韓閣 將軍澳
最後更新:
韓閣推介
最喜歡新屎坑......🙈有新店當然要去試下啦.....係facebook見到韓閣個post話第一天全日試業.....即刻打去訂位......但都有心理準備......當晚會有甩漏😅訂了19:00，早了15分鐘到.....可能時間尚早.....未滿座.....但門口就有好多人圍觀！帶領入座的店員.....帶完位就走了.....完全冇意識要比餐牌.....坐係隔離的一對男女.....比我們早坐低......仍然都係冇餐牌......應該你唔問就唔會有店員意識要比餐牌客人😆餐廳座位排得有點密，但尚算舒適......放了些cushion係櫈上！好喜歡食牛肋骨.....但哩度冇炆牛肋骨....唯有揀牛骨蘿蔔湯......圖片好吸引.....感覺似清湯牛肋骨般.....但上枱賣相就不吸引了....要用湯勺尋寶般找回牛骨.....最後尋了3舊.......🤣湯底好濃牛味.....好好飲......牛肋骨肉同蘿蔔亦軟腍......不錯.....係飯麵之間選擇......最後揀了麵......而再係冷熱之間選擇.....最後揀了熱.....所以叫了五花腩炸醬麵......哩度的炸醬較甜......麵質是我喜歡既韓式麵.....煮既軟硬度適中.....有五花腩......薯仔.....青瓜絲......五花腩同薯仔都好腍.....好味......又見到個蜆既圖片好吸引.....又叫來試下.....真露煮海蜆......當然圖片真係只供參考啦🙄用了一般餐廳都會用既沙白.....沒沙.....內有少少青口......湯底係蒜蓉牛油湯......味道冇牛骨湯咁濃......但都不錯.......還有點配菜.....豆腐及脆肉瓜......另外，有個派糖小食優優......以炸野為主.....叫了一個小食試下......鮮蝦帶子脆春卷......等了很久.....亦催了三次才上枱.....熱辣辣.....脆卜卜......配沙律醬上枱.....蝦肉味明顯.....價錢好奇怪....餐單上原價是$36......優惠價是$25......但最後係$13......最後，亦點了杯飲品.......橙汁菠蘿梳打......正正常常既橙汁梳打加幾粒罐頭菠蘿......不過價錢又是奇怪.....餐牌係$26....叫咗主食可優惠價$15叫特飲.....但最後是$14.....新張優惠......滿$200減$20......收銀姐姐話大約做一個月.......整體都不太差.....只係有漏單問題.....韓式快餐形式，上菜都幾快.....枱面不大，如想試多幾款.......最好分段叫....唔係張枱會唔夠放....餐牌選擇也不少......除了打電話訂位，亦可係網上平台拎飛.....幾方便.....另，食完個身會有油煙味......
將軍澳韓閣
| 餐廳分店 | 韓閣 |
|---|---|
| 地區 | 將軍澳 |
| 電話訂位 | 28386762 |
| 餐單 Menu | 韓國菜, 韓式炸雞, 韓燒 |
| 人氣指數 | 860 |
| 價錢幾錢 | $51-100 |
韓閣訂位位於將軍澳區，詳細地址是將軍澳欣景路8號新都城中心2期1015號舖，餐廳寬敞座位數目共有未知幾多個。韓閣幾錢？價錢優惠後人均消費大約$51-100埋單，早餐午餐晚餐韓閣餐單包括有韓國菜, 韓式炸雞, 韓燒等美食，付款方式有現金,八達通付款，Booking網上訂位可以電話致電 28386762 查詢訂座。
