緣圓 太子

緣圓 評價 相片

3月份見到有人介紹呢間位於公司附近嘅甜品店，幾有興趣，但撞唔啱時間，上星期五終於試到。

甜品店位於舊美味餃附近，鋪面超級小，隱約見到廚房，逼逼地放到幾張枱仔，唔介意坐室外可以開枱嘅，免得要等位，我地就照坐喇。

當晚亦見到唔少客人買外賣，同埋買生芋圓。

餐牌選擇唔多，只有5款糖水底，包括：糖不甩、黑糖桂圓、雪梨海底椰、椰汁西米露、紫米露，配搭三款口味芋圓，一律$28。

加$2可以追加額外綠茶、芝麻圓各兩粒黑糖桂圓 $28 +$2/綠茶、芝麻圓 (熱)原本有芋圓、地瓜圓、紫薯圓，呢碗我就加左兩蚊試埋另外兩款，共5款。

用上外賣膠碗仔，糖水上枱時覺得有點細碗，實質份量同一般糖水店係差不多。

黑糖桂圓加有雪耳、紅棗，龍眼肉三粒，糖水底唔甜，幾滋潤。

芋圓們完全冇令我失望，恰如其分，好難得食到每款味道都明顯芋圓有芋味，仲有少少芋頭口感；地瓜圓甜啲，加落糖水啱啱好；紫薯圓足料。

至於追加嘅綠茶圓、芝麻圓亦係做得幾出色。

口感粒粒煙韌兼Q彈不過留意，建議點熱糖水，因為凍嘅圓偏實。

椰汁西米露 $28 (凍)凍嘅糖水唔夠凍，好似康瑞咁養生(?) 椰汁西米露都唔係太甜，椰香一般，不過裡面有粒粒芋頭加分。

芋圓們無論喺味道同口感，都冇熱嘅糖水咁好食

早前聽朋友介紹，太子開咗一間純人手造無糯米粉成分既台式芋圓地瓜圓小店，尋日終於有機會一試。

小店由一位女店東及一名男店東經營，門面擺設簡單，有一個大雪櫃，裡面有唔同重量既芋圓地瓜圓外賣包裝，雪櫃貼有煮食方法。

堂食有四款芋圓地瓜圓甜品選擇，分別有糖不甩，馬蹄糖水，黑糖桂圓同埋椰汁黑糯米，每款均有15粒芋圓地瓜圓及紫薯圓。

每款糖水即叫即煮芋圓，個枱客人都會耐心等候，大概五至十分鐘糖水就送上，今次叫咗一客糖不甩同黑糯米芋圓，糖不甩啲椰絲係女店東自己調配出黎，配合口感QQ 又熱辣辣既芋圓簡直令人食唔停；另一個黑糯米，椰汁同黑糯米比例相當好，唔太甜，再配合芋圓簡直一流，而且呢間小店既芋圓、地瓜圓入面會食到芋頭同地瓜餡。

與此同時，男店東亦會問客人感覺同評價。

$28 一款糖水配人手造既芋圓，完全超值，強烈推介！

偶然遇上一間甜品舖，最初只見有芋圓，心想又冇自己份啦，因為錯覺以為芋圓主要是用糯米粉整的，點知八掛心態之下，上前問一下，才知道原來主要材料是用木薯粉，哪就放心一試，誰知一試難忘，一星期都最少幫襯幾次，實在食上隱，有黑糖桂圓紅棗味，腐竹薏米白果味，雪耳海底椰蓮子味，桂花雪梨馬蹄味，椰汁雪耳西米味，紅豆沙味，芋圓糖不甩，芋圓就有黃薯，紫薯，芋頭三款口味，還有外賣口味，黑芝麻味，綠茶味，日日換款，多多口味，值得一試

緣圓餐單提供台灣菜, 甜品, 糖水, 中式糖水等推介美食位於太子區，餐廳座位數未知人均消費約$50以下，結賬可以用現金，Booking訂位可以電話致電 65062469 查詢。

您對於太子餐廳「緣圓」有何 comment？

緣圓餐廳詳細資料：

• 緣圓地址:
  太子荔枝角道88號地舖
  Karma＿dumpling, G/ F,88 Lai Chi Kok Road, Prince Edward
• 緣圓電話: 65062469
• 緣圓價錢: $50以下
• 分類: 台灣菜, 甜品, 糖水, 中式糖水
• 座位: 未知
• 付款: 現金
• FB專頁: 緣圓 Facebook

更多緣圓相關資料:

• 緣圓分店
• Youtube
• Facebook
• Twitter
• Google