Ruby Tuesday 將軍澳

Ruby Tuesday 評價 相片

父親節一家人來食飯慶祝🎉🎊💐點知忘記訂枱，唯有早些來等位啦，由5:15等到7:40才有位😔我覺得佢哋的派枱方法很不老實，食物就普普通通啦，不過入面的侍應態度就幾好大蝦通粉最好味，時間控制剛好蝦大隻又彈牙👍

因為爸爸坐輪椅的關係專登選擇左一間座位較闊落的餐廳去食父親節晚飯本身訂咗8:30pm用餐我哋8:00pm去到問咗接待員佢話要等10枱我哋都明白時間未到我哋可以接受等候根據返電話個Apps亦都係話要等10枱因為我哋一家大細有三個小朋友加上爸爸坐輪椅我哋就喺餐廳門口等但我哋一直都唔見有客人喺度等候入座咁就以為係有啲訂枱未到啦到咗8:30pm 訂枱時間我哋見過Apps仲有五張枱要等候咪問個接待員係咪真係仲有五張枱跟住佢話你哋而家可以入去啦其實成個過程呢半個鐘我唔見有客人出黎入到去見張枱亦都已經準備好即係咪book 8:30pm就算冇客人都要等到8:30pm先入得去呢?我哋一行九人就喺門口等咗半個鐘都入咗去食嘢叫佢比幾杯水我哋跟住侍應只係攞咗兩杯熱滾水俾我哋飲我哋明顯坐晒九個人喺度啦你比兩杯熱滾水我哋想點？講真嘢食真係一半完全唔值得呢個價錢同埋份量係偏細分我唔明點解個侍應話一個主菜可以比兩至三個人食😑到結帳的時候就更加奇怪我哋問侍應有乜嘢信用卡有折扣跟住個侍應反問我哋有乜嘢信用卡😅😅我哋忍唔住問佢係咪即係我哋攞晒手頭上所有信用卡出嚟俾你睇吓邊張有折扣呀？佢哋的服務態度真係唔會令人想幫襯

Ruby Tuesday 有朋友講過 食過好味既燒豬筋骨係RUBY TUESDAY, 咁岩3有客戶優惠,有7折同 加 $33 有經典芝士漢堡,當然第一時間 去食下啦!!但最最最令我失望係 等左1HRS 既台明明有勁多台 都唔比我地入去坐即使係限台令 1.5M,哩一間RUBY TUESDAY其實好大,,,我等位 等左1HRS真係 為左個JETSO如果唔係…走左十世啦!!!再者 服務都真係差左好多個個都黑口黑面食個飯姐…唔洗咁既好啦…講返D 食物ForkTender Ribs(半份 Classic BBQ 經典燒烤汁) 餐廳嘅招牌菜ribs，上台已經夠震撼，一切落去就好容易分到出嚟，食落去仲要肉質好腍，稍稍切開已經骨肉分離。

最中意腍到散化既口感而且汁好香 重有少少木香味 係好好味既加 $33 有經典芝士漢堡只係加$33 就有經典芝士漢堡 漢堡扒汁多 熟度都可以揀 唔錯最後叫埋甜品apple crumble第一次食 已經食唔停口, 蘋果焗得好好味ice cream 加一熱一凍幾特別，但2個人食，真係好飽每人食幾啖就冇晒

慶祝生日飯，人唔多，環境夠靜，傾耐少少都得芝士煱薯條，幾大份下 送啤酒一流Ribs整到好林 好入味加上燒烤醬好味雞柳好鞋口，味道ok既牛扒叫左手5成熟，一般般 無乜驚喜

喺呢間伏店用餐不快經歷令到從來唔寫食評嘅我都忍唔住要寫返篇。

😡😡😡😡食物一般不在話下，份量唔多，啲意粉同茶餐廳有得比，嘢飲更可怕，全部都係藥水特調，成杯擺返係度。

🤮其實用會員價都唔平，但完全得唔到應有嘅服務質素！😡員工上菜ping ping pang pang，成碟野飛去你面前咁，我哋已經無出聲，啲餐具差啲俾佢整曬落地，全部好似唔想做，當d食客係咩野。

😦經理管理員工不善不突止，態度仲惡劣過d細嘅，唔怪之得晚巿都得小貓兩三隻。

咁多間RubyTuesday依間真係數一數二差！永久blacklist! 總括嚟講: 冇!下!次!

Ruby Tuesday餐單提供美國菜等推介美食位於將軍澳區，餐廳座位數未知人均消費約$201-400，結賬可以用Visa,Master,現金,AE。

您對於將軍澳餐廳「Ruby Tuesday」有何 comment？

Ruby Tuesday餐廳詳細資料：

• Ruby Tuesday地址:
  將軍澳坑口重華路8號東港城1樓112號舖
  Ruby Tuesday, Shop112,1/ F, East Point City,8 Chung Wa Road, Hang Hau, Tseung Kwan O
• Ruby Tuesday電話:  
• Ruby Tuesday價錢: $201-400
• 分類: 美國菜
• 座位: 未知
• 付款: Visa,Master,現金,AE
• FB專頁: Ruby Tuesday Facebook

更多Ruby Tuesday相關資料:

• Ruby Tuesday分店
• Youtube
• Facebook
• Twitter
• Google