韓閣優惠
韓閣 評價 相片
最喜歡新屎坑......🙈有新店當然要去試下啦.....係facebook見到韓閣個post話第一天全日試業.....即刻打去訂位......但都有心理準備......當晚會有甩漏😅訂了19:00，早了15分鐘到.....可能時間尚早.....未滿座.....但門口就有好多人圍觀！帶領入座的店員.....帶完位就走了.....完全冇意識要比餐牌.....坐係隔離的一對男女.....比我們早坐低......仍然都係冇餐牌......應該你唔問就唔會有店員意識要比餐牌客人😆餐廳座位排得有點密，但尚算舒適......放了些cushion係櫈上！好喜歡食牛肋骨.....但哩度冇炆牛肋骨....唯有揀牛骨蘿蔔湯......圖片好吸引.....感覺似清湯牛肋骨般.....但上枱賣相就不吸引了....要用湯勺尋寶般找回牛骨.....最後尋了3舊.......🤣湯底好濃牛味.....好好飲......牛肋骨肉同蘿蔔亦軟腍......不錯.....係飯麵之間選擇......最後揀了麵......而再係冷熱之間選擇.....最後揀了熱.....所以叫了五花腩炸醬麵......哩度的炸醬較甜......麵質是我喜歡既韓式麵.....煮既軟硬度適中.....有五花腩......薯仔.....青瓜絲......五花腩同薯仔都好腍.....好味......又見到個蜆既圖片好吸引.....又叫來試下.....真露煮海蜆......當然圖片真係只供參考啦🙄用了一般餐廳都會用既沙白.....沒沙.....內有少少青口......湯底係蒜蓉牛油湯......味道冇牛骨湯咁濃......但都不錯.......還有點配菜.....豆腐及脆肉瓜......另外，有個派糖小食優優......以炸野為主.....叫了一個小食試下......鮮蝦帶子脆春卷......等了很久.....亦催了三次才上枱.....熱辣辣.....脆卜卜......配沙律醬上枱.....蝦肉味明顯.....價錢好奇怪....餐單上原價是$36......優惠價是$25......但最後係$13......最後，亦點了杯飲品.......橙汁菠蘿梳打......正正常常既橙汁梳打加幾粒罐頭菠蘿......不過價錢又是奇怪.....餐牌係$26....叫咗主食可優惠價$15叫特飲.....但最後是$14.....新張優惠......滿$200減$20......收銀姐姐話大約做一個月.......整體都不太差.....只係有漏單問題.....韓式快餐形式，上菜都幾快.....枱面不大，如想試多幾款.......最好分段叫....唔係張枱會唔夠放....餐牌選擇也不少......除了打電話訂位，亦可係網上平台拎飛.....幾方便.....另，食完個身會有油煙味......
一早有聽閒呢間韓國食店係荃灣幾受歡迎，最近仲做到細舖搬大舖，熱力不減🔥。
得知佢係將軍澳開咗分店，近咗咁多緊係要去試一試😆。
7:00去到店外排滿人，真係俾佢嚇一嚇。
坐低見到餐牌每樣菜平均比荃灣貴$10，不過係得商場開都預咗，舖租一定貴好多。
原本想試芝士豬髀骨，可惜店方話仲未推出，今次試唔到👉🏻👈🏻。
店員同經理態度都唔錯，點菜後食物好快就上菜。
