Bien Dinning 尖沙咀

Bien Dinning 評價 相片

私房菜我只是吃過兩次,第一次食已經耐到唔知幾多年之前,食過D咩都唔記得左,淨記得係中菜,邊個省的?真係唔記得...第二次,就係今次!!為了幫媽媽慶祝生日,早一個禮拜我已上網找那一間餐廳較好~雖然大家心裡都有一間餐廳係心水,只是我唔太想 食黎食去都係嗰幾間姐...所以,最後決定試下BIEN DINNING"早幾天先打電話上去BOOK位,因為怕星期六人會比較多~很幸運,接電話的BEN哥哥話重有位 ^^餐廳的位置算四通八達,留下有咪錶位,但入口處較偏僻,很容易走過龍...一入門,他們已為我們安排好房間,房間大約可坐十人,裝潢一貫以白紅兩色為主,配上柔和的燈光,浪漫得很(^,^)/~~~餐牌有六款主菜,而餐湯,前菜,甜品可以自由組合,因為今次是同屋企人食飯,所以我地D食物都係SHARE黎食的~餐湯:蟹肉南瓜大蒜忌廉湯 南瓜煲得全部溶曬,忌廉滑到不得了, 蟹肉有十小塊,反而吃不出有大蒜味~.~野磨茹忌廉湯配黑菘露菌油菌油令湯填滿上黑菘露味,很香濃而磨菇攪碎得很~前菜:摩利菌燴鮑魚配椰菜花茸鮑魚彈牙爽口,花茸的味道則忘記了~法式香草炒田螺 炒過後我田螺放在薯餅下, 再配上忌廉磨菇汁, 一個完美的配對!蟹肉香梨火箭菜沙律配藍芝士汁 這是我全晚最驚喜我一道菜, 梨煮得已沒梨味,開頭我以為係薯仔黎><" 醮上芝士汁,回味無窮~ 火箭菜像茼蒿一樣,味道有點澀/嗆/辣, 喜愛者與不喜愛者反差很大~雖餐牌上是寫上藍芝士汁,但芝士比蟹肉份量還要多~煎法國鵝肝配黑松露菌意大利飯鵝肝比想像中大塊,約有半隻手掌大(女性);意大利飯卻比想像中小很多... 一口飯]]]鵝肝本身較膩,飯煮得亦較淡身,一剛一柔,合度好處.P.S.黑松露菌與鵝肝同被歐洲人認為世界三大珍饈的其二(另一個是魚子醬)所以現在我還在垂涎欲滴中...主菜:澳大利亞牛肉眼扒配焗茄子,紅酒汁(5成熟) 肉眼扒屬中上貨,煎得外層是灰褐色,內裡還有少少血滲出, 肉質鮮嫩澳洲深海鱈魚,小茴香,蕃茄,黑水欖,香草汁 深海鱈魚味道較淡,但肉質嫩得很 外層煎得微脆,湯汁清甜扒安格斯牛柳配賓尼士汁(沒吃喔~)甜品:焦糖布甸,蘋果朱古力芳噹,鮮雜果撻 吃過三款都略遜一籌,味道不特出,十分不濟...葡萄鳥結配芒果,鮮草莓,奇異果汁開頭見個名覺得好靚,但唔知咩黎,原來係提子乾mix杏仁雪糕,lee個做得很有心思,應該會好好味的^^可惜配上既係我最討厭的杏霜味...> <...甜品過後還有一杯和暖的蜜糖茶作結尾。

GOOD房間隔音好好,隔離房開PARTY我地都聽唔到地方好乾淨竟然唔使開瓶費切餅費都唔使BEN的接待好好,對食物一切瞭如指掌坐得舒服,自在BAD食物出得較慢 (或者應該係香港人平時食飯都太快,吃半小時一道菜不習慣)希望下次再來時,甜品已改善

本人係一個好鍾意周圍搵好嘢食嘅人，對私房菜就特別鍾意(^_^)所以我都食過唔少間嘅私房菜！我對食嘢係一個好有要求嘅人(講得唔好聽就叫咀刁), 不過俾我話掂果間而推介俾我d朋友去試都一定唔會差！呢間Bien Dinning我已經去過好多次，我帶過嘅朋友去完佢哋自己都有再帶人去試，咁就知道呢度d嘢食同服務一定有返咁上㗎啦！點解我去過咁多次直至到今次先出手寫食評係主要因為我想講: 唔係間間有好多(好)食評就係好正，其實有d係唔係！不過BienDinning起我心目中真係好好。

