鳳城酒家 太子

鳳城酒家 評價 相片

冬至就決定黎依間酒樓食，因為聽身邊既朋友講依到既菜式，仲有d菜係要book定先有得食，冇book到架話係冇得食既。

我就book左好出名既炸鮮奶同埋連蓉布甸，同埋講明先，因為佢係例牌，限左咁多人既份量，所以最好多d人去食就最好。

首先我就比炸鮮奶同布甸比大家睇，雖然賣相可能唔好睇，但依個真係好好食。

炸鮮奶，咬落去好脆口再加上凝固左既鮮奶，就咁聽好似好普通，但好食程度係你相象唔到。

跟住個布甸，我就覺得好似甜得滯，個人覺得小朋友應該幾鍾意食。

跟住我地都叫左四至五人餐，乳豬雙耕盤幾好食，但冇乜特別。

其他都比大家睇下。

蝦多士，下面既餅底好脆加埋蝦，依個都好好食，我都推介。

但可能大家要其他分店到食了，以我所知太子依一間做到年尾就結業了，想試好食既順德菜，鳳城酒家都係一個唔錯既選擇。

充滿回憶的老酒樓宣佈結業，不捨生腸~爽口厚肉，坊間絕對是不能吃到這質感蝦多士~多士鬆脆，蝦膠彈牙，一塊停不了鮑翅仔燉雞~真材實料，是夾得起的魚翅，而湯也不像平日喝到的翅湯那麼杰，喝起來很舒服不會口渴大良抄鮮奶~做法是直接抄，不是炸的那種上湯炸粉果~很得意，要浸泡上湯再吃，不能浸太久，也不能浸太少，要讓炸皮索滿上湯而不爛，真的立刻位位扮高手上身，好玩🤣🤣🤣生菜包~生菜切得很美，每塊也是圓圓的，很方便包料來吃鳳肝金錢雞~這個手工菜必點💪真的不是容易吃到的手工菜，過程煩覆，老牌酒樓才能吃到😍雞肝加上豬肉及肥豬油去燒，甜甜的小圓圓再夾類似饅頭包食，真的超正八寶釀全鴨~很入味及足料，人多必點，因會好飽😂焗蓮蓉西米布甸~熱辣辣，甜甜的很好吃

讚1. 菜式整體維持水準，好味道！蟹拑脆身彈口，醬汁酸酸甜甜咁，開胃，炸子雞保持水汁，皮脆肉滑，炒魚片都好，爽身唔油彈1. 蓮茸布甸凍左先比客，唔得噃2. 臨別秋波，多人到癲，唔識人根本咪使旨意拿位

做節，家人揀左黎依度，就貪佢交通方便，又可以試下經典的順德菜。

不見門外有人等候，但一推門入來，就發現係全場滿座，檯擺得非常密，自然係想在做節高峰期多做生意。

因為遲來，菜單家人早已發辦，都不外乎係炸子雞，魚，西米布甸一類的菜式。

味道不是很差，過得去，但實在有點點乏善可陳，食過印象都不深，可能之前抱得太大希望而來。

大家吃得不是很盡量，才發現好像沒有叫他們的"名菜" 生腸，於是就又來一碟。

這裡的生腸很出名，就是橙色滷味那種。

黎到嘅係大大碟，都OK嘅，幾爽口，冇異味，黎到就可以一食。

依一餐飯，感覺最深刻的不是食物的質素，而家環境！點解？因為依一餐飯一路食就一路大汗疊細汁，可能因為實在坐得太多人喇，樓底又矮，坐坐下就好焗，唔止熱，而係空氣好唔流通的感覺，坐得好辛苦，真係幾好食都係咁話，希望店方可以改善下啦。

訂座的時候，接線生話訂名菜，要預先付訂金。

環境幾擠迫，枱同枱之間好貼，食用器具真係一定要講，污糟到接受唔到囉! 簡直想嘔， 聽屋企人講，廁所環境更加惡劣添!餸菜來說，除咗個金錢雞和小炒王係煮得比較好食之外，其他的餸我都係覺得一般。

炸子雞隻雞唔係新鮮雞，係雪藏雞，好大陣雪藏味。

百花釀竹笙個蝦膠係霉，竹笙有微酸的味道。

焗釀蟹蓋焗得好燶，蟹肉都唔係太新鮮，份量亦都好少。

西米布甸雖然唔會太甜，但係個面硬掘掘，有啲似年糕。

鳳城酒家餐單提供粵菜, 廣東, 順德菜, 點心, 酒樓, 懷舊老店等推介美食位於太子區，餐廳座位數270人均消費約$101-200，結賬可以用Visa,Master,現金。

您對於太子餐廳「鳳城酒家」有何 comment？

鳳城酒家餐廳詳細資料：

• 鳳城酒家地址:
  太子彌敦道749號歐亞銀行大廈1-2樓
  Fung Shing Restaurant, 1/ F-2/ F, European Asian Bank Building,749 Nathan Road, Prince Edward
• 鳳城酒家電話:  
• 鳳城酒家價錢: $101-200
• 分類: 粵菜, 廣東, 順德菜, 點心, 酒樓, 懷舊老店
• 座位: 270
• 付款: Visa,Master,現金
• FB專頁: 鳳城酒家 Facebook

更多鳳城酒家相關資料:

• 鳳城酒家分店
• Youtube
• Facebook
• Twitter
• Google