：超級好食！🤩我第一次食呢一款嘅類似炸薯條嘅咋嘛，佢加埋洋蔥同埋紅蘿蔔絲落去成件事生色不少，有啲似將洋蔥圈同炸薯條嘅混合體，有洋蔥嘅香味，又有薯條嘅香脆煙靭口感，佢新鮮炸起嘅時候即食簡直係人間美味，呢個potato fritters係第二樣我超推介俾大家㗎！🙌🏻隻雞中翼我就覺得普普通通啦，有少少細隻😝不過成個餐來講都非常之抵，我諗一般人食完呢個Crusta Combo都應該幾飽, 係我先要叫多個批啫，哈哈🤣另外朋友點嗰個Crusti Pizza Cambo 就$79， 超大份！個Pizza同樣都係用咗crusta 皮，但係食落去同一般嘅坊間薄Pizza冇乜分別，一樣係做到香脆同煙韌嘅口感，topping 我哋揀咗蕃茄烤雞❤️炸薯條我哋揀番薯條，全部都好味，冇嘢失手！要俾啲掌聲👏估唔到比我係尖沙咀街頭遇到小驚喜🤩相信大家睇到呢度都feel到我食到正嘢勁想推介俾大家果種興奮😝因為我覺得難得遇到一更用心製作食物，依家錢又唔貴性價比高嘅餐廳好想推介俾大家，重點係個老闆好有理念主要想大家食得健康，更加值得我推廣！💚不過我估佢新開張左冇耐，所以唔係好多人知，果日lunch time都唔算好多人幫襯，所以我先決定幫佢推一推，大家有機會經開尖沙咀，都可以過去食一個Crusta支持下佢哋吖💚店名：Crusta💚地址：尖沙咀赫德道13號利威商業大廈地下1號舖

[ Crusta ]留意到尖沙咀呢間新開嘅薄餅🍕快餐店，標榜使用健康材料每日新鮮製作薄餅麵糰及炸物，望落咁健康要入去試吓！✿ Crusta Combo $59✿ Crusti Pizza Combo $74餐廳主打呢兩款套餐，有齊主食、炸物、沙律、雞翼及飲品。

主食🍕Crusta係一種以餅皮包住薯蓉🥔、蔬菜🥦及芝士🧀嘅食物，而Crusti Pizza係8吋薄Pizza🍕，兩者都係以健康材料製作麵糰。

麵糰材料使用100%橄欖油🫒，🚫無使用牛油、人造牛油、起酥油、豬油等唔健康嘅油，所以無反式脂肪。

而麵糰使用天然材料發酵🚫取代酵母，食完易消化唔會胃脹。

另外麵糰材料🚫無添加糖、代糖、防腐劑、化學物、味精，相當健康。

👍👍👍Crusta有7款口味，泰式甜辣雞(sweet chilli Thai chicken)🇹🇭🐔甜甜辣辣，夾住自家製薯蓉、蔬菜及芝士食幾惹味。

Pizza有3款口味。

帕爾馬火腿(Parma ham)配料有自家製橄欖油浸番茄乾🫒🍅、慢炒洋蔥🧅、羅勒🌿及西班牙🇪🇸意式火腿，好充料，食落同平時薄pizza一樣香脆煙韌。

炸物🍟有薯仔餅(potato fritters)及番薯條🍠(sweet potato)選擇，兩款炸物都係每日用新鮮蔬菜🥗製作。

薯仔餅以薯仔🥔、紅蘿蔔🥕及洋蔥🧅刨絲結合後油炸🔥，有薯條嘅香脆口感及洋蔥香味，好味道😋。

總結🫦 餐廳以健康材料製作食物，食完pizza無平時飽飽滯滯嘅感覺。

套餐食物份量充足，性價比高，打破一貫思想，食pizza都可以食得健康🧏🏻🧏🏻‍♀️。

✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Crusta地址：尖沙咀赫德道13號利威商業大廈地下1號舖電話：2808 0880✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

餐廳係赫德道，一間接近轉角位既小店，美式裝修，成個感覺都好chill，好似去佐外國咁。

我叫佐一個$74既crusta pizza combo set，上枱真係嚇一跳，份量好多，一個女仔自己食晒係真心會飽😳一個set有一細杯雜菜沙律，一份薯條，一隻雞翼，一個pizza，一杯飲品。

