Cafe 36 太子

Cafe 36 評價 相片

今午一個人去左深水埗電腦商場行吓睇吓野‧‧睇完便途步去金魚街方向睇吓魚仔，行到冇耐見到36餐廳，諗起有次同家姐姐夫路經店外，見到門外的餐牌價錢好似幾吸引‧‧便留下了一點印象，今次咁啱經過而又未食野，便決定入去試吓‧‧我叫了個下午茶餐：軟豬骨河粉(細)+凍奶茶‧‧軟豬骨河粉 ： 碗內大約有5至6舊軟豬骨，咬落唔會un‧‧都有點肉味，雖然唔係好好食果 隻，但都不過不失，而河粉煮得啱啱好，唔會太淋 ，反而個湯底就淡左小小 。

凍奶茶 ：用上不锈鋼杯，令奶茶冰涼感覺不會流失得太快，而奶茶茶味亦調配得不錯，飲落尚算滿意。

今日訓醒個晏覺已經差不多8點鍾, 咁只好唸下個晚餐係邊度食啦! 因為復活節假實在太夜訓同埋食左太多熱氣野再加上好多日都冇番屋企食飯, 所以熱氣野同埋樓下兩間好好味既快餐店都唔想食. 咁只好上尼 openrice.com 睇下屋企附近仲有 D 咩好野食未食過. 睇下睇下搵下搵下就搵到 E 間CAFÉ 36, 好似話中餐 OK 好味, 仲要好鬼死近(過兩條馬路就到). 就係咁我地就換件衫落去試下係咪好野尼先!!一去到就覺得 E 間野好心就唔好叫 CAFÉ 啦, 因為 D 裝修真係………….., 其實佢加番個假天花, 抹乾淨 D WINDOWS同埋 D 桌椅唔好咁茶餐廳就好好多. 不過唔緊要啦我地尼醫肚姐, 其他野都係唔好埋住. 見大家話佢 D 中餐 OK 咁我地就 ORDER 個2號晚餐涼瓜斑腩跟中湯(紅蘿蔔煲木瓜)同埋熱檸茶; 麻辣金錢肚米線(小辣)跟熱豆漿. 我地睇左一陣間電視傾左陣計 D 野就好快已經拎到尼. 首先係個湯先 – 個湯清甜冇味精. (一豌合格既例湯)跟住到個米線 – 唔知係咪有金錢肚係度, 所以個湯 D 味比佢搶晒; 不過小辣真係唔夠辣(可能食得太多嘖火米線之故), 但係有麻辣既香味; 而 D 米線本身都 OK 唔算太淋 (不過硬番 D 會仲好小小); D 金錢肚就好香好好味夠晒淋剛剛好. 之後到個涼瓜斑腩 – 雖然係 SET DINNER, 但係D涼瓜一D都唔淋好爽(真係有D出其). 雖然佢加埋D豉椒一齊炒, 但係一D冇搶走到涼瓜本身既清新之如仲要幾入味; 而D斑腩就OK啦冇骨之如又幾入味同埋冇霉得得, 再加埋份量十足(你仲想點?); 但係個飯就硬左D啦. Overall 尼講D野OK好味之如仲有D家時常菜既感覺. 真係開心比我搵到間好味又交足功課既餐廳係屋企附近.

三十六餐廳是三十六酒店附屬的食肆，它瑟縮在太子旺區彌敦道的後面，界限街及砵蘭街的交界，算是旺中帶靜，不過就因為隔了一條街，知道的人不多！但它沒有太子區其他食肆的嘈雜，所以好感頓生；而且它畢竟是酒店級的餐廳，所以食物的水準都穩定。

二人晚餐有一湯兩餸可以選擇，雞茸粟米羹、無骨海南雞和卥水薰蹄便是我們這一餐晚飯的主角。

食物大致上恰到好處，尤其那道卥水薰蹄，炆的火候十足，很易入口，亦很入味，卥水汁居然弄得不錯，雖然這裡不是卥水專門店，實在有點意外！海南雞是去了骨的，現今香港人的要求真的愈來愈高，海南雞要去了骨才可迎合顧客，生意難做哩！餐後額外加錢要了咖啡或茶，兩樣都同樣調得剛好，而事實上很多餐廳或快餐店的咖啡或茶都不合格，此處不錯啊！加上，服務員的態度良好，亦不收加一小費，實在要多吃幾餐了！

前幾天去了太子…就晃到了cafe 36,便進去試試了是日order了：XO鮮牛肉撈日式拉麵味道一般啦，XO醬都係得辣味，冇我想要果種甜辣啦…同埋d麵都係冇乜味既牛肉幾\"林\"，不過我都落左豉油落去撈因為都係冇乜味=0=不過waiter雖然好忙但係都算有禮貌可惜叫呢個麵冇野飲

4個人坐6個人既卡位好舒服=]叫左豬排飽　炒貴　海南雞湯河　同埋日式吉列豬排蛋拉麵試左1啖豬排飽　d豬排幾稔炒貴幾好味　有咖哩味既香味而唔辣拉麵冇試到海南雞湯河　好多油但d雞幾滑同幾有雞味餐飲熱西洋菜蜜　好甜><　

Cafe 36餐單提供西式等推介美食位於太子區，餐廳座位數未知人均消費約$51-100，結賬可以用現金。

您對於太子餐廳「Cafe 36」有何 comment？

Cafe 36餐廳詳細資料：

• Cafe 36地址:
  太子界限街36號地下
  Cafe 36, 36 Boundary Street, Prince Edward
• Cafe 36電話:  
• Cafe 36價錢: $51-100
• 分類: 西式
• 座位: 未知
• 付款: 現金
• FB專頁: Cafe 36 Facebook

更多Cafe 36相關資料:

• Cafe 36分店
• Youtube
• Facebook
• Twitter
• Google