荳子 將軍澳

荳子 評價 相片

第一次食呢間餐廳係荃灣, 我好記得當時佢既綠茶甜品係最出名🍵 事隔多年, 已經進化到多左咁多唔同款既食物👍🏽德國燒豬手🐷($192)呢個燒豬手非常出色, 份量十足, 而且幫你甩曬啲肉, 所以可以不費吹灰之力就食到香脆既豬手😌 豬手既皮燒到脆卜卜, 夾埋中間充滿骨膠原既肥膏同埋豬肉, 超級好食呀🤤手撕豬pizza🍕 ($92)其實呢個pizza 帶左少少驚喜俾我🤗 佢既pizza邊好似麵包既果種脆口, 薄薄既餅底上面舖滿左融曬既芝士同埋滿滿juciy既手撕豬, 口感同味道都超級豐富👍🏽焗魷魚筒意大利飯🦑($138)其實佢既每樣食物都意想唔到咁正😌 滿滿既risotto 塞滿左個細既魷魚筒🦑 佢既risotto 偏軟身, 係我鐘意既果個口感😋 呢道菜既擺盤係超級artistic, 唔講唔知以為自己食緊法國大餐😂檸檬芝士幕絲焗美式芝士蛋糕🍰($25)呢款甜品既造型係一舊卡通版既芝士🧀 雖然細細舊, 但係整得好精緻🤩 檸檬味既蛋糕外層包住香滑既芝士蛋糕, 口感好有趣👍🏽 成個甜品酸酸甜甜完全唔會覺得”漏”黑糖奶蓋卷蛋🥛($25)近期Beans同賞茶做緊合作, 所以出左兩款聯乘甜品, 而我地就揀左呢款卷蛋🍰 呢兩間出既聯乘甜品一定冇得輸😛 蛋糕既部分好鬆軟, 捲住滿滿黑糖味忌廉同埋茶味啫喱, 成件卷蛋甜度適中, 中間既啫喱好爽口, 好得意大部分既食物都會跟一杯指定飲品, 唔想飲指定飲品既話可以用減$8既優惠飲”我想和你無所事事”既飲品, 我見好多人都有用呢個優惠😚 而我地既兩款甜品都係跟主食加$25💰 呢間餐廳真心好食, 而且我相信好多人都唔會陌生✌🏽 我絕對會再encore 呢間餐廳

Beans係一間主打西式餐食嘅連鎖cafe,由於食物質素一向有保證而選擇亦好多,所以Beans長期都人地人海。

Beans而家有7間分店,除九龍灣店外,其餘都開係新界地區,可能就係新界區cafe競爭較細,所以Beans越開越多！。

🔘 黑松露薯條 | $25評分: 🌕🌕🌕🌑🌑評語: 黑松露量比較少,望落似普通薯條,但黑松露醬就有濃郁黑松露味。

。

🔘 焦糖單骨雞翼 | $54評分: 🌕🌕🌕🌕🌑評語: 焦糖味好重,食落甜甜地。

雞翼應該用焗或者油炸嘅方法烹調,食落不油不膩。

。

🔘 黃金蟹肉意粉 | $98評分: 🌕🌕🌕🌕🌗評語: 蟹蓋係裝飾嚟😂不過意粉入面都有好多蟹肉,而蟹肉味都好鮮甜。

醬汁好香濃滑口,好似有d蛋黃味，每一條意粉都被包裹住,非常好味。

份量啱啱好,一個人食一份就夠。

。

🔘 黑松露什菌意大利飯 | $102評分: 🌕🌕🌕🌕🌑評語: 黑松露味道同蘑菇配搭得好好,意大利飯好creamy,醬汁果濃郁。

。

🔘 手切美國肉眼扒、新鮮蔬菜、薯仔| $248評分: 🌕🌕🌕🌕🌑評語: 肉眼扒冇得揀生熟度,但好彩上枱時牛肉都好嫩,估計都係5至6成熟左右,如果想食生d嘅朋友,可以嘗試同店員講。

