熱點 太子

熱點 評價 相片

呢日中午去太子買古早蛋糕，順便喺嗰邊嘆杯茶、食個點心🥢。

唔駛行到去花園街嗰邊就已經有選擇「熱點」，門口不乏買外賣嘅人。

午餐時段點幾嗰陣坐滿人，學生妹自己一個都坐低慢慢食😍。

我哋獲安排坐喺卡位，算幾闊落。

一坐低店員就問我地飲咩茶，佢仲推介我哋試玄米茶，茶位每位$5。

點心選擇種類正常，我比較欣賞佢部份點心可以逐粒嗌(兩粒起跳)，而唔係固定一籠👍。

兩個人飲茶嗌嘢食好蝦人，有時想食多款又驚食唔哂，而家免卻唔少煩惱。

蟹籽燒賣皇($9/隻)，燒賣餡同時有豬肉(無乜肥豬肉)同蝦肉，比例剛好，上面仲有蟹籽添🦀。

熱點蝦餃皇($9/隻)，蝦餃皮厚薄適中，唔會一夾就穿，🦐蝦肉新鮮彈牙，好食就係咁簡單。

鮮蝦菜苗餃($7/隻)，呢個相當有驚喜，菜苗餃皮較蝦餃皮煙韌有嚼勁，入面包棵超多菠菜，口感一流，又大隻，正啊😋。

紫米脆網卷($22)，呢款點心可能係餐廳獨家，夠哂特別又好食。

外層係紫米皮，有啖啖紫米香，內裡就包住脆網春卷，成個組合好過癮😛。

XO醬蘿蔔糕($28)，蘿蔔糕切粒上，用XO醬炒得好香口，🌶微微辣好惹味，外層就煎至脆脆的。

家鄉炒米粉($20)，唔好睇個樣好似好單調咁，食落唔錯㗎。

炒米粉偏幼身，並唔易斷開，所以每條都好完整，無碎濕濕。

味道就算唔駛落豉油都夠味🍜。

雪山叉燒包($18)，叉燒包有兩大個，呢個係新派做法，並唔係用上傳統饅頭包皮，🐷叉燒餡滿滿的。

薑蔥牛柏葉($22)，佢係壓軸出場，因為蒸嘅時間要耐啲。

牛柏葉爽口入味，薑蔥味濃，另外仲加入麵筋索汁🤤。

楊枝甘露糕($21)，糕品有三件，食落似將糖水變成糕狀嘅形態，有西米、芒果同柚子等元素。

估唔到點心舖有賣呢味呢😳。

總括嚟講，餐廳幾好啵，係吔一盅兩件嘅好去處。

傳統點心整得好味，又不乏自家菜式，一家人嚟食或情侶撐枱腳都適宜。

店員服務態度幾好，百忙之中都不斷幫我哋收碟、加水🙏🏻。

悠閒周日想飲餐茶食下點心，上網搵到新開的熱點最欣賞蝦餃燒賣可以叫（兩件） 兩個人黎食可以全都要！茗茶每位$5 （普洱、壽眉、鐵觀音、玄米）4種選擇。

星期六、日及公眾假期有加一收費。

整體點心價格相宜，款式都多選擇。

今次總共叫了8款點心～熱點蝦餃皇（兩件）$18蝦餃脹卜卜，餃皮唔太厚。

鮮蝦菜苗餃 （兩件）$14菜苗餃晶瑩剔透，菜苗嫩滑，抵食推介蟹籽燒賣皇 （兩件）$18燒賣內豬肉冬菇餡都紮實。

紫薯流沙包 $18平時食開奶皇包，見到紫薯流沙包幾新穎，入面真係有紫薯粒粒唔太甜。

鳳凰煎米雞 $23第一次食煎的糯米雞，底面兩邊都煎到微微焦香，食到飯焦香脆口感，幾得意。

魚翅灌湯餃 $38灌湯餃在點心店比較少有，驚喜有翅裙外， 還有火腿 、冬菇 、蝦、蟹柳、芫茜 幾足料。

豬仔咸水角 $28豬仔可愛造型已值回票價，鼻孔、耳仔、尾巴通通都還原，口感煙煙韌韌。

豉汁蒸排骨 $20 大大碟，排骨的底部仲墊左麵筋。

以小店的質素來講相當唔錯，值得推介！

早幾日經過太子，見到一家新開張的點心店，從外往內望，店面裝修簡潔，給人一種乾淨企理的感覺。

老公一向鍾情一盅兩件，趁這天要來附近出差，辦完正經事後，就順便過嚟嘆夜茶。

一坐低店員已經即刻過嚟開茶，效率超高。

我哋揀咗平日喺茶樓比較少見嘅玄米茶 ($5@)，茶味很不錯，擁有迷人的淡雅香氣。

點心紙有即叫即蒸、即拉腸粉、煎炸灼、啊媽燉湯、甜品、包點、粥飯等幾個類別，另外亦有一些孖寶組合，選擇非常豐富。

先試兩個皇牌點心：熱點蝦餃皇 ($9@)、蟹籽燒賣皇。

蝦餃皮做得晶瑩剔透，夠薄又不乾身，蝦肉份量亦下得很慷慨，入口彈牙味鮮。

蟹籽燒賣皇 ($9@)  同樣點了兩件，燒賣外形大小適中，餡料有豬肉和蝦肉，豬肉煙韌清香、蝦肉鮮爽彈牙，有水準。

接著是一客藥膳燉鳳爪 ($26)，鳳爪賣相夠飽滿又完整，好吸引。

入口滿嘴都是黏黏的膠質和藥膳香氣，湯汁完全沒有藥材的苦澀味，好易入口，就算細路仔都啱食。

蘿蔔千絲酥 ($21)，單看賣相已知對辦，不但色澤金黃，而且外形飽滿挺身。

