The Point - Pizza & Pasta (將軍澳中心) 將軍澳

The Point - Pizza & Pasta (將軍澳中心) 評價 相片

這間餐廳跟同事食過好幾次午餐，今日同老公來吃晚餐～叫左個二人餐，好似都抵食我揀左芝士焗釀大啡菇配香草蕃茄汁做頭盤，老公要左龍蝦湯大啡菇好腍鎖住好多汁，一切一咬都充滿水分～！加上香草蕃茄汁好好食，酸甜度適中好清新，好多鮮茄肉和鮮茄蓉，完全合我這個蕃茄控的口味！這個汁真的冇得輸！配埋芝士一起焗，滋味都足又不會膩～龍蝦湯都好濃龍蝦味，而且有不少龍蝦肉加強口感～湯不會太稀或太穠，細滑易入口我們選了紅酒燴和牛肋肉配長通粉紅酒汁味道比較濃，非常適合伴長通粉一起吃，和牛肋肉煮得非常之腍，而且好入味，整體都配搭得好好～Pizza選了BBQ烤雞肉pizza配料比想像中多，而且烤雞肉配上燒烤醬十分惹味！但整體味道不會太強烈，我還加了大啡菇的蕃茄汁一起吃～飲品係Green point和strawberry ice cream floatGreen Point, 其實是菠蘿梳打的味道，甜度適中，幾香菠蘿味～strawberry ice cream float, 味道香甜，非常有士多啤梨味，仲有一球雲呢拿味雪糕，雪糕當中夾雜了一些冰塊，個人覺得比起就這樣光食了這球雪糕，反而讓它慢慢融化在飲品中，再一起喝，士多啤梨味加上雲呢拿的奶香，飲落更滑更加溫和的味道～另外仲加咗個甜品朱古力brownie～之前不知道朱古力brownie原來仲有焦糖香蕉同合桃作配搭，阿雪糕的冰凍口感，加上朱古力brownie和焦糖香蕉的甜味，三者不論味道和口感都配合得非常之好～brownies非常熱辣辣的，非常香濃的朱古力味，但不會太甜，所以加上焦糖香蕉一起吃就剛好了！這個甜品絕對推薦！食物分量都非常充足，我們兩個人吃二人餐都覺得太多要打包，食物的味道、賣相和配搭都非常滿意，600元一餐都算值得

2021年9月13日 星期一今日專登去接老婆放工，再一齊去將軍澳食飯，對上一次嚟呢間餐廳食飯已經係兩年前嘅事，所以今次再嚟睇吓有冇新菜式食由於我哋去到嘅時間大約晚上六點左右，未算太多人，所以好快就安排到位置坐低再慢慢睇返餐牌，原來除咗一般嘅餐牌之外，仲有二人同四人套餐可以選擇，一個價錢已經包括左頭盤、主菜同意粉，所以我哋即時點左二人餐，費事心大心細唔知食咩好等咗大約10分鐘我要嘅頭盤就送到，係龍蝦湯，嚟到已經充滿龍蝦嘅香味，飲落去嘅每一啖都好濃郁，仲食到龍蝦肉添，一啲都唔稀，熱辣辣飲品我就要左杯green point，其實係菠蘿汁梳打，夠晒冰凍，飲落去酸酸甜甜，幾清新，好適合夏天飲到咗主菜環節，呢一個係BBQ chicken pizza，有烤雞肉、野菌、焦糖洋蔥等等，當中仲有最重要嘅燒烤醬汁，因為真係好惹味，同烤雞十分配合，薄餅有咬口但唔會太厚，兩個人食每人有三塊，食完都已經飽飽地之後仲有紅酒燴和牛肋肉長通粉，原本餐牌係寫蜆殼粉，不過店員話已經賣晒，所以轉左長通粉，個人覺得更加掛汁，每一條通粉都食到濃郁嘅醬汁，而且食完之後唔會太膩，和牛肋肉唔會太韌，加上份量都唔少，兩個人食就岩晒呢一個係芝士焗釀大啡菇配香草蕃茄汁，啡菇差唔多有我個拳頭咁大，切落去充滿水份，上面就一層濃厚嘅芝士，配埋蕃茄汁一齊食，酸味平衡得啱啱好最後我哋仲點左甜品朱古力布朗尼，原個鐵pan咁上，夠晒熱之餘見到上面嘅朱古力醬同雲呢拿雪糕不斷溶化，流晒落去下面嘅布朗尼同香蕉，食落去又凍又熱，味道層次好豐富，布朗尼又唔會太甜，食埋甜品都唔會覺得太飽最後叫咗咁多嘢食埋單都唔洗$600，應該飽到第二朝都唔使食早餐

