小魚兒 (富麗花園) 將軍澳

小魚兒 (富麗花園) 評價 相片

小魚兒出名食烤魚, 但今日得2個人又唔想淨係食條魚, 所以諗住下次先試, 今日叫咗雞煲食!! 重慶雞煲辣度: BB辣連麻嘅程度都可以揀, 初次嘗試就揀個小麻試吓先! 食落都唔錯, 都幾濃味! 雞件份量都唔少, 肉質嫩滑! 雞件食到7788之後, 就加湯變做火鍋啦!精選美國肥牛片: 肥牛片唔錯, 肥瘦適中, 好有牛肉味鴨血好鮮嫩, 份量好夠娃娃菜, 打邊爐必需要有的土豆粉: 上一枱以為佢俾錯, 個樣同烏冬一樣, 但食落有啲唔同, 係煙韌啲㗎, 口感唔錯, 又幾好食喎!!整體算唔錯, 可以滿足到食雞煲, 又可以打埋邊爐, 期待下次食埋佢嘅烤魚!!

屋企附近開咗間新嘢，今日試咗呢幾樣😋——————————————————————冒菜 （六款配菜）$48 可以加$5要埋粉麵鴨血唔會有腥味滑雞片雞片好滑雞翼雞翼有兩隻，味道好似滷水雞翼牛腩牛腩肉比較肥啲牛柏葉牛柏葉有啲韌🥸蟹粉蟹籽丸—————————————卡邦尼煙肉焗豬扒飯 $43焗豬扒肉唔會韌，如果佢有意粉選擇會更好😛葡汁焗雞皇飯 $43————————————整體都唔錯，可以再食👍🏻

試試新店，叫左一個重慶雞煲（BB辣），炒烏冬同兩串燒烤。

先講雞煲，味道不錯。

我叫的是半隻雞，份量十足，BB辣對我呢講，剛剛好配料方面，洋蔥出奇地甜，好味，因吸收晒汁的麻辣味～仲有豐富的荽茜。

食完雞煲，叫左一碟藕片，一碟油麥菜同一碟豬腩肉。

已經好飽肚。

不過，豬腩片$98唔抵食，質素十分普通。

另外兩串燒烤（雞軟骨/牛舌），都係唔抵食！牛舌燒到好乾，又硬….雞軟骨就無咩特別，好細粒….另外，因為小朋友唔食辣，叫左一個乾炒豬扒烏冬。

豬扒非常鬆軟，好入味，烏冬唔會十分乾身，有驚喜！$68抵食！服務員態度十分親切，上菜速度快！整體環境，尚算舒適！

由黃大仙店開始幫襯，堂食外賣烤魚都好好味舊店職員熱情有禮貌。

第一次喺將軍澳新店幫襯堂食，可以用openrice訂座好方便新店職員比較年青，態度如茶餐廳，招呼差又未至於，只係叫或同佢講嘢都無乜反應咁，係唯一一個比較高既後生仔較好。

叫咗個鮮九葉花椒BB烤海鱸魚，一如既往般好味，另加咗寬粉非常煙勒豆腐豆香好滑熟食方面，新店特價 108蚊半打烤本地蠔，叫咗蒜蓉燒蠔同麻辣燒蠔各半打味道尚算👌🏽都有蠔味，但粒蠔真係超細粒，大約兩粒五子咁大，太無癮已經忘記拍照椒鹽鮮魷 黃金魚皮無味無道至於椒鹽鮑魚嚴重應該係用急凍鮑魚一陣雪藏味（78蚊兩隻）會再去，不過只會食烤魚🐟

朋友話爐魚唔好食，所以揀咗條最貴既凌波魚，好大條，2個人食條魚都夠飽湯底就好多有得揀但睇落又差唔多所以都係求其揀我個人食野不嬲好清，如果唔太喜歡重口味既朋友，可以筆起魚上面啲醬先，之後加水再決定加唔加醬。

味道有啲咸，有辣有麻，但叫左小辣小麻真係唔係太辣肥牛128幾大碟同抵食，仲有叫左熟既蠔同炒蘆筍都唔錯，菠蘿都幾得意有焦糖係面。

唯一就係無白飯，重口味野送白飯應該幾開胃食呢啲烤魚黎講，張枱就細左少少既不過又要讚下無收加一都唔錯，食呢啲烤魚一人唔使200算係咁

小魚兒 (富麗花園)餐單提供川菜, 四川, 火鍋, 燒烤, 雞煲等推介美食位於將軍澳區，餐廳座位數90人均消費約$101-200，結賬可以用Visa,Master,AlipayHK,支付寶,現金,八達通,銀聯,微信支付，Booking訂位可以電話致電 55194897 查詢。

您對於將軍澳餐廳「小魚兒 (富麗花園)」有何 comment？

小魚兒 (富麗花園)餐廳詳細資料：

• 小魚兒 (富麗花園)地址:
  將軍澳毓雅里7號富麗花園地下3-5號舖
  Little Fish (Finery Garden), Shop3-5, G/ F, Finery Garden,7 Yuk Nga Ln, Tseung Kwan O
• 小魚兒 (富麗花園)電話: 55194897
• 小魚兒 (富麗花園)價錢: $101-200
• 分類: 川菜, 四川, 火鍋, 燒烤, 雞煲
• 座位: 90
• 付款: Visa,Master,AlipayHK,支付寶,現金,八達通,銀聯,微信支付
• FB專頁: 小魚兒 (富麗花園) Facebook

更多小魚兒 (富麗花園)相關資料:

• 小魚兒 (富麗花園)分店
• Youtube
• Facebook
• Twitter
• Google