Greyhound Café 將軍澳

Greyhound Café 評價 相片

疫情真係令到我無乜動力出外食飯…但上司約要見面食下午茶，就只好去啦~Greyhound 其中最出名係單骨雞亦，中環鋪都做得好好食，但呢間就…個人感覺比較乾同"鞋"口，可能係下午茶嘅關係…同埋，真係好少人…粟米餅同凍檸茶就保持水準~甚至乎食唔晒碟粟米餅，要pack 走，返到屋企再用microwave reheat 都仲好juicy~杯檸茶就真係好fresh, 唔會死甜~所以，去唔到泰國，仲有Greyhound o既~

食過香港幾間唔同分店。

但將軍澳呢間態度特別差。

無論外賣定堂食試過各一次。

特別係果兩個男嘅。

講嘢冇尾音又冇禮貌完全勁趕客。

理得你食物好唔好食啊，去到好似受氣咁。

其實大把選擇做乜要揀佢😤因為疫症嘅問題入到餐廳一定要戴口罩。

我本身見佢我一坐低攞咗兩杯水放喺枱面我諗住除低口罩飲水。

佢就同我講話＂食物未嚟到唔可以除口罩＂完全冇尾音冇唔好意思！反而係我同佢講唔好意思。

但心諗我遲早都要除口罩㗎啦。

同埋你放兩杯水我係咪唔可以飲水，咁你就唔好放兩杯水過嚟啦😤

預知今日会提早放工， 用咗飲食apps 安排咗去Greyhound Cafe 晚飯有半價 🥘很喜歡餐廳傳統嘅泰式美食加入比較西式嘅演繹手法～『大蝦冬陰功螺絲粉』， 冬陰功味濃郁， 全都滲入螺絲粉中， 有點吃上癮😍。

虎蝦超大隻， 蝦殼煎得香脆惹味 蝦肉彈牙鮮甜 ～『越式鮮蝦雞肉米紙卷』， 米纸卷中有蝦肉雞肉配新鮮蔬菜吃感覺健康美味， 好清新。

特製嘅醬汁覺得偏甜， 掩蓋米紙卷嘅 清新味道，可以選用醋味和辣味多一點的source. 這款『炸薯角』真係冇得彈，熱辣辣炸起， 外皮香脆，薯仔香軟， 涼拌醬汁也很夾。

半價咗之後都係$24～～ 超值呀。

『芒果糯米飯』， 暖暖哋嘅糯米飯加上椰汁和香甜芒果肉 超美味又暖胃！ 留意甜品和餐飲係冇折㗎～😉

我家女兒揀飲擇食，難得有一、兩家她喜歡的餐廳。

差不多每個星期都要去一次, 今晚又要再同她去......【Greyhound cafe 】香港人對這間從泰國引入的餐廳應該不太陌生，因為擁有有不少招牌菜，在香港經營了一段時間而且分店越開越多, 證明這間餐廳已經成功中攻入香港市場｡【Greyhound cafe 】今日又去屋企附近的餐廳, 位於Popcorn 商場裡面的餐廳十分開揚, 有室內位置又有室外位置, 感覺非常時尚又有活力｡ 牆壁上有一些塗鴉, 充滿泰國色彩又不失時尚｡【Greyhound cafe 】泰國消費又平又靚, 但是這間泰國過江龍在香港價錢不叫便宜……不過回到家後發現Eatigo 有優惠, 下次一定要記住用先｡ 女兒不用看餐牌就已經知道自己要什麼, 指定食物雞翼及薄餅。

這間餐廳有泰國口味的意粉又有些泰國地道二嗎及小食但對於我來說可以選擇的東西不太豐富｡【Iced Lemon Tea $38】這個檸檬茶是餐廳招牌菜當然要是一下啦！ 這個招牌檸檬茶特別之處，冰是以茶製成，溶化後不會變淡。

記得以前侍應會在你面前倒給客人，但是今日竟然沒有這樣做，有些失望。

明明記得裡邊應該放有一片青檸, 點解換左一片普通的檸檬？而且這個檸檬茶制成的冰只有兩塊……這杯檸檬茶好似走了樣。

話哂都係招牌點解可以變成這個模樣？ 飲一啖有些苦澀味，沒有了以前令人回味的味道｡【招牌單骨雞翼 $78】單骨雞翼應該係一份小食但是價錢要78蚊又真係不太便宜, 看看它的份量其實只有幾隻，者真是有些貴可能因為這個是招牌菜吧｡雞翼實在炸到非常乾身而且非常開香脆, 雞翼調味惹味剛剛好, 難怪這個是這餐廳的招牌菜｡這個雞翼我慶幸能夠食到一支，剩下的全部都是我女兒。