今次係好友請我食生日飯，不過menu同酒都係由我安排！由於個menu唔係成日轉所以基本上佢menu上面有嘅我都食過哂之不過有d係每次都要食嘅就例如呢個湯 "野磨菇忌薕湯配黑菘露菌油", 攪一攪等d黑菘露菌油溶入個湯度，熱辣辣好飲到不得了個味濃郁再加埋香噴噴熱嘅蒜蓉包~絕對可以俾到食者一個好好嘅開始令到對跟住食嘅嘢有信心。

起飲湯之前，當然係飲d白酒去配以下呢兩個頭盤:1. 紐西蘭石蠔半打：本人就唔識欣賞蠔所以冇評價，不過我個fds就覺得咸咗d！廚師老友話遲d會用靚嘅日本蠔嚟代替。

2. 意式生牛肉片伴火箭菜配巴馬臣芝士&黑甜醋: 我第一次食呢個頭盤~係超正好好食。

廚師老友仲請我食咗件免冶生牛肉多士試吓~又係好好食。

佢話今晚有嗰客order咗所以整件俾我試吓俾d意見。

起呢個食嘢過程當中，廚師老友同揸弗人阿Ben當然有一齊飲酒同傾吓計講吓食經啦，呢種氣氛係我最鍾意嘅！食完頭盤同飲完湯，白酒都已經飲完！跟住食就當然係" 煎鵝肝" 啦，呢度嘅煎鵝肝真係我食過咁多私房菜當中最好食嘅一間，每一次煎得好有水準，皮脆內軟香之餘，最緊要係冇根。

曾幾何時呢度嘅鵝肝俾人評論過話有根！之後佢哋認真跟進，廚師老友話經過果次之後，佢每次都會挑選有質素嘅，返到廚房就挑哂所有嘅根要慕求要做到入口即溶嘅口感，佢哋做得到~讚!當然我帶嚟果兩枝靚紅酒已經起呢個時間開咗breath緊去迎接main course, 不過食得私房菜緊係要慢慢嘆啦所以我叫廚師老友唔好整個main住等我同老友出露台仔飲酒傾吓計順便break吓先嘆main, 攞住杯酒起露台傾計好有feel㗎! (其實我哋食完頭盤起飲湯之前已經出過露台一次飲酒傾計，不過廚師老友就冇唸住我哋會起出面好耐所以佢就好順理成章咁去準備個湯，點知佢整好咗拎入房之後仲見我哋仲起出面飲緊傾計，佢同阿Ben就超好人~冇出嚟distrub我哋叫返入去飲湯而係張整好咗果兩個湯倒咗等我哋飲完酒返返入去先再整過兩個新鮮熱嘅出嚟俾我哋，呢d服務起邊樹搵呀？俾着其他嘅已經會嗺你返入去飲湯，凍整返熱都可能會，再整過新熱俾你就一定冇可能！返返入去準備食main果時已經差唔多成12點(我都未試過12點先食main~攪笑)1. 千層龍利併刁草三文魚蜜糖香蒜汁~唔鍾意食魚的人就唔好叫呢個因為通常熟嘅三文魚係會有啲腥同埋個龍利都幾"鞋"！唔好就係唔好，都要指出唔係齋讚嘅！2. 澳洲肉眼扒配焗茄子紅酒汁~要五成熟：煎得一流，五成就五成~好正好juice配紅酒一流~好得呀。

幾飽都好，甜品時候當然唔可以錯過！今日我order嘅係好食到不得了嘅蘋果餅併cream brûlée. 我以前係一個唔食蘋果餅嘅人但自從食過呢度homemake嘅之後，我每試上嚟都要order因為真係太太太好味喇。

不過呢度整嘅cream brûlée同心太軟就每次都俾我彈！廚師老友話好多客同佢講話個布甸太多cream，好多客鍾意嗰布甸要好似蒸水蛋咁，不過咁樣嗰蛋會老咗唔滑，佢嘅水準就一定唔夠金馬倫道果間咁好，嗰間整嘅係超好食不過其他嘢就一般以下超麻！至於心太軟呢，每次都係整到有d過咗火，蛋糕硬得嚌之所以d朱古力槳流出嚟唔係好多!因為今餐係慶祝我生日所以阿Ben事先聲名咗廚師老友專登整咗一個好勁嘅蛋糕送俾我~嘩原來係一個名叫"amore"嘅朱古力moose香蕉蛋糕，廚師老友晏就返工就即整雪凍~好味到不得了！總結: 每次嚟到呢度食飯都超開心，食物好有水準而招呼就唔駛講~係冇得頂，大家一齊飲酒傾計好開心。