入口果然不俗，咬下酥香鬆碎，入面的蘿蔔絲清甜多汁又爽口，而且滑順無渣，即使外皮油炸，質感亦十分輕盈。

豬仔鹹水角 ($28)  味道亦一絕，鹹水角造形滴滴骰骰，十分可愛。

外皮食落好香口，糯米層相當煙韌，加上入面的半肥瘦豬肉和蔥花等饀料，一啖入口，外脆內粉糯，正。

紫薯炸煎堆 ($20)  煎堆仔一碟有三個，外形脹卜卜，表皮炸得很香脆，咬下充滿芝麻香，夾埋入面香甜軟滑嘅紫薯餡一齊食，簡直係 Perfect Match。

本來點咗雪山叉燒包，不過店員話已經沽清，所以改叫咗蜜汁叉燒包 ($18)。

包身拿上手時仍熱辣辣，好軟熟，面頭微微裂開露出叉燒餡，入口滲發出陣陣叉燒香，味道好正，無得彈！甜品選了薑汁千層糕 ($20)  同楊枝甘露糕 ($21)，千層糕入口薑味十足，糕身微黏有彈性。

楊枝甘露糕味道亦一流，既有西米的 QQ 口感，亦有粒粒芒果肉，用作飯後甜品，既睇得又好味，絕對無得輸！相信很多人都已經久沒飲茶，能在這裡一次過嚐盡多款招牌點心，完全滿足口腹之慾。

星期六返半日，久違地兩公婆嘆吓茶，揀咗太子地鐵站旁邊嘅呢間點心專門店。

食物選擇唔少，基本上茶樓有嘅點心呢度都有，點心紙上嘅食物分類亦清晰易明。

難得點心店都有燉湯飲，當然唔可以放過，蟲草花燉雞湯真材實料，湯渣非常多，入口味道鮮甜，感覺滋潤。

鮮蝦腸粉加入韭黃令味道更清新，蝦仁大大粒，鮮味突出。

蝦餃皇大大粒，皮薄餡靚，味道非常鮮美，煙韌嘅餃皮包住彈牙嘅蝦肉，冇得彈！鮮蝦菜苗餃亦係我嘅最愛，鮮甜彈牙嘅蝦仁加上鮮嫩嘅菜苗，比起蝦餃多一份清新。

咬開透薄嘅餃皮可以見到原粒蝦仁，真材實料。

北菇棉花雞亦非常出色，豬皮好入味，底部嘅麵筋亦吸收哂湯汁嘅精華。

牛肉球大件夾抵食，牛肉、蔥同芫荽嘅比例啱啱好，入口亦唔會好重粉感。

紫薯包口感鬆軟，紫薯餡清甜軟滑，味道唔會過甜，唔會太滯。

除咗一般茶樓可以點嘅茶之外，呢度仲提供玄米茶呢個比較少見嘅選擇，茶味清新，味道淡而且唔苦澀，解膩消滯一流。

近年飲茶都比較傾向呢啲新式嘅點心專門店，貪佢更加抵食，平日仲免加一，點心同樣即叫即蒸，質素唔錯，而且蝦餃燒賣之類仲可以逐件叫，最啱二人世界。

見到隔離枱點咗八寶籠仔飯，香氣四溢，非常吸引，下次一定要試吓！

早幾日行過太子，發現開了間新的點心店，既然這麼久沒有吃點心，一於試試！這裡有點心、盅頭飯、粥、炒米粉、燉湯可以選擇，而且價錢不算很貴！熱點蝦餃皇，蝦餃晶瑩剔透，蝦肉大粒而且爽脆！鮮蝦菜苗餃，菜苗餃皮薄，餡料豐富，很有鮮味！醬汁蒸鳳爪，每次飲茶必點，這裡的鳳爪炆得好淋好入味，醬汁都很足！鮮竹牛肉球，牛肉球都幾大粒，好香香菜的味道，再配上喼汁，很鮮味！香茜牛肉腸，腸粉皮薄，餡料超多，牛肉味道不錯，非常足料！蜜汁叉燒包，飲茶點都會食個包，叉燒包餡料很足，唔會有倒汗水而且好軟熟！豬仔咸水角，咸水角外形可愛，是成隻豬仔的形狀，還要有尾巴！咸水角不會太油，很脆口，餡料也很足！蟲草花燉雞湯，呢個非常清甜，有好濃的雞湯味，而且材料很足，有不少雞件在燉盅內！魚翅罐湯餃，估唔到真係有翅裙，湯餃餡料也很多，加入紅醋非常惹味，好抵食呢！這裡的點心性價比高，值得再來！

熱點餐單提供粵菜, 廣東, 港式, 點心等推介美食位於太子區，餐廳座位數未知人均消費約$50以下，結賬可以用現金，Booking訂位可以電話致電 26130661 查詢。

您對於太子餐廳「熱點」有何 comment？

熱點餐廳詳細資料：

• 熱點地址:
  太子彌敦道782號麗英大廈地下C號舖
  HOT POINT, Shop C, G/ F, Lai Yin Building,782 Nathan Road, Prince Edward
• 熱點電話: 26130661
• 熱點價錢: $50以下
• 分類: 粵菜, 廣東, 港式, 點心
• 座位: 未知
• 付款: 現金
• FB專頁: 熱點 Facebook

更多熱點相關資料:

• 熱點分店
• Youtube
• Facebook
• Twitter
• Google