📍芝士岩漿炒飯（$98）Fried Rice with Cheese Sauce 全晚做得最好嘅菜式，有大量芝士同蛋😻，配上泡菜炒飯，除咗超級拉絲，好有睇頭之外，味道真係好好食😋👍🏻，基本上啖啖都係芝士，口感軟滑味道濃郁🧀，泡菜炒飯帶少少辣味，加上飯裏面落咗豬腩片🐷，唔算好油膩，不過食落真係香好多，呢個超推介❤️。
📍心多多蛋卷（$68）Special Egg Roll with Kimchi Sauce and Mentaiko and Cheese 蛋卷上唧咗一大條明太子醬，再加咗啲泡菜同芝士做配料。
蛋卷食到蛋香🐣，可惜整得唔夠嫰。
📍蟹三味飯面見到有蟹膏、蟹肉、菠菜同蛋黃，不過可惜撈埋一齊食就食唔出有蟹嘅鮮味🦀，就算加埋韓式辣醬味道係有啲單調，飯量唔算話好多，價錢亦唔係平，呢個可以唔使叫。
📍百香果桂花烏龍（跟餐加$15）Passion Fruit Oolong📍青檸柚子蜜 （跟餐加$15）Lime and grapefruit honey餐廳未拎到酒牌，今次飲唔到韓國燒酒🇰🇷。
特飲跟餐加$15有一杯，選擇都算多。
屬正常水準，唔伏。
整體未見有好大驚喜，除咗芝士岩漿炒飯值得推薦，其他就特色不大。
星期日去咗將軍澳行街，順便食個午餐，其實都成兩點半，有啲人可能已經係食下午茶🙈。
我哋無諗過呢個時段餐廳會旺場得咁緊要，商場直頭要整排隊帶管理人流...。
就算我哋食完都仲有人排緊，真誇張呢👏！好彩我哋用App拎定籌，見差唔多嗌到我哋號碼就等定，所以好快就可以入座。
入去後先發現餐廳原來都幾大😮，店員十分忙碌，但全部都幾友善同醒目，值得一讚。
食物選擇非常多，炸雞、部隊鍋、飯團、鐵板、拌飯、拉麵、煎餅等，通通都有，未能一一盡錄。
所以我認為大部份人都會搵到啱食嘅菜式😜。
我不嬲都幾鍾意食韓國菜，太辣嗰啲除外，所以我哋叫下叫下又成枱食物，但成張單都只係三百幾蚊搞掂。
我覺得算係性價比高，而且夠大份👍；新開張仲免收加一服務費添。
店員一開始奉上餐前小食，醃蘿蔔同芽菜，份量就比較少，唔知有冇得添加㗎呢🤔？接住落嚟嘅係湯品，我哋要左雜錦魚膏湯(小碗)($28)，同埋跟餐用$8加配嘅牛骨例湯。
兩碗湯嘅份量一樣，味道係唔同的，不過共通之處都係比較鹹，個人唔特別推介。
我嗌湯都係因為想食魚糕🐟。
芝士岩漿炒飯($98)，依個可算係港女呃Like之選，哈哈。
不過佢唔係得個樣，味道都有番咁上下，甚至稱得上係我食過最好食嘅芝士溶岩炒飯😋。
首先，就梗係要攪云啲「岩漿」啦，即係炒飯旁邊嘅芝士蛋漿🧀。
佢個質感比較濕同稀，有諗過係咪因為芝士嘅比例太少。
撈落又唔係啵，因為都拉到絲；而且特別嘅地方係個鐵板完成無癡底，但絕對係夠熱的！味道方面，佢夠味得嚟，無平日咁重口味。
喺其他餐廳影相時就覺得正，但一食多兩啖就會膩，呢度完全冇咁嘅感覺，全碟清哂。
炒飯用上唔少豬腩肉一齊炒🥓，如果可以再落多啲洋蔥同泡菜炒會更正，口感豐富啲。
水梨牛𦟌水冷麵($62)，自從N年前食過第一代登陸香港嘅韓國餐廳嘅水冷麵後，我就愛上左呢道菜😍。
佢嘅賣相吸引，感覺有喺韓國食咁正宗，而且又係份量超多的。
店員上菜時俾埋芥辣同額外嘅醋我哋作調味，但留意番冷麵本身個湯都微酸的，所以唔好咁衝動再加醋。
冷麵係採用韓國蕎麥麵，口感比較有嚼勁，Q彈的；麵條長身，因此你可以選擇用鉸剪幫手剪兩下，方便食完。
由於有落冰塊嘅關係，冷麵保持冰凍，但溶冰後湯汁亦無變淡。
🐮牛𦟌有三大片，肉味幾濃，肉質亦唔錯。
青瓜絲多啲就好。
