金牌鴨店茶餐廳 太子

金牌鴨店茶餐廳 評價 相片

前前後後都黎過呢間食店好多次, 都可以講細細個已經黎食, 早兩日師傅再次路經此地, 不如入去回味下啦!入到去唔係好多人, 見有個卡位就走埋去坐, 跟住睇下有咩好味, 左睇又睇最後要左四寶飯加凍檸茶!等左一陣四寶飯就到, 一眼望落去賣相唔錯, 見到有半隻咸蛋, 燒肉, 紅腸同埋豬! 先講下半隻咸蛋, 咸蛋唔算好咸, 連埋咸蛋黃送飯都幾好味; 燒肉就燒得好脆, 不過就勁肥加上咸左少少, 一般啦; 紅腸就普普通通, 少少硬咁啦; 豬就直頭不知所謂, 又咸又鞋都幾難食, 成碟飯最好味算係燒肉! 凍檸茶就幾夠茶味, 檸檬酸但夾埋d糖水就好, 夠凍夠味, 得喎!總括黎講食物質素同印象中相比係差左, 加上地方一般, 唔算太乾淨, 服務又係普通, 但價錢唔算貴, 三十二蚊一碟四寶飯加杯餐飲, 都算抵食! 可能係情意結關係, 所以就算好似差左, 師傅下次都會再黎, 不過笑臉就比唔到喇!

星期日下午茶時間去到,一心想食下午茶餐,點知星期日無餐要散叫,已不快.心想又不是什麼旺區名牌食店,星期一至五才有下午茶餐.叫了一個常餐,一個雞亦,一個奶醬多.一開始食都覺得味道唔錯,點知越食越咸,係勁咸,勁多味精,我同我朋友食完已很口渴,成日飲水,第二日仲一齊喉嚨痛,以後一定唔去食!

金牌鴨店的鴨飯是什麼味呢?..答案係:一般!我食左一客,鴨本身比較多肥高(可能咁啱我嗰碟係肥),肉唔算多,而且好像有點靭!個酸甜醬一般,點左開胃啲,但係又無咩特別!下次未必會專登再嚟,或者行過會飲杯凍奶茶,因為太就腳了!

曾幾何時,也有人云亦云之時候,年前聽到吳君如推介過在花園街的"金牌鴨店",跟著去試,吃罷不過爾爾.其間也聽過身邊的朋友對此店的負面評價,其後日子已沒有再去,一別數載,路經此地,姑且再比多一次機會.這間"鴨店"折舊得都幾快,店內已開始"殘殘地".既然自誇金牌鴨店,好自然地要個燒鴨,今次就要個鴨瀨.燒鴨在瀨粉上排得整整齊齊,不過真係得個樣,吃落燒鴨皮並不很脆,鴨肉味亦不濃,而且沒有多餘的鴨油,與底下的瀨粉溶為一題.瀨粉又是沒有什麼米味,得個滑雪雪口感,滑得來還有點假.湯底沒有滲進鴨油,點喝都那麼清,相信是唯一可取之處.連杯凍檸茶也淡而無味,還有甚麼話可說?難為自稱自己為金牌,同之前在油麻地某間茶記,自稱"燒鵝王子"一樣地搞笑.大家同樣包裝多過一切,多瀟洒失禮.

2007年4月23日。

金牌鴨店茶餐廳。

兩夫妻叫了:叉鴨飯: 叉燒比鴨好味D，D金牌鴨無乜味。

蘭花賽磅蟹套飯：西蘭花幾好，不太生也不太熟，但鹹了一點點。

不過不失去啦。

金牌鴨店茶餐廳餐單提供粵菜, 廣東等推介美食位於太子區，餐廳座位數未知人均消費約$50以下，結賬可以用現金。

您對於太子餐廳「金牌鴨店茶餐廳」有何 comment？

金牌鴨店茶餐廳餐廳詳細資料：

• 金牌鴨店茶餐廳地址:
  太子花園街211A號地下
  Golden Duck Restaurant, G/ F.,211 A Fa Yuen St,, Prince Edward
• 金牌鴨店茶餐廳電話:  
• 金牌鴨店茶餐廳價錢: $50以下
• 分類: 粵菜, 廣東
• 座位: 未知
• 付款: 現金
• FB專頁: 金牌鴨店茶餐廳 Facebook

更多金牌鴨店茶餐廳相關資料:

• 金牌鴨店茶餐廳分店
• Youtube
• Facebook
• Twitter
• Google