沙律已經好好食，撈得好香，會有衝動再買多杯黎食🫣雞翼無諗過都有一隻，唔係焗到脆晒果啲雞翼，係蜜糖雞翼咁，有啲焦香，甜甜地，雞肉就好嫩，超正🤓薯條就有得簡蕃薯條或者炸薯餅，我就簡佐炸薯餅，其實都係整到一條條粗條，由薯仔絲，紅蘿蔔絲，洋蔥絲組成，完全唔油膩，口感好爽脆😚主角既pizza更加出色，有78塊左右，餅底好薄好脆，好似餅乾咁，餡料好豐富，我叫Parma ham既，除佐Parma ham仲有其他腸仔，蔬菜呢啲配料，勁香口🤤最後飲埋杯梳打水真係勁爽，超飽超滿足！

放工經過赫德道，留意到呢間新開的店， 見到 餐牌幾吸引 決定入去試下最初我以為係賣批， 但經店員介紹之下 原來佢哋唔係賣批，係賣Crusta, 店員解釋 係一種餅皮， 分別係在於佢哋唔用牛油 絕對係健康之選！Crusta combo $59有 sweet potato fries, Crusta 加汽水啲 款式 好特別， 有好多唔同味道, 有泰式，又有沙嗲， 好多款都想試，但因為我一個人食, 所以揀咗個 佢哋推介嘅 juicy beef mince, 好濃味, 好多汁, 好多餡料仲有 濃濃的 洋蔥味 上面仲有薯蓉, 同蔬菜, 感覺一啲都唔膩!上菜時 店員 推介 話要用手套食，唔用叉， 感覺好得意間舖好乾淨，整潔， 環境好舒服店員的服務態度好好，細心解釋唔同嘅食物無論環境，服務態度同食物都非常滿意極力推介呢間新開的小店！

有冇人同小編一樣有時口痕都會有想食PIZZA的衝動呢☺️尖沙咀最近就開左間標榜無落牛油，使用健康橄欖油的薄餅小店👨🏻‍🍳100%每日新鮮整造餐廳主打Crusta同pizza✊🏻套餐有齊薄餅+番薯條+一隻雞翼+沙律同汽水都係$74😳呢個價錢非常抵食👍🏻_🍕Crusti pizza combo $74 暫時有3款口味既Pizza，今次揀左Parma ham👍🏻配料有番茄、芝士、炒過既洋蔥、蘑菇等，好足料😉薄餅係薄底批邊輕脆，下單後等咗5分鐘就有得食，趕時間都唔怕😗Combo set仲有隻雞翼，BBQ味香口惹味🍗必食佢地嘅potato fritters同sweet potato fries，番薯條外脆內香甜好好食😋另外加左紅蘿蔔同洋蔥既fritters配埋茄汁香口惹味🥕🥧Crusta combo $59 ▫️Beef Mince +$2▫️Classic seafood chowder今次試左兩款口味， Crusta口感煙韌，爆餡嘅Beef Mince🐮好香，面頭仲有薯蓉、芝士同西蘭花🥦海鮮果款食落更加Creamy😌餐廳有提供手套及匙羹，食落都好方便

Crusta餐單提供西式, 薄餅, 快餐店等推介美食位於尖沙咀區，餐廳座位數20人均消費約$51-100，結賬可以用Visa,Master,AlipayHK,支付寶,現金,八達通,銀聯,BoC,Pay,OpenRice,Pay,雲閃付，Booking訂位可以電話致電 28080880 查詢。

您對於尖沙咀餐廳「Crusta」有何 comment？

Crusta餐廳詳細資料：

• Crusta地址:
  尖沙咀赫德道1-3號利威商業大廈地下1號舖
  Crusta, Shop1, G/ F, Lee Wai Commerial Building,1-3 Hart Avenue, Tsim Sha Tsui
• Crusta電話: 28080880
• Crusta價錢: $51-100
• 分類: 西式, 薄餅, 快餐店
• 座位: 20
• 付款: Visa,Master,AlipayHK,支付寶,現金,八達通,銀聯,BoC,Pay,OpenRice,Pay,雲閃付
• FB專頁: Crusta Facebook

更多Crusta相關資料:

• Crusta分店
• Youtube
• Facebook
• Twitter
• Google