味中味餐廳 太子

味中味餐廳 評價 相片

同事大力推介的親民茶餐廳，佢話煲仔飯好正，佢哋兩公婆多數叫蒜蓉半邊蝦！不過正值六點後冇堂食令，唯有叫外賣，去到門口見到好多街坊等外賣，傳單上面介紹每日都有抵食晚餐都係30幾蚊，我就最喜歡味中味金銀蛋莧菜及炒粉麵，仲有大大碗例湯，次次食完都唔會口渴，不妨試吓！

味中味茶餐廳，好多年前在食蒲團視頻睇過介紹，話佢地啲小菜小炒大件夾抵食。

相隔好多年嘅今日，我終於黎到幫襯下次有機會同埋啲老友黎試下佢啲小炒今日中午黎到，一條友，叫左碟乾炒牛河$42好大碟，碟底冇好多油，河粉煎過，比較甘香，啲牛大大塊薄片，唔會厚，因為牛肉厚就好難咬唔會有多餘配料，係得蔥同芽菜碗湯都好清甜，舊豬骨好正杯凍茶唔太甜喎加$7

位置在荔枝角道(深水埗段) 入夜後人流較少, 唔近地鐵站, 附近競爭對手係相當強的小菜皇及經營咗幾十年嘅大排檔, 其實係幾難纏嘅對手, 但估佢唔到, 無什麼漂亮門面, 座位雖則有點窄, 菜式只係一張紙睇晒, 有些甚至賣晒就無, 10 Oct 星期四的晚上, 居然可以坐至滿座, 熱鬧非常, 在這紛亂嘅局面下仍然有生意可見佢受街坊愛戴, 小菜份量係正宗的4 人份, 味道當然係以濃味為主線, 呢晚一行4人, 每人只係$86 有部份菜式同晚餐的一樣所以加兩蚊已經有熱飲, 菜式有肉片炒小白菜, 碌鵝, 黑椒薯角炒牛柳肉, 東江豆腐煲, 蒜茸蒸開邊蝦, 唔能夠講每一味都係頂級廚藝下的產物不過每一味都熱呼呼的由廚房傳出來, 感受到那種全力己赴的誠意, 比較有水準的算是"碌鵝" , 現在已經無乜小菜館做, 因為頗花時間去做, 這裡去咗麵豉醬去"碌", 肉質沒有太咸或者太老身, 而座中亦有不少單身漢來這裡叫個晚餐睇電視劇送飯, 在這店實在能夠體會最基層生活的一群, 佢地沒有太崇高理想, 上網可能也只限於睇下電視劇, 每日勞累工作後來這裡放鬆一餐已經係過咗愉快的一日, 後尾過咗兩星期後再去23 Oct. 星期三去客人無咁多,只係兩個人去只叫咗星米同栗米班塊, 不過不失啦! 食得幾飽下,每人只係$46, 呢個晚飯無敵價啦～ 後記: 第一次來最搞笑嘅係張手寫單居然係已經結業嘅"三洋餐廳"枱頭嘅紙仔, 第二次來才是"味中味餐廳"    

人多gathering唔知食乜好嗰陣，通常都係嚟呢度炒幾道小菜，夠曬平靚正😁乳鴿皮脆多汁，熱辣辣又嫩滑，正龍蝦肉質彈牙，每啖伊麵都充滿芝士汁，咁大碟都幾抵食嫩滑有嚼勁嘅鮑魚白飯殺手—豉椒炒蜆，次次食炒小菜都會點嘅惹味之選！必點！！炸蠔內鮮外脆，完全唔會炸得過熟，好好食粉絲蒸扇貝扇貝彈牙，粉絲入味軟身白灼蝦，簡單點啲辣椒豉油已經食到我哋lam lam脷整體嚟講，呢間茶記嘅食物係物超所值，絕對有回頭！

以前讀U已經成日同啲同學嚟食飯，味中味絕對係平靚正嘅學生哥恩物！！最近一班舊同學約食飯，味中味就梗係呢個飯局嘅不二之選八爪魚刺身先嚟個頭盤~你冇睇錯，茶餐廳都有冷盤食呢個係熟客仔嘅隱藏餐單，要book檯嗰陣預訂先有。

大大碟八爪魚刺生，爽口有彈性，點埋芥茉豉油，好味到每次嚟都要order白灼蝦白灼嘅做法保留咗蝦嘅鮮、甜、嫩，簡簡單單，夠曬原汁原味！豉椒炒蜆夠曬鑊氣，醬汁香濃惹味沙拉骨酸甜醒胃，送飯一流～蒜蓉粉絲蒸扇貝今次嘅豉油唔係好夠，但蒜蓉好入味，而且扇貝本身都好鮮好好食。

薑蔥炒蟹好香口，啖啖蟹肉，食到我哋舐曬手指鹹魚煎肉餅食到呢度其實已經幾飽，但呢個肉餅真係會令人忍唔住食完一塊又一塊肉質鬆化，鹹香美味，又一白飯殺手。

炸生蠔好好食！炸漿係恰到好處嘅薄，啲蠔大隻又新鮮，仲炸得非常好！完全唔會過老，一啖咬落去，外層酥化、內裡肥美多汁！蒸魚最後以一條滑滑蒸魚作結，呢餐真係由頭好食到落尾！

味中味餐廳餐單提供港式, 茶餐廳, 冰室等推介美食位於太子區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 23951882 查詢。

您對於太子餐廳「味中味餐廳」有何 comment？

味中味餐廳餐廳詳細資料：

• 味中味餐廳地址:
  太子荔枝角道173號地下
  味中味餐廳, G/ F,173 Lai Chi Kok Road, Prince Edward
• 味中味餐廳電話: 23951882
• 味中味餐廳價錢: $51-100
• 分類: 港式, 茶餐廳, 冰室
• 座位: 未知
• 付款: AlipayHK,支付寶,現金
• FB專頁: 味中味餐廳 Facebook

更多味中味餐廳相關資料:

• 味中味餐廳分店
• Youtube
• Facebook
• Twitter
• Google