泰哥餐廳 太子

泰哥餐廳 評價 相片

去完動物診所攞貓糧之後發現太子果邊好多茶餐廳，眼花繚亂之下比呢間嘅大招牌吸引到。

行埋睇到個餐牌又唔貴wor，於是就坐左入去食。

叫了個邪惡西多拼雞翼，因為早餐飲左奶茶為左唔生腎者之石所以叫紅豆冰。

紅豆冰先上，雖然叫左少冰不過都唔少。

不過紅豆都好多，粒粒都幾飽滿，飲落亦有奶味同紅豆味，放過佢啦。

坐低即刻有杯熱茶，睇到店員即刻喺熱水機斟出黎。

餐具係櫃桶式，係地道嘅街坊茶餐廳形式。

西多+雞翼。

雖然份量不算多但炸得好香脆。

西多鬆軟，表皮乾爽，糖漿同牛油份量剛好，唔會甜到苦。

雞翼外皮有點乾。

咬開都有一點肉汁，而且有香茅味，是醃過的。

質素大約比薩X亞高幾個%。

飲埋紅豆冰埋單32蚊，便宜，連鎖餐廳以外的好選擇，亦比那些掛名什麼什麼冰室把平民食品當成國際佳淆賣到超貴的好多了。

希望街坊生意能保持水準。

今次我第一次喺open rice留食評，嘥功夫都要留comment。

入到餐廳，老細話個餐有湯送有嘢飲，咁咪叫咗個餐囉。

轉個頭個餐到咗，即刻話冇湯送喎就嚟閂門。

補杯嘢飲又話唔得，總之冇。

畀啲誠意都好啲，但態度好唔掂，個感覺似係先昆你落搭然後又冇呢樣嗰樣。

食食下隔離仲閃隻曱甴出嚟(好核突唔想影)。

如果未試過呢間，真心奉勸唔好試，啲服務好差，一肚氣。

上次食蒸魚飯，都發覺條魚個肚好苦，諗住可能係自己唔好彩。

😖尋日去食，諗住俾次機會佢，再食多次蒸魚飯，仲苦過上次，個肚入面仲有d內臟係到。

🤮佢d野食應該真係洗得好求其....杯凍檸茶味道仲怪怪地，有d好似洗潔精咁既味，唔知係檸檬壞左，定係隻杯洗唔乾淨😐

一個人夜晚食野可以簡單D 行行下就揀左呢間，其實太子附近都有好多茶記，不過連鎖既都好多，可以試下小店，呢間講價錢一個晚餐係抵食既。

黑椒牛扒腸旦(蛋)意粉，39蚊一個晚餐，凍飲加2蚊 凍檸檬茶， 有湯， 係抵既。

黑椒汁沒有問題，味道可以。

牛扒一塊不過口感係可以既 ，會薄少少既牛扒。

腸仔就普通既一條腸。

凍檸檬茶，味道沒問題，出面都係呢隻味。

旦都沒問題，係比較細塊不過呢個價已經超抵。

湯，粟米紅蘿蔔湯，唔知味精係比較少既。

意粉口感就滑滑地，好唔好味視乎個人喜好啦服務就係幾個阿姐，態度就一般般啦，可以既 小菜價錢就普遍係58蚊至60蚊， 所以都算平呀。

總結晚餐速食絕對可以。

茶記質素，超抵價錢。

今朝去食了個早餐，鮑魚火腿通粉配雞翼，炒蛋及牛油厚多士，通粉份量頗多，不會太腍，炒蛋一般，蛋香不足及不夠滑，雞翼炸得太乾，厚多士烘得夠脆，整體味道不過不失，$28都算抵食。

泰哥餐廳餐單提供港式, 茶餐廳, 冰室等推介美食位於太子區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 23966218 查詢。

您對於太子餐廳「泰哥餐廳」有何 comment？

泰哥餐廳餐廳詳細資料：

• 泰哥餐廳地址:
  太子大南街61號地下
  泰哥餐廳, G/ F.,61 Tai Nam Street, Prince Edward
• 泰哥餐廳電話: 23966218
• 泰哥餐廳價錢: $50以下
• 分類: 港式, 茶餐廳, 冰室
• 座位: 未知
• 付款: AlipayHK,支付寶,現金
• FB專頁: 泰哥餐廳 Facebook

更多泰哥餐廳相關資料:

• 泰哥餐廳分店
• Youtube
• Facebook
• Twitter
• Google