肉眼扒好大塊,肉汁都好飽滿,以$248嚟講,小編覺得幾抵食👍🏼。

🔻黃店👍🏼🔻有7間分店🔻食物種類繁多推介指數:⭐️⭐️⭐️⭐️

其實定期都會去下呢間咁有水準嘅餐廳食野，今次去到有驚喜呀！因為menu加入左新元素!即刻試!先試咖哩海鮮意大利飯!外觀精緻，令人食慾大增!除了青口之外，其他海鮮都係炸過嘅，有扇貝，魚柳，蟹柳!唔會覺得腥，唔錯!飯底唔會過，入面加左d洋蔥，有d咬口，有返正宗意大利飯嘅口感。

至於咖喱偏向似葡汁，唔辣，咖喱味唔係大重!如果呢個飯可以偏向返印度咖哩個種風味我會梗喜愛!再試另一個新菜：焗釀魷魚筒意大利飯呢個一食落口即令我兩眼發光呀！好驚喜，味道出色!令人想食完再食!魷魚軟硬適中，每一圈魷魚都包住意大利飯，飯有少番茄味，好清新，呢個配搭一啲都唔會膩!意大利飯嘅質感都係好好，有咬口，份量剛好!極度推薦呀！

Beans(荳子)係一間連鎖cafe，現有7間分店，分別在九龍灣、馬鞍山、沙田、大埔、荃灣及將軍澳。

以咖啡. 甜品. 輕食 (Coffee. Dessert. Light meal) 為主 。

雖然係連鎖但食物質素好高👍🏻👍🏻.牛油果蟹肉意大利飯($108)飯軟硬適中，配上大量醬汁都唔會一pat咁。

夾埋蟹肉同牛油果， 令到味道更加有層次！😻不過食多有啲膩，份量都幾多。

.芝士焗比目魚柳($148)焗到好脆好香既芝士片，魚皮煎過嘅比目魚柳，配上南瓜蓉同紅菜頭醬，係好fresh嘅味道。

不過佢嘅份量比較少， 食量大概朋友未必啱。

.每個套餐包檸檬蜂蜜/黑糖薑母茶/美式咖啡一杯其實佢嘅甜品真係好靚，不過我哋太飽冇食到，下次有機會再試下餐廳冇得book位去拎飛，只可以喺出邊排隊，如果唔想等咁耐就避開繁忙時間去。

今日晏就見到門口唔使等位.就去試吓.坐低之後睇餐牌發個餐牌選擇都多.之後我哋分別點左一個牛油果意大利飯同一個黑松露軟殼蟹意大利麵.裝修環境不錯.可以喺等上菜嗰時影吓相.等待上菜時間亦很快.牛油果意大利飯好似係新出嘅菜式.好有牛油果味👍🏼.不過牛油果嘅份量少咗啲如果係男仔食就可能要多少少. 黑松露軟殼蟹意大利麵好creamy.軟殼蟹都好脆卜卜.可以值得下次再嚟.買單嗰時有個信封原來個信封係拎嚟捐錢嘅.

荳子餐單提供西式, 甜品, 糖水, All, Day, Breakfast, 咖啡店等推介美食位於將軍澳區，餐廳座位數未知人均消費約$101-200，結賬可以用Visa,Master,AlipayHK,支付寶,現金,八達通,AE，Booking訂位可以電話致電 27777009 查詢。

您對於將軍澳餐廳「荳子」有何 comment？

荳子餐廳詳細資料：

• 荳子地址:
  將軍澳唐賢街9號PopCorn商場1樓F95號舖
  BEANS The Backyard, Shop F95,1/ F, Pop Corn,9 Tong Yin Street, Tseung Kwan O
• 荳子電話: 27777009
• 荳子價錢: $101-200
• 分類: 西式, 甜品, 糖水, All, Day, Breakfast, 咖啡店
• 座位: 未知
• 付款: Visa,Master,AlipayHK,支付寶,現金,八達通,AE
• FB專頁: 荳子 Facebook

更多荳子相關資料:

• 荳子分店
• Youtube
• Facebook
• Twitter
• Google