紅橋 太子

紅橋 評價 相片

太子有間紅橋茶餐廳，平時都多人，有時要等位，但我如果經過太子旺角都會想起這間餐廳，我多數幫襯下午茶時間，沒有太多人，我自己便比較喜歡三文魚的牛角包🥐和意粉🍝下午茶！

經過太子，想係附近搵晚餐， 見到呢間紅橋覺得幾啱心水就入咗黎。

好多地方晚餐都要散叫， 但佢晚餐仍然有set dinner， 仲要唔使加一， 已經覺得幾抵食。

佢有個固定嘅set dinner menu， 有六個餐可供選擇， 每個set dinner包咗前菜、餐湯、嘢飲、同主食， 冇記錯最貴嗰個餐價錢都唔過100， 作為西式餐廳晚市， 價錢都可以話算係非常貼地。

我哋叫咗兩個餐， 分別係蜜糖豬肋骨伴蛋包飯， 同埋燒汁芝士雞扒焗飯。

落完單好快前菜同餐湯就送到。

餐湯有得揀中湯或者西湯， 咁我哋就揀咗南瓜湯， 個湯水準正正常常， 好濃稠好creamy，幾好飲。

主菜方面， 店員話豬肋骨已經買曬， 所以就幫我轉咗做鰻魚， 我本身其實對豬肋骨感覺一般， 純粹係好想食蛋包飯， 而家轉咗做鰻魚， 我覺得係喜出望外嘅😋 一上到枱， 嘩好大好大條鰻魚啊！鰻魚都幾鮮美， 但就有少少骨， 但唔算太多都可以接受， 其實係想食茄汁嘅蛋包飯， 但而家轉咗燒汁都還可以， 可能因為茄汁同鰻魚唔夾。

我覺得整體味道真係相當唔錯， 蛋包入面係炒飯而唔係普通白飯， 但如果隻蛋可以再嫩滑少少就更加好， 而家偏老咗一點點， 但整體而言質素味道都幾好。

而個芝士雞扒飯， 真係好芝士啊， 而且係即刻焗嘅，所以溫度好高， 雞扒亦都好大塊好足料， 味道相當唔錯。

唯一美中不足係個前菜，前菜係沙律， 但沙律嘅醬汁我就表示。

。

本身好重口味，好鍾意食醬料嘅我， 無論係沙律醬千島醬芝麻醬嘅沙律，都好鍾意食， 但佢偏偏係一隻，唔知咩汁， 類似係袖子醋， 但其實我連醋都鍾意食， 但佢係唔好味嘅錯， 所以平時唔浪費食物嘅我，今日都浪費咗啲沙律。

總結就係， 價錢貼地， 平均八十蚊就食到一個set dinner， 味道質素都幾好， set dinner有沙律有餐湯有嘢飲， 重點係唔使加一， 真係好抵！PS 個沙律嘅醬汁真係一言難盡， 如果你哋真係去試， 唔知可唔可以叫佢改咗其他醬呢

依間餐廳响花墟附近，行到攰就黎食番個下午茶。

餐廳細細間，好full, 我地好好彩被安排坐梳化位。

兩個人點左:1. 法式芝麻蝦多士配薯角熱辣辣，用左黑芝麻同埋白芝麻，香氣四溢，炸得好鬆脆，最特別係點煉奶食，中和左油膩嘅感覺。

配埋大量薯角，都係新鮮炸嘅，好飽，好滿足。

2. 白酒蜆肉意粉依個意粉賣相唔錯，其實可以當午餐食，份量足夠，蜆肉都算多，但白酒味唔重。

價錢合理，包埋飲品，兩個人$100有找，值得去試吓!

今日出左去太子睇花..🌺睇完去附近食嘢見到紅橋好多人排緊隊以香港人心態 人排又想排下應該唔會難食得去邊結果真係意料之內一個午餐 有餐湯 餐飲 主菜 好抵食👍🏼我今日揀咗煎豬扒蛋包飯餐豬扒好大塊 味道亦都唔錯 夠入味..😋而蛋包飯亦都十分出色有勁多茄汁係蛋包飯上面..沙律配上胡麻醬亦都好好食不足之處係座位不夠多😶而且座位安排得好迫寬躺舒適程度有待改善

太子附近有間看似普通茶餐廳, 但進去食時發現幾有水準! 平價西餐廳!!黑松露忌廉汁野菌帶子意粉TEA TIME有豐富既意粉食好滿足! 意少有點硬身, 忌廉汁不是十分重, 野菌好多, 帶子有點少!! 但整體份量十足!!! 當lunch食也可以!! 哈哈!!All Day MealAll Day Meal有烤雞排, 黑松露炒蛋, 蒜茸包, 雜菜沙律, 忌廉濃湯意粉!! 食物很豐富, 而且貌相相當吸引!! 比起平時一般的all day breakfast天飽肚的感覺!! 炒蛋很香很好食!! 蒜茸包也推薦!! 很香脆呢!!!

紅橋餐單提供港式, 西式, 茶餐廳, 冰室等推介美食位於太子區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 26680309 查詢。

您對於太子餐廳「紅橋」有何 comment？

紅橋餐廳詳細資料：

• 紅橋地址:
  太子花園街230號地舖
  Rosa Bridge Restaurant, G/ F,230 Fa Yuen Street, Prince Edward
• 紅橋電話: 26680309
• 紅橋價錢: $51-100
• 分類: 港式, 西式, 茶餐廳, 冰室
• 座位: 未知
• 付款: AlipayHK,支付寶,現金
• FB專頁: 紅橋 Facebook

更多紅橋相關資料:

• 紅橋分店
• Youtube
• Facebook
• Twitter
• Google