花粉熱 太子

花粉熱 評價 相片

如題 啲櫈坐得舒服 好中意張轉轉木凳 野好味 好飲太紀蛋糕 個餅底 香脆同香蕉味道好夾洋甘菊花茶清甜 環境舒適 枱之間有空隙 吾迫好似個小花園 周圍比植物圍住 吾知係咪因為感覺置身係植物園裡面 加上花茶 個人好放鬆。

btw都吾少人 建議搵左位先叫野食。

上下層都有堂食。

竹

今日工作上有機會嚟到花墟，開始開會之前，特登上嚟呢間餐廳，打算嘆一杯咖啡。

雖然而家政府係四人限聚令，但餐廳比較嚴謹，仍然維持二人一台，對於乘客來講都比較有保障，夠晒放心。

餐廳擺設比較天然同文清風格🪵🪴望落去非常舒適，餐廳內重放有好多唔同嘅盆栽器皿，除咗欣賞仲可以供人選購，都幾好㗎🤩我就嗌咗一杯熱嘅cappuccino ，味道唔錯，溫度適中，開會前提神算唔錯喔😌💜💜💜下次有機會，會想試吓佢嘅早餐，或者其他食品，同事欣賞下植物，感覺幾放鬆☺️

去到花墟行街買乾花，行到攰攰地就去左一間café — 花粉熱 Cafe Hay Fever，同朋友一齊食少少野，休息一下。

Belgium Waffle ＄58逢見到莓類嘅甜品都會想試下，叫左呢個上面鋪滿雜莓嘅窩夫。

雜莓醬有紅莓、黑莓同埋藍莓，完整一粒粒，味道偏酸。

窩夫方面，烤得脆身，有白糖顆粒係入面，口感係有啲奇怪，不過可以中和番雜莓嘅酸。

另外加上香蕉同埋cream，就可以令窩夫入口感變得細滑，不錯嘅配搭。

Japanese Hojicha Roll ＄52跟住叫左一款Roll Cake，係焙茶口味。

蛋糕做得比較乾身，口感唔係棉密嘅。

焙茶cream做得幾香，焙茶味道突出，唔算滑，不過分量剛剛好，同蛋糕做番一個平衡。

朋友行得耐口渴，就叫左一杯凍齋啡飲，她說正常發揮。

總結，花粉熱 Cafe Hay Fever環境及裝潢充滿一種後花園嘅感覺，可以先係下層睇睇花藝，再行上一層食野飲野係一個不錯嘅選擇。

不過食物嘅性價比值偏低，食物質量同埋餐具配搭要花點心思LA

行開花墟有少少肚餓，於是喺OpenRice搵一搵，原來呢間花店樓上有得堂食，於是就去一探究竟店如其名，內裏的佈置和裝修得非常之舒服 幽靜，食物飲品反而未有太大印象。

總括而言，坐喺呢度發呆一兩個鐘 飲杯嘢唞一唞，真係非常舒服

近來最熱門話題，應該都係取消年宵市場，做左幾廿年人都係第一次冇年宵市場行，令人好失望啊!不過大家要同心抗疫，我認為系有必要的。

襯近日天朗氣清去花墟走一轉，睇下花、買下花已經好開心。

行到攰去左「花粉熱」飲咖啡，Cafe 位置吾算就腳，以自助形式，坐位不多， 加埋限聚令之下坐位更缺。

見到客人買咗飲品都冇位坐，陰公，所以建議先搵位。

Latte $40咖啡夠熱，奶泡尚算豐富、細密；果酸頗出，吾加糖就越飲越酸，吾太合我個人口味。

焙茶Roll cake $52 幾貴吓，而水準只係普普通通，可能放耐左，質感較乾，cream 又唔多，焙茶味淺、感覺冇heart 價錢較同區Cafe 略貴，有啲 overpriced 。

花粉熱餐單提供西式, 甜品, 糖水, 咖啡店等推介美食位於太子區，餐廳座位數20人均消費約$51-100，結賬可以用Visa,Master,現金,八達通,AE,銀聯,易辦事，Booking訂位可以電話致電 23970668 查詢。

您對於太子餐廳「花粉熱」有何 comment？

花粉熱餐廳詳細資料：

• 花粉熱地址:
  太子花墟道62-64號地下
  Cafe Hay Fever, G/ F.,62-64 Flower Market Road, Prince Edward
• 花粉熱電話: 23970668
• 花粉熱價錢: $51-100
• 分類: 西式, 甜品, 糖水, 咖啡店
• 座位: 20
• 付款: Visa,Master,現金,八達通,AE,銀聯,易辦事
• FB專頁: 花粉熱 Facebook

更多花粉熱相關資料:

• 花粉熱分店
• Youtube
• Facebook
• Twitter
• Google