上海大時代 將軍澳

上海大時代 評價 相片

今日(一小時前)見肚餓,同位朋友諗住搵間食肆醫肚,見到尼間野入面無乜人唔洗等位咪入下去食囉...一入到去,個大姑娘問我地有幾多個人,咁我答佢兩個,佢就叫我同我朋友坐係門口位...(個門口位又曬又唔好坐,似用黎擺貨多d = =')咁我見佢仲有咁多位咪問佢可唔可以坐其他位囉,點知果個大姑娘同我講 : 你地得兩個人,唔通我俾個四人位你咩?我即刻呆左,之後第二個大嬸又走左過黎問個大姑娘發生咩事?果刻我見個大嬸好似無咩咁,咪同佢講囉,點知仲失望,個大嬸仲串,話 : 你得兩個人,唔係諗住我地會俾個四人位你呀化?我聽完之後我都唔想再同d咁無禮貌既人講野喇,之後我轉身走...我走之前仲聽到佢地兩個細細聲講野...唉~尼間野我保證唔會再去,ps . 返到屋企打網先知尼間野一向都咁差......=0="贈佢地一句 : 今時今日咁既服務態度點得呀?

昨日我兩個人叫左兩個餐.賽螃蟹.涼瓜排骨.$32x2發現涼瓜排骨係用上咖哩粉gei豬排做材料覺得唔對板~所以要求更換..不過服務員態度其差..話豬排係一定係用咖哩粉上粉經一番辨論後才更換另一菜色(韮菜炒蛋)給我..接著該服務員有意冇意地在我身後客人落單時再提出涼瓜排骨一定係用上咖哩豬排做材料我生氣了..於是我唯有叫結脹..韮菜炒蛋仲未上..一個餐加一個飯$32 + 5於是兩個做菜師父出來與我對話..話我浪費食並鐵定上海涼瓜排骨係一定有咖哩粉我毋須再辨論了..走了之前我食過厘間野都覺得味道ok同價錢平..不過不嬲服務都麻麻..經過厘次真係唔敢再去!!

今晚同女友又係食上海嘢，今次揀咗嘅是一間小店叫上海大時代，位置不太就腳，還記得對上一次去已經起碼是四、五年前的事了，印象有點含糊。

要知道在將軍澳區經營一間食肆，是件不容易的事情，不知道此店有沒有轉手呢~入到店舖，坐滿了食客，見到剛好有一張吉枱，不用等位。

店舖樓面很細，大約只能容納二、三十人左右吧，裝修擺設亦甚有家庭feel的。

由於很餓，看了看餐牌便點了以下食物:上海小籠包: 還記得上次在霞飛點心拉麵吃到的小籠包皮薄而充滿了肉汁，美味無比。

此後，每當吃上海小籠包都會以此為標準。

本來這裡點的小籠包有一點點的期待，不過當我夾起其中一件，已經感到絕對絕對的失望，小籠包只有皮及餡，卻沒有絲毫的肉汁，吃落有點寡，唔掂!!雞絲粉皮: 光看賣相已經完全不吸引，麻醬稀到似水，沒有什麼芝麻味，而雞絲則切到條條粗幼不一，有點"鞋"，似湯渣較多。

至於粉皮是較闊及厚身的一種，晶瑩而不剔透，口感尚算滑溜，不過還是不及金滬庭甚至上海婆婆的好吃~唉!!!三鮮湯年糕: 平時也是吃炒年糕較多的，很久也沒吃過湯年糕了，是晚無視女友反對，點了一客湯年糕。

光海賣相，很清淡的樣子，三鮮有雪藏蝦毛、豬肉片及火腿絲。

嚐口湯，似清水般淡，有點似一大煲水加一小茶匙的雞粉的稀虛味道~好在年糕片都算煙韌及滑，亦有點點米香，此菜式才不至於一敗塗地，不過點都係難吃的了~韮皇炒鱔糊: 吃到最後的這道菜才有點似上海菜的濃油赤醬風格，韮菜及鱔均沾上濃濃的醬油味，鱔炒得很爽很彈牙，有鮮味~唯一不好的地方就是滿碟也是油，不過上比起前幾道菜，這個已經算是好吃點了~在進食期間，見越來越多人等位，不明所以~可能是平的關係吧!不過，經過這晚之後，我又多了一間blacklist的食店，唔會再去了~