餐廳喺將軍澳Popcorn入面，好近地鐵站好方便。

佢哋個環境都好開陽好舒服，一啲都唔會迫我同朋友就叫咗一個龍蝦嘅套餐，我的亦都叫咗一杯fresh fruit fizz 係芒果汁橙汁加檸檬汁嘅蘇打。

首先佢哋會有一個龍蝦湯，份量認真唔少，仲喺上面放咗一件多士上面有少少龍蝦肉，可以用來點龍蝦湯飲，你個湯唔會好鹹龍蝦味亦都好夠，碗湯大碗到飲唔晒之後就來有一個龍蝦紅菜頭沙律，呢個好開胃，佢上面仲要放咗一個蟹鉗嘅肉同埋龍蝦味嘅肉，初頭我以為佢會比啲雪藏貨我哋會吾新鮮，但係食落真係有驚喜，好彈呀，一啲都吾梅，個沙律下面就係一大片嘅紅菜頭，上面有啲洋蔥同埋酸酸甜甜嘅汁非常之開胃正餐有一個Pizza同埋一個焗通粉，龍蝦pizza侍應會加啲酒上去然後點火，令到個Pizza燒得香一啲，Pizza上面好多芝士同埋有啲龍蝦肉喺上面，每一件都能夠食到，啲芝士都焗到好香脆，連個Pizza邊都好鬆脆嘅，而佢哋更加將磨菇釀入個龍蝦頭同埋龍蝦尾裏面，個Pizza有拉絲好好食另外仲有一個龍蝦芝士焗通粉，芝士埋一定會鍾意，又係勁多芝士，佢又唔會焗到好乾，下面就好多忌廉，同啲通粉融入一齊甜品我哋就叫咗brownie in pan,裏面有香蕉，合桃， brownie同vanill 雪糕，佢啲合桃焗到好香脆，食完之後又唔會覺得肥膩，大家叫個set嗰陣時真係可以加返一個。

總體成餐飯都好好食，好有心機去煮

由於有半日假，找在觀塘區的朋友午餐，今次去左將軍澳The Point ，坐得舒服, 食物又多選擇, 我們叫了兩份午餐 , 加$10 有南瓜餐湯, 再加$10 有飲品。

餐湯份量比一般大一倍，湯內有很多南瓜肉, 好Creamy, 飲完已經半飽。

和朋友分享兩份午餐，先來煎鰽魚配蕃茄醬珍珠粉，賣相吸引, 魚肉煎得皮脆肉滑，, 很有魚鮮味, 珍珠粉配以新鮮蕃茄醬, 好開胃, 珍珠粉口感煙韌而目還好飽肚。

另一份石燒牛扒200g 。

由於牛扒是用一塊石上枱, 吃到最後，牛扒還是熱的而且熟度可以自己控制。

雖然是午餐，牛扒肉質鮮嫩，色澤均勻，脂肪比例適中，沒有筋肉質好Juicy, 配以原個蒜頭更加入味。

另外，我們加了一份小食, 棒棒雞翼，薄薄的炸漿面並鋪上一層調味粉, 香口嘢味。

飲品叫了杯White Sangria，內有蘋果粒, 感覺好清新，而即磨咖啡香濃。

經烤過香蕉和合桃淋上焦糖漿，真的好吃，朱古力布朗尼味道濃，合桃香脆。

雪糕是免費，但要快點吃，因為熱力令它溶掉。

由於而家無得去旅行，同老公就去酒店staycstion 一解旅遊之癮。

我地酒店package唔包晚餐，咁就商量食咩好呢，老公話想試下異國風情嘅菜式，我地於酒店商場邊行邊揀，經過一間pizza店，有龍蝦pizza，老公就決定要食龍蝦pizza。