同樣有好多好comment起金馬倫道和跑馬地D字頭果間就真係冇得揮，如果你哋試過呢三間之後就知我冇吹水，BienDinning係真係值得有咁多好comments。

Wonderful servise...Thanks for 老闆細心安排...朋友求婚成功....我們10個人...老闆知道我朋友求婚...幫忙安排了2間房...服務...我真係比足100分....細心...招呼周到...!!!!食物....當然也是100分...一行8人....叫了6個set包任食的....真的很好...先黎黑松露soup....不會有很cream 既感覺.... 不會"漏"再來有鵝肝spea.飯...(因為電腦有問題...很多字都打唔到....)鵝肝外脆內軟....入口即溶....正...仲有...法田螺......100分....再來牛柳....好食到不得了....6成....真是剛剛好的...不多不小...都不會有blood.....仲有好多好多...電腦壞了..真的打不到...環境..隔音都好好...浪漫滿分...

四月時候來的, 現在才有時間寫食評當時我同朋友之前都揀左 $420 的餐~~ 大家都諗住食豪d起初問左餐廳有冇 vegetarian 餐單, 佢地都有提供比我地作參考. 但到左當日, 因為溝通上出錯, 佢就話冇預備vegetarian food.由於朋友唔食肉, 如果佢地冇vegetarian food 的話, 即係大家都冇得食.幸好, 廚房臨時用現有的材料, 都可以做得到. 的確誠意十足. 其實 $420 同 $380 的分別只係在於多左個鴨肝, 我同老闆講我想食 Signature dish油封鴨, 佢話我可以在兩個餐之間揀主菜, 真係好. 頭盤: Wild Mushrooms Soup with Truffle Oil好香好香的黑松露味, 令到個湯好濃郁摩利菌鮑魚仔鮑魚仔其實係幾小片, 幾啖就食晒.煎鵝肝 with 少量risotto好贊成下面所講, 外脆內軟, 不過唯一美中不足係有筋油封鴨令人期待有油封鴨. 我都有同老闆講, 話食評話好鹹, 而老闆話佢之後都有改良過. 鴨皮脆, d 肉有咬口又唔會散. 真係好好味呀!!!!甜品我地試晒兩款, 一般至於朋友的 vegetarian food, 由於係即整, 唔知係咩黎…… 評論唔到. 而大家都有的花茶, 點解我地冇 gei………………食物整禮都好, 但整晚得一個人 serve, 要等好耐先有人出現. 而且…. 成個餐廳都係油煙味, 呢個 experience 真係好差. 走的時候問老闆, 佢先同我地講個抽油煙機壞左. (但點解都唔一早同我講先呢….如果我唔問, 你又唔講, 我一定會將呢次食評寫為喊 lor) 所以今次我只可以話 ok, 希望下次再黎會有意外驚喜

食品：海鮮併盤（聖子、鮑魚、翡翠螺、生蠔、蝦） 全部淡而無味。

Wild Mushrooms Soup with Truffle Oil 全餐呢個最好味，夠鮮夠濃，黑松露油相信是大型超市有得賣嗰隻。

煎鵝肝 煎得好，個汁係我食過最好的，外皮簿夠趣，可惜鵝肝切得有仲有少少根。

相信是大路匈牙利出品。

牛扒 (Prime Rib) 係得個大字，無乜牛味，熟法相信是煎而唔係 Grill，可惜。

甜品 好普通總結：失望而回

Bien Dinning餐單提供法國菜, 私房菜等推介美食位於尖沙咀區，餐廳座位數33人均消費約$401-800，結賬可以用現金，Booking訂位可以電話致電 53997499 查詢。

您對於尖沙咀餐廳「Bien Dinning」有何 comment？

Bien Dinning餐廳詳細資料：

• Bien Dinning地址:
  尖沙咀麼地道31號海景大廈10樓前座
  Bien Dinning, 10/ F, The Front Portion, Ocean View Court,31 Mody Road, Tsim Sha Tsui
• Bien Dinning電話: 53997499
• Bien Dinning價錢: $401-800
• 分類: 法國菜, 私房菜
• 座位: 33
• 付款: 現金
• FB專頁: Bien Dinning Facebook

更多Bien Dinning相關資料:

• Bien Dinning分店
• Youtube
• Facebook
• Twitter
• Google