另外我女兒喜愛的就是這個【泰式薄餅$ 28】這個薄餅其實有兩款, 厚及薄。

初初因為女兒喜歡這個薄餅每次都會叫一個咖哩, 原來可以單叫以後我就單叫了這份厚薄餅｡ 這份薄餅其實有甚麼吸引之處我都不太清楚，我慶幸能夠食到一件, 就覺得薄餅的溫度只是微溫, 咬下去不是什麼十分鬆化，不過依家前來說就是最抵吃的了｡【秘制辣肉手包粉卷 $108】原本以為是一個泰式生菜包, 呈上時才發覺跟想像的有些差別｡ 這個手包粉卷，有大量越式粉皮外，另外有大半個生菜，份量頗多｡ 不過用來包著的饀料份量就不太多，好似比例上不成比例｡ 好處就係食菜多個食肉比較健康｡秘製肉醬本身不辣，與泰式辣汁分開盛著。

把肉醬、香葉及辣汁放在粉皮及生菜上包起來吃，肉醬太碎又沒有加入其他配料，少了一份口感。

放進口就好像只把生菜吃掉一樣。

另外肉醬沒有炒到好香，好似煮熟而已，少了一份惹味口感。

我還是喜歡吃傳統的泰式生菜包｡ 把所有肉醬食完之後還剩下大半個生菜有些浪費｡

Greyhood好耐之前吃過一次，印象還好。

今次友人想吃泰菜，於是選擇了Greyhood. 雖然這是fusion菜，但我們想吃的泰國食物還有的。

前菜點了蝦紙春卷，味道不濃，吃起來還可，但沒有太大的味道，吃完不會留下深刻印象。

湯想飲冬蔭功湯，但沒有這項選擇，只有冬蔭功湯河或冬蔭功雲吞，最後點了後者。

我沒有吃雲吞，但友人說味道麻麻，我吃了湯及吃了一隻蝦。

蝦肉不爽口，不彈牙，肉質淋淋的，不太好吃。

湯味道雖夠味，但喝起來感覺煲多左水，可能本身不是湯，但我把它當作湯飲，所以沒有出面飲的質感咁好味，但又不能說它沒有味道，就是味道夠但總是感覺水份比例多了一點。

或者可以說是冬蔭功湯及冬蔭功湯水的分別。

主菜點了菠蘿🍍炒飯，這個算是全晚最好吃。

不是原隻菠蘿上的，另外菠蘿要自己加入飯內。

但菠蘿炒飯炒得幾香，乾濕度適中。

甜味點了芒果🥭糯米飯。

飯質唔夠淋，偏向少少硬。

芒果唔當做，一點也不甜。

整頓晚餐稱不上難食，但食過多次泰菜，就覺得味道總是差一點點，吃泰菜不會再選擇這間。

不過值得一讚是員工服務態度都不錯。

Greyhound Café餐單提供泰國菜, 甜品, 糖水, 薄餅, 三文治, 漢堡包, All, Day, Breakfast, 果汁, 西式糕點, 咖啡店等推介美食位於將軍澳區，餐廳座位數未知人均消費約$101-200，結賬可以用Visa,Master,AlipayHK,支付寶,現金,AE,銀聯,JCB,微信支付，Booking訂位可以電話致電 21140300 查詢。

您對於將軍澳餐廳「Greyhound Café」有何 comment？

Greyhound Café餐廳詳細資料：

• Greyhound Café地址:
  將軍澳唐賢街9號PopCorn商場地下G05及G06號舖
  Greyhound Café, Shop G05& G06, Popcorn,9 Tong Yin Street, Tseung Kwan O
• Greyhound Café電話: 21140300
• Greyhound Café價錢: $101-200
• 分類: 泰國菜, 甜品, 糖水, 薄餅, 三文治, 漢堡包, All, Day, Breakfast, 果汁, 西式糕點, 咖啡店
• 座位: 未知
• 付款: Visa,Master,AlipayHK,支付寶,現金,AE,銀聯,JCB,微信支付
• FB專頁: Greyhound Café Facebook

更多Greyhound Café相關資料:

• Greyhound Café分店
• Youtube
• Facebook
• Twitter
• Google