廳餐位於將軍澳中心，好方便易搵，門面以木條配上綠色招牌，店內面積寬敞，裝修簡潔帶點異國風情。

餐牌選擇多，由小食～pizza～肉食～飯麵都有，由於得我地2人，叫一個龍蝦pizza都應該食唔到其他菜式，職員推介一個2人龍蝦pizza套餐，除左有龍蝦pizza，仲有龍蝦湯，龍蝦沙律，龍蝦焗通粉，嘩~全部都係龍蝦，好吸引，一於就食龍蝦套餐！龍蝦湯首先上枱嘅係龍蝦湯，好大碗，一入口就知係真材實料，用龍蝦殼熬製，入口鮮甜順滑舒服嘅龍蝦湯，不會感到人工調味，而且有啖啖龍蝦肉，老公非常喜歡。

飲完自己碗還望一望我碗🤣龍蝦紅菜頭沙律紅菜頭係superfood 非常有營養又補血，尤其適合女士食用。

沙律菜非常新鮮，淋上甜甜酸酸嘅沙律汁，配上食用花，又靚又好食。

食用時除了吃到新鮮沙律外還會吃到烤香嘅果仁，增添口感。

而紅菜頭處理得很好，沒有原來的腥味，又有大大件龍蝦肉，食得好滋味。

原隻火焰焗釀龍蝦披薩到最期待嘅龍蝦pizza，pizza面放了原隻龍蝦，原來係龍蝦2食，龍蝦身拆肉作薄餅配料，而龍蝦頭同殼就釀入其他配料加芝士焗。

薄餅餡料除了有龍蝦肉、水牛芝士、茴香頭等，互相配合點綴，味道好夾。

手工薄餅批底係精髓所在，批底既脆又有煙韌口感，拎起件pizza時係有拉絲效果，好正。

由於批底無油又添加劑，食多幾件都無負擔。

龍蝦芝士焗通粉龍蝦芝士通粉用上大粒通粉，口感好煙韌，而且吸滿了湯汁，面鋪上了大量芝士，好豐富，一啖通粉一啖龍蝦十分滿足。

今晚龍蝦宴既滿足了我地想食龍蝦pizza嘅胃，又感受到異國風情，真係好chill！

The Point - Pizza & Pasta (將軍澳中心)餐單提供意大利菜, 薄餅, 沙律等推介美食位於將軍澳區，餐廳座位數95人均消費約$101-200，結賬可以用Visa,Master,AlipayHK,支付寶,現金,AE,銀聯,Apple,Pay,OpenRice,Pay，Booking訂位可以電話致電 27998801 查詢。

您對於將軍澳餐廳「The Point - Pizza & Pasta (將軍澳中心)」有何 comment？

The Point - Pizza & Pasta (將軍澳中心)餐廳詳細資料：

• The Point - Pizza & Pasta (將軍澳中心)地址:
  將軍澳唐德街9號將軍澳中心地下G01及G02號舖
  The Point - Pizza & Pasta (將軍澳中心), Shop G01& G02, G/ F, Park Central No.9, Tong Tak Street, Tseung Kwan O
• The Point - Pizza & Pasta (將軍澳中心)電話: 27998801
• The Point - Pizza & Pasta (將軍澳中心)價錢: $101-200
• 分類: 意大利菜, 薄餅, 沙律
• 座位: 95
• 付款: Visa,Master,AlipayHK,支付寶,現金,AE,銀聯,Apple,Pay,OpenRice,Pay
• FB專頁: The Point - Pizza & Pasta (將軍澳中心) Facebook

更多The Point - Pizza & Pasta (將軍澳中心)相關資料:

• The Point - Pizza & Pasta (將軍澳中心)分店
• Youtube
• Facebook
• Twitter
• Google