一線之緣 太子

一線之緣 評價 相片

好耐之前喺旺角見到呢間米線鋪誤打誤撞之下入咗去 果然有驚喜 米線真係世界上最偉大嘅發明 我好鍾意食米線所以去到每個地方都會試嗰度嘅米線店 今日經過油尖旺嘅呢間一線之緣 都係主打食米線同泡飯嘅 牛頸脊米線 牛頸脊好林好有牛肉味 而且有咬口 加上米線 好滑溜而且軟硬適中 好似滑入喉嚨咁 個湯有淡淡嘅牛肉味 都幾高質另外仲叫咗個手打秘製牛筋丸 牛筋丸真係超驚喜 我仲以為係街市貨色 原來喺呢度每日新鮮製造 一咬落去超彈牙 而且啲肉汁爆出嚟 好正

香港人興食米線似乎已經興咗好多年，有啲悶... 近年發現佢哋改頭換面，推出啲豪華版米線，又興過... 今日朋友帶我嚟試”新嘢”... 登登登櫈... 就係... 彘家濃湯安格斯牛頸脊 米線... 🤗名都唔識讀，點叫好呢？！🤔問吓職員先，原來係想表達，自家製鮮肉湯咁意思...個湯頭鮮甜，牛頸脊鮮肉嫩滑～除咗米線，呢度仲加入新派小食，麻辣豬耳，入味又乾身，別有一番風味～🤤芥末沙拉豬扒，熱辣辣，外脆內軟～😋近期大熱嘅汽水倒插特飲，佢呢度都有，龍鳳7up，我至愛～🤗食米線都變咗潮物～😍

平時好鍾意食米線嘅我，梗係唔少得過嚟呢間幫襯啦，我都係因為啲同事住開呢頭話俾我知呢間唔錯，所以我過咗嚟幫襯！佢啲米線真係好大碗，如果女仔黎食嘅話，可能你會食唔晒！至少我係先啦！我就叫咗好多餸有肉丸、肉燥、魚腐、雞柳⋯其實餐牌仲有好多餸可以叫，比起我出邊食開嘅米線舖頭來講，算係種類選擇較多嘅一間！每一樣餸我都覺得好好食，尤其是係啲肉燥，我覺得份量少左啲啲，可能我覺得太好食啦，所以覺得食極都唔夠滷水雞翼＄12就有四隻，超級抵！出邊都唔止呢個價！最重要係有平又好食呀嘛！

一心黎食桶蠔泡飯，但夜晚8點黎到已經賣哂😭好彩都有碗期間限定，蟹黃醬撈米線佢應該係直接用，前排好hit的蟹黃醬罐頭，而佢再加少少蟹柳，佢真係其實醬料都無但個蟹黃醬真係名不虛傳，蟹味好甜，乜都唔需要加就已經好好食，而且加多幾蚊，有半份必點的芥末沙律醬豬扒

油尖旺食肆多就係人都知 所以成日嚟呢邊搵食 今日就食呢間專食米線同湯飯嘅舖頭 一線之緣 鋪頭裝修得好靚 用咗好多木去裝修 最特別係頭頂既吊燈 好有層次感 牆身掛咗好多彩繪嘅陶瓷碟 色彩繽紛 男朋友叫咗安格斯牛頸脊米線 牛頸脊份量都幾多 而且好軟熟 重牛味 米線軟硬適中 仲有啲雜菌同埋娃娃菜 都幾豐富我就叫咗勝瓜牛柳粒泡飯 個湯好有驚喜 好有勝瓜嘅鮮甜味 同米線個湯底完全唔同 牛柳粒雖然細細粒 但係好有咬口 一咬落去就成口充滿油脂 個飯好大兜 而且飯粒煮得偏硬 唔會咁易索曬湯 變到好似粥仔咁 小食就叫咗鹵水牛展 牛展好入味 不過汁偏咸 底下仲有花生好香 仲有呢度自家製嘅手打牛筋丸 牛筋丸有七至八粒 粒粒好似乒乓波咁大 咬落去充滿肉汁 而且好有咬口 牛肉味亦都好濃郁 好足料 同一般凍肉舖嘅牛筋丸完全係兩回事 呢個十分之推介 必食 叫咗個鹹檸樂 咸檸七就飲得多 配可樂就唔係度度有 仲加埋反轉咗嘅汽水樽玩味十足 呢度嘅價錢好平民化 而且食物質素高 下次經過都會再嚟食

一線之緣餐單提供港式, 粉麵, 米線等推介美食位於太子區，餐廳座位數未知人均消費約$51-100，結賬可以用現金，Booking訂位可以電話致電 23280886 查詢。

您對於太子餐廳「一線之緣」有何 comment？

一線之緣餐廳詳細資料：

• 一線之緣地址:
  太子西洋菜南街206號地下
  一線之緣, G/ F,206 Sai Yeung Choi Street South, Prince Edward
• 一線之緣電話: 23280886
• 一線之緣價錢: $51-100
• 分類: 港式, 粉麵, 米線
• 座位: 未知
• 付款: 現金
• FB專頁: 一線之緣 Facebook

更多一線之緣相關資料:

• 一線之緣分店
• Youtube
• Facebook
• Twitter
• Google