上海大時代，位於將軍澳新都城地面，茵怡花園對面。

星期日好多食肆都滿人要等位，弟子跟家人就到屋企附近隨便吃個午餐！其實這間食肆已換了好多次主人家，第一次去食，同樣是上海菜，食物味道不錯，第二次普通，怎料今次卻差勁！！！ 環境：外面有車位，方便有車的食客。

但方便到車主把地毯放在食店門口，有點過份吧？好聽叫方便車主，唔好聽可影響觀瞻！因為要留意有沒有交通警抄牌，所以坐近門的位置而放棄最入的４人卡位，但那裡迫得連門都只能開半對門，後面的卡位是空的，他說這卡位要留給６人坐。

為什麼那位伯伯卻一個獨霸位子？！(留意:電視只是display)服務：差到極點，首先不給我們雅座，算了，她們卻一點禮貌都沒有，２位小二該是老闆的家人，於假日幫手，鄰座坐了一位伯伯，該是她們的家人朋友什麼什麼，她們２位小二對該伯伯呼呼喝喝，態度不友善的，小弟子一向善待老人家，真眼火爆!!兩位小二穿上便服，或許是親民的表現。

。

食物：當天點了　賽螃蟹　雜菇炒年糕　菜飯(加6蚊!) 半打小籠包 煎鍋貼 蒸銀絲卷煎鍋貼，十分厚皮，當然能夠鎖實肉汁。

。

小籠包， 期望不高， 可以接受!其實雜菇好蝦人烹調，年糕味道還可以，雜菇卻一點味道都沒有，只有一陣菇的臭青味，而且雜菇吸油，整碟都是油油的。

。

這是叫弟子萬分失望的菜飯。

菜呀菜，是否物價上漲就減料！！菜飯只有兩三粒菜!!你們以為那些是金華火腿嗎？！休想！！只是普通火腿！！！！加6蚊叫一碗火腿撈飯!!!回水回水呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!小弟子一向不愛吃銀絲卷，可是娘親去食上海菜必叫的包點，這叫她失望到極，我沒有吃，但看見銀絲卷裡的銀絲卻不分明。

是一個平平無奇的白包一個。

後記：這間店舖的位置已經不好，服務態度又差，看來小弟子應該要再碰碰運氣，看看有否又再一次頂手了。

呢間野未食過同老豆同埋呀媽入去食啦叫左個2人餐108,+8轉酸辣湯另外叫左個招牌雲南米線$182人餐有湯,雞絲粉皮,回鍋肉,魚塊,2個飯酸辣湯唔熱,味道唔多好!粉皮麻麻,比起出面,就算係apm fodd court既上海野都好過佢上海回鍋肉無咩味,極之油魚塊普普通通,不過味道唔多好!果碗米線真係唔掂,叫左少辣,佢入面有埋肉醬,9茶,芽菜,同埋酸菜d肉醬,9茶,芽菜,同埋酸菜,份量少,如果好食都算數啦,但係就唔好食!個湯底同擔擔麵既湯底一樣,只係d料唔同,酸菜極之難食,入左口都要吐返出黎咁既價錢,去出面某間連鎖米線食仲好過!!另外服務就真係極差,果3個呀姐掛住睇電視,荼都唔倒比人,拎住個茶壺睇電視$134 3個人,雖然唔係話貴,但係咁既價錢絕對唔抵食!以後都唔會再去!

上海大時代餐單提供滬菜, 上海, 中菜館等推介美食位於將軍澳區，餐廳座位數未知人均消費約$0，結賬可以用現金。

您對於將軍澳餐廳「上海大時代」有何 comment？

上海大時代餐廳詳細資料：

• 上海大時代地址:
  將軍澳貿業路8號新都城中心3期地下G28號舖
  The Period of Shanghai, Shop G28, G/ F, M C P Discovery,8 May Yip Road, Tseung Kwan O
• 上海大時代電話:  
• 上海大時代價錢: $0
• 分類: 滬菜, 上海, 中菜館
• 座位: 未知
• 付款: 現金
• FB專頁: 上海大時代 Facebook

更多上海大時代相關資料:

• 上海大時代分店
• Youtube
• Facebook
• Twitter
• Google