本身以為另一伴菜係醃蘿蔔，點知原來係忘記咗嘅水梨🍐，食落甜甜地、幾清新，過癮得嚟又好夾，相映成趣！心多多蛋卷($68)，🥚蛋卷又係另一樣賣飛佛韓菜。
依個係Combo Set，即係一個組合令你可以一次過食到三款口味，當中包括泡菜辣醬、紫菜明太子同芝士二重奏。
蛋卷本身夠厚就已經幾正，蛋味亦都濃郁。
三款之中，芝士同明太子各有千秋，泡菜嗰款就寡咗啲，因為就咁得一片泡菜咁大把😂。
香葉鹹蛋黃炸雞翼(5隻)($68)，本身想嗌玫瑰真露雞翼，但可惜酒類及其食品暫時未能供應。
我哋想食雞🐔，但又唔想要咁大份，就改選咗鹹蛋黃雞翼。
炸雞原來係兩隻雞翼連尖拼三隻炸雞鎚，感覺幾有誠意。
炸雞做到外脆內嫩嘅效果，出面脆得嚟唔熱氣，內裡更能保持肉汁。
鹹蛋黃味都算突出，整體幾好食🤤。
餐廳仲好貼心咁提供手套同骨盛。
飲品方面，我哋就加$14要咗杯凍百香果桂花烏龍🍵(原價$26)，感覺頹頹地，造型十足凍檸茶一樣，不過都飲得出百香果味嘅。
我諗飲品方面都唔好抱太大期望😅。
總括嚟講，韓閣咁高人氣係有原因㗎，食物、服務、環境同價錢各方面均令人滿意😊。
就算餐廳咁多單，都無出錯，仲要係新開新，難得難得。
我下次嚟新都城一定會再幫襯，五星推介🌟！
對於將軍澳區嘅人嚟講荃灣實在太遠，所以「韓閣」而家開喺寶琳簡直對於將軍澳區嘅人喺一個福音😎👏🏻，住喺附近嘅草根即刻走去試吓新野啦🍴😍。
.📍半半雞（蜂蜜牛油味&烤芝士甜辣炸雞）（$228）Honey Butter Flavor and Cheese & Sweet & Spicy Flavor去食韓國嘢當然必食炸雞。
試咗半半雞，亦即係可以揀兩款口味。
蜂蜜牛油🧈帶微甜，而芝士甜辣味道就突出啲，每份大約有6件。
炸雞皮薄唔油膩🍗，肉量都算多，雞髀位夠滑，但雞胸都係差咁啲，如果醃得入味啲會更好，算係正正常常嘅水平。
.📍自製飯團加炸流心芝士條（$62）Handmade Traditional Onigiri & Fried Cheese Stick個芝士條同我哋想像中嘅有啲唔同🤔，佢係魚蛋嘅質地包住芝士，但芝士感唔係好重。
另外估唔到佢嘅自製飯團份量超多，基本上係成碟飯咁😂，加咗紫菜落去再俾多碟佢仔沙律醬你撈埋一齊食，味道就唔係話特別，不過不失咁啦。
.📍烤芝士香草薯條（跟餐+$25）Grilled Vanilla French Fries呢個可以話係全晚最失望嘅菜式🤨，薯條炸得唔脆非常腍🍟，上面係加咗唔少芝士，不過芝士味又唔係特別突出，不過份量係唔少嘅。
.📍清潤雪梨茶（跟餐+$15）Pear Tea.Menu
韓閣餐單提供韓國菜, 韓式炸雞, 韓燒等推介美食位於將軍澳區，餐廳座位數未知人均消費約$51-100，結賬可以用現金,八達通，Booking訂位可以電話致電 28386762 查詢。
您對於將軍澳餐廳「韓閣」有何 comment？
韓閣餐廳詳細資料：
- 韓閣地址: 將軍澳欣景路8號新都城中心2期1015號舖 Korean Loft Cafe, Shop1015, M C P Central,8 Yan King Road, Tseung Kwan O
- 韓閣電話: 28386762
- 韓閣價錢: $51-100
- 分類: 韓國菜, 韓式炸雞, 韓燒
- 座位: 未知
- 付款: 現金,八達通
- FB專頁: 韓閣 Facebook
更多韓閣相關資料:
香港餐廳2026推介8月