潮饗 將軍澳

潮饗 評價 相片

收工10:20pm諗住買小小宵夜食下,打電去件外賣自取，叫了個鵝片拼鵝腸啦，回家打開一看，有6片鵝片，小量鵝腸，和幾塊薄豆腐墊底，盛惠115元。

可能是趕收工關係吧(10:30pm收鋪)個人覺得超級不值，打電話詢問，店舖説是正常，並無不妥，以後永不光顧。

今日趁食晏時間拎快遞，原來隔離巷仔有間潮洲菜館，舖仔細細唔起眼，我哋幾位都未試過將軍澳區嘅潮洲餐館，就決定喺度食晏。

下午兩點左右，無食客，坐低後有五至六位離座先知原來樓上都係餐廳範圍。

我哋每人點咗個午餐，另加兩款淨食，感覺都可以，由其滷水同粥，間唔中轉口味都係唔錯嘅選擇。

煎蠔餅，蠔肉幾多，幾足料，份量幾多，味道較淡，因為我唔慣點汁料食，可能點汁會啱啱好，唔知係唔係鴨蛋整，蛋味唔香濃。

滷水鵝肉雙拼(拼腩肉)，滷水唔鹹啱啱好幾入味，鵝肉幾嫩，腩肉入口唔油膩，最好食係豆腐，仲好嫩。

招牌沙爹牛肉炒河，醬汁太厚身，無沙爹香，味道無驚喜。

蝦醬鮮魷炒飯，蝦醬唔夠多蝦，份量好夠，飯粒粒分明但太乾。

櫻花蝦炒飯， 似普通炒飯，一樣係飯太過乾身。

魚腩肉碎粥，魚片新鮮好味，湯底好味。

加錢配餐飲

平常都在將軍澳站開餐，今日多搭一個站到坑口去尋找未去過的餐廳。

【潮饗】位於在一條不起眼又昏黑的小巷內，一不留神便會走過。

【潮饗】門面簡陋，貼了一些報章報道。

莫非這是一間隱世食店？在門外等一陣便可以入內，店子不太大，座位空間不太多，舒適度只是一般。

餐牌製作精美，菜式選擇多，價錢合理。

【滷水鵝片 $105】鵝片份量比預期中多。

鵝肉柔嫩，但欠些彈性；有鵝味而且不帶腥膻，略嫌油香未夠。

師傅刀功都可以；鵝片完整，連皮連肉，略嫌不過大小不太均一。

滷水比較清香淡雅，不油膩，不霸道。

豆腐軟腍有豆香。

這家食店的份量頗多，看看這碟【沙嗲炒牛肉 $72】 真是性價比高。

沙嗲味道有花生香而且帶微辣不似坊間沙嗲只有甜味，味道都稱得上正宗。

牛肉大大片而且嚡口又有渣，質素一般。

筆者不太喜歡芥蘭的苦澀味，而且不少餐廳都是炒得硬或帶苦。

幸好這個店方處理得宜，倣到了爽脆不苦的質感和味道，不過有點老。

筆者喜歡的椒鹽鮮魷是那種沾有一層蛋漿及撲上乾粉才泡油炸香，有香脆口感的椒鹽鮮魷。

可是這個【椒鹽鮮魷 $80】 表面的脆粉漿比較厚身， 不能緊緊黏在魷魚表面因此有鬆脫的情況，少了香脆口感。

椒鹽鮮魷表面雖然只有些微香辣，但味道平衡、夠香口，不嗜辣的人也可入口。

可是魷魚肉質不夠爽口、幸好完全唔韌。

感覺不過不失。

【潮饗】 餐廳位於在一條不起眼又昏黑的小巷內，但食物味道不錯，價錢街坊，難怪聽到有客人book位慶祝母親節。

第一次來到坑口商場以外的地方吃東西，友人今次帶我到潮州粉麵店吃午餐。

地鐵出來大約要走5分鐘，走入一條小巷，店舖的面積不大，大約只可以坐到十多二十人。

我點了雙拼鵝片豬耳河粉，友人點了雙拼鵝片墨魚河粉。

坦白説，鵝從來不是我杯茶，但朋友一番熱誠推介，所以就前來試試。

鵝片入口嫩滑，味道可口，沒有羶味，第一次覺得鵝原來可以是好味道的！至於豬耳彈牙可口，味道夠入味，但河粉有點鬆散，不算出色。

整體是一個可以再來的小店，讚！

上星期天，向坑口周圍shopping，晚上去左呢間到食，之前朋友介紹話都幾抵幾好食，所以去試下。

其實呢間野唔易搵，向一條好窄既巷轉入去，門面都好細小，主打潮州小菜，入到去座位都好細，位子都不多，2人食一定要搭台，唔緊要啦，最緊要好食! 試下先!叫左兩碟，兩碟都係佢地招牌菜，椒鹽魚下巴，沙嗲牛肉炒菜心，嘩! 魚下巴好有驚喜，好特別，椒鹽好香，魚下巴夠入味，又好滑，越食越上癮，而且又冇乜腥味，好脆口，見到大廚既功夫! 份量亦好多!而沙嗲牛肉炒菜心都唔錯，沙嗲唔錯，牛又夠滑，菜心正常，餸飯一流，大大碟最好埋單原來唔貴! 冇加一! 抵! 一定再encall!

潮饗餐單提供潮州菜, 海鮮, 湯品, 粥品, 中菜館等推介美食位於將軍澳區，餐廳座位數38人均消費約$101-200，結賬可以用現金，Booking訂位可以電話致電 23631138 查詢。

您對於將軍澳餐廳「潮饗」有何 comment？

潮饗餐廳詳細資料：

• 潮饗地址:
  將軍澳常寧路10號安寧花園25號地舖
  Chao Siang, Shop25, G/ F, On Ning Garden,10 Sheung Ning Road, Tseung Kwan O
• 潮饗電話: 23631138
• 潮饗價錢: $101-200
• 分類: 潮州菜, 海鮮, 湯品, 粥品, 中菜館
• 座位: 38
• 付款: 現金
• FB專頁: 潮饗 Facebook

更多潮饗相關資料:

• 潮饗分店
• Youtube
• Facebook
• Twitter
• Google