霸嗎拉麵 將軍澳

霸嗎拉麵 評價 相片

成日行街都見過霸嗎拉麵，朋友話想試，就去左將軍澳個間食下濃厚豬骨豚肉拉麵我呢d重口味人士見到濃厚就點左，見到自己個個同朋友個個湯底就知我冇叫錯，湯底好濃郁，麵條幼身，掛湯力強豚肉可以見到色澤好令，好肥美，而且唔係切到好薄個隻，食落口感更佳醬燜雞叉燒味玉拉麵朋友揀呢個湯底比我個個清，加上係用左雞肉，比較健康🙈其實一開始望到雞叉燒我以為係有雞有叉燒，但原來係用雞肉做到好似叉燒咁😂所以大家唔好誤會羽根燒餃子上openrice見到呢道菜咁多人推介，個名又咁特別，中意食餃子既我當然要試下😋佢個底有一層由水，鹽，小麥粉整成既粉漿，日本就叫呢個羽根，我呢個香港人第一次食，佢咁整係會食到好脆既皮，如果就咁食個層粉就有食到小麥香，但要中意小麥個陣味既人先會中意食🙈柚子雪葩呢個係日本既包裝原個上，佢望落平平無奇，但食落柚子香好濃，做飯後甜品一流👍🏻埋單每人$117，日式拉麵店黎講都算抵食，下次食可以再試其他🙆‍♂️

因疫情關係，我和同事都以當值形式上堂，而今日正是我倆的當值日。

反正已出了街，又唔好浪費一個口罩，要用盡佢(哈!)，所以決定放工後一起晚餐才回家。

不敢四處遊，就在附近吃吧! 紅彤彤門面令人醒神，驅走內心的悶氣，就它吧! 因為方便，之前都來過幾次，門面日式布簾和兩盞日式紅燈籠都好吸晴，令人覺得好精神。

內裏裝潢沒有任何改變，近門有吧枱座的 “小屋”，是看到師傅們製作的最佳位置。

除 吧枱座，還有數張二至四人枱，座位不算多。

牆身有色彩繽紛大圖畫和巨型的菜式海報，很搶眼啊!枱上的物品挺齊全，有餐具、紙巾、檸檬水、調味料、餐牌和點菜紙。

調味料分別有餃子汁、七味料和炸蒜。

餐店除供應拉麵外， 還有子供套餐、羽根餃子、唐揚炸雞、石燒飯、丼物、小食、追加配料、甜品和飲品，選擇都不少。

拉麵有三大類，分別有濃厚豚骨湯拉麵、雞白湯拉麵和期間限定拉麵，每款拉麵均有幾種選擇。

******************************其實這裏定期都會推出期間限定拉麵，而今期就是担担拉麵，中日結合，真有新意!但我倆還是喜歡已有的拉麵款式。

我選了一碗雞叉燒味玉雞白湯拉麵 ToriAjitama ($88)，有兩塊雞叉燒、一隻味玉、一些青香的蔥花和爽脆的木耳，大大碗，好滿足! 因為第一次嚐雞湯拉麵，所以很期待它的味道。

湯面泛有油光，趁熱馬上呷一口，需感覺有點油，但啖啖雞香，很美味! 麵條幼身，口感適中，不會太硬又不會過腍，舀一羮和雞湯同吃，配搭更美味。

連皮的雞叉燒厚度適中，腍嫩的雞肉夾雜着肥膏，甘香油潤，且製作入味，比起叉燒，我更喜歡雞叉燒，好吃! 味玉是我的最愛，吃拉麵不能沒有的! 咬一口，嘩嘩嘩! 真係三個「嘩」。

流心狀極佳，鮮黃的蛋黃汁緩緩滴進拉麵中，好吸引! 全隻蛋都相當黏滑，亦富蛋香，連蛋白亦保持滑溜，且烹調入味，真係想吃埋朋友嗰隻，哈!******************************友人就點了一碗炙燒豚肉味玉拉麵AjitamaUMA ($88)，但就走蔥和走筍……那麼好味的配料也不要，真係唔識食，哈! 她話湯底濃厚兼富膠質，啖啖香濃的豚肉味，很討她喜歡。

而大大塊的豚肉相當厚身，肥膏瘦肉雙間，經過火炙而迫出油份，吃起來帶些焦香，亦更甘香油潤，正!******************************另外追加一份野菜Mixed Vegetables ($20)，份量都幾足，數數看，有芽菜、木耳絲、甘荀絲和蔥花，全部都清爽，帶有蔥香，少油少鹽，健康之選，岩晒我口味。

相信因疫情關係，不止街上的途人少了，連食肆的人客都寥寥可數，即使食物有多好吃，也不多人一起來品嚐，真的很可惜，心有點不快，很希望早日抗疫成功。

想食正宗日本拉麵，都唔一定要出去旺區。

區內將軍澳越開越多日本過江龍嘅餐廳😋🥗不愁沒有選擇。

今日考完試， 小朋友話要去《霸嗎拉麵》～ 咁細個就要食日本拉麵🙄 ～～ 根據心頭好喺紙仔上面選擇， 葸，配菜，麵嘅硬度都有得選擇。

Order 紙也有英文版本雞叉燒味玉雞白湯拉麵雞白湯湯底味道濃郁，冇豬骨湯底咁黏口， 配襯雞肉捲成嘅雞叉燒， 雞肉紮實得嚟並唔嚡， 好入味。

味付溏心蛋， 蓉蓉的蛋漿又滑又入味！ 麵條硬度適中， 食到最後都唔會腍～子供炙燒豚肉拉麵 $55還可以選擇男或女的兒童， 湯底也是豚骨味，但感覺冇咁濃味， 曲嘅麵質唔會好快索乾啲湯！👍添加了的粟米畀兒童餐個麵更要大碗～信州蘋果梳打拉麵配梳打特別夾， 夠汽又有清新的蘋果味。

結帳後店員會有一籃兒童餐 附送玩具給小朋友揀， 都時陀螺，萬花筒等小玩意， 非常有趣！

日本拉麵是不少人心中的comfort food，熱騰騰香氣誘人，在吸食拉麵時有種幸福知足感，再嚐一口熱湯，特別是濃厚的味噌湯，鹹香和油脂完美融合，一呼一吸間便是享受美味拉麵的樂趣。

日本飲食文化源遠流長，吃拉麵的文化在時代不斷演變的步伐下也漸漸新舊亙融或更替。

今日去到呢區唔洗大排長龍都可以食到【霸嗎拉麵】。

寶林區，可以不用排隊便可以入座，太開心了。

店內環境跟尖沙咀一樣，很有東洋味，這裡地方不算很大，但就分為兩個小區似的，一面是吧枱一面是卡位橫枱，兩者環境都是不錯的。

看看餐牌，餐牌上的拉麵都是圖文並貎的，非常清楚。

好像現在很多拉麵店麵是這個模樣了。

圖文並貎我們都很容易點選自己想要的拉麵。

除了拉麵，這裡還有一些飲料及小食。

..👋灸燒豚肉味玉拉麵🍜 $88拉麵上除了有蛋、炙燒豚肉還有一些木耳和蔥花，朋友點選了普通硬度的拉麵。

吃得很滋味，朋友一邊吃，一邊說很好吃。

用豬脛骨、豬背骨熬煮超過10小時，湯底極為濃稠！醬油濃厚豚骨湯非常鮮，飲落豐富但不死鹹！炙燒豚肉雖然只有一塊，但它不是薄薄的一塊，是厚厚的，份量十足！豚肉的size 亦都非常之有誠意！食落軟腍，瘦肉中帶有漂亮的油花 吃起來不像五花這麼肥，總括不會太肥膩。

霸嗎的味玉生熟程度做得好好，拿捏恰到好處，咬開還是溏心的，有溏心蛋黃未食淨係見到都開心點，配上滑溜的蛋白，令人齒頰留香！👋特盛灸燒豚肉拉麵🍜 $118太肚餓了又可以分點比對方食既關係，就點了一碗特盛炙燒豚肉拉麵，特大份量的豚肉好爽呀。

依舊如上都係大大片又係厚切，豚肉經過炙燒，油脂特別香，肉質非常嫩滑，點選了較硬的拉麵，喜歡這種硬度，好有口感，拉麵更是店鋪自己做的，口感特別煙韌。

而湯底濃郁，足夠能把湯底適量掛上麵條，拉麵掛湯後食落鮮味十足跟配料味筍、木耳絲一齊食，爽口又美味！其實仲有雞叉燒湯底嘅雞肉白湯拉麵都好吸引，但今日唔太肚餓嘅關係冇點到入面一啲嘅小食例如羽根燒餃子🥟、唐揚炸雞等等.從霸嗎大概兩年多前在香港開了第一間店到至今，依然還會有人對我說介紹它是覺得最好吃的拉麵。

今次再次品嚐，【霸嗎拉麵】那塊豚肉叉燒，炙燒過後未食的那種煙燻香味，真的是非常吸引，夠厚身又肥瘦適中，【霸嗎豚肉叉燒】有第二度正過佢嗎？.集酸、甜、苦、辣及香氣於一身。

💕

香港不愧為國際美食天堂， 今日喺將軍澳搵到呢間霸嗎拉麵， 裝修好日式， 圖案七彩繽紛十分搶眼，想是跟足日本廣島店，店內只有幾張枱。

即管來試一試，當然要點個招牌美食拉麵。

炙燒豚肉味玉拉麵 (HKD88) 拉麵可以自己挑選軟硬度， 我喜歡食硬唔食軟， 食落好有咬口， 湯底好夠味，燒肉肥瘦相宜， 食落好滋味， 溏心蛋破開蛋黃金黃柔軟好味。

羽根燒餃子 (HKD35) 燒餃子, 皮薄又脆煎得唔錯。

食咗兩樣嘢，今天午餐好有滿足感，整體合格，可以一試，不用老遠跑到日本廣島。

霸嗎拉麵餐單提供日本菜, 拉麵等推介美食位於將軍澳區，餐廳座位數未知人均消費約$51-100，結賬可以用現金，Booking訂位可以電話致電 35807808 查詢。

您對於將軍澳餐廳「霸嗎拉麵」有何 comment？

霸嗎拉麵餐廳詳細資料：

• 霸嗎拉麵地址:
  將軍澳貿業路8號新都城中心2期1樓1070-71號舖
  Bari-Uma, Shop1070-1071,1/ F, M C P Central,8 Mau Yip Road, Tseung Kwan O
• 霸嗎拉麵電話: 35807808
• 霸嗎拉麵價錢: $51-100
• 分類: 日本菜, 拉麵
• 座位: 未知
• 付款: 現金
• FB專頁: 霸嗎拉麵 Facebook

更多霸嗎拉麵相關資料:

• 霸嗎拉麵分店
• Youtube
• Facebook
• Twitter
• Google