百芳池上便當 太古

百芳池上便當 評價 相片

今日黎到誠品行行下發現有這間台灣小店😍小店坐位都算闊落，不過食客以外賣為主，牆上都有唔少可愛嘅壁畫。

睇下餐牌，有唔少台式地道嘅餐點🥰仲有大熱嘅芋圓飲品❤️我地今次揀左堂食，收銀位置先測體溫，亦有搓手液提供👍🏻👍🏻☺️點完餐後就會有個到餐提示器，當閃閃下就可以取餐了😋我地點左2個餐加一個小食😌滷雞扒肉燥乾拌麵+黑糖珍珠鮮奶+炸花枝丸我地先將滿滿嘅肉燥拌到麵中，食落好香。

平時我都係食湯麵多d ，今次食拌麵比想象中好味🥰仲有滷蛋😍 滷雞扒我地用🔪切好，食落滷水味香香濃濃😋😋仲要好大塊🤤炸花枝丸係我平時食台灣野必點嘅小食，外面脆脆，入面軟綿綿😍仲有花枝好彈牙。

黑糖珍珠鮮奶，黑糖掛杯好靚打卡一流，入面嘅鮮奶同黑糖拌勻後飲落有淡淡嘅黑糖味，唔會太甜。

珍珠好Q🤩香酥炸雞腿便當+芋頭鮮奶小芋圓炸雞腿好大隻😋😋食落咸咸香香🥰外皮好脆，唔會好油同乾👍🏻👍🏻便當有粟米，炒粉絲，津白，同菜甫，仲有滷蛋。

配菜好入味，同超多疏菜，配飯一齊食，好夾😆芋頭鮮奶小芋圓，色澤好靚，有唔同顏色嘅小芋圓，好靚，飲落真係淡淡芋泥味，唔係人造嘅芋頭味🤤，芋圓控必點😋飲完已經覺得自己食完一個小甜品🥳好正❤️

位於誠品嘅台式便當，係開放式嘅餐廳隔離係其他嘅飲品店同埋書店，所以都幾易揾~喺呢個疫情之下，剩返一半嘅座位，所以都幾多人買外賣！呢度嘢食嘅種類有牛肉麵，肉操乾拌麵系列，百芳台式便當系列，小食方面仲有拼盤，鹽酥雞等，我見啲人會特登當小食咁外賣🤣台式便當系列有三種精選嘅配料加一隻滷水蛋~仲配埋嘢飲添🥤睇吓個滷水雞扒大到可以覆蓋成個便當! 配料有粉絲，雜菜，粟米，撈埋一齊好好食😋尤其啲粉絲吸晒甜甜地嘅滷水汁😚💛另外叫咗紅燒牛丸牛筋麵，以呢間係小店來講，佢個牛肉湯底真係出乎意料咁好味！好濃郁而且啲有啲雪菜、芫荽、蔥等嘅配料。

而且啲牛筋係我好鍾意嘅淋度~牛丸好多汁🥺入面仲係肉色，同其他店嘅完全唔同呀! 因為係紅燒嘅關係所以見到湯底有啲辣椒粒，係微微嘅香辣😚麵條嘅闊度啱啱好可以吸哂啲汁😁仲有炸嘅花枝丸，本身已經好彈牙，仲食到類似孜然粉嘅調味料~嘢飲方面我叫咗凍嘅黑糖冬瓜檸檬，黑糖味重而且有種獨特嘅味道， 幾特別🤔另外呢杯不得了，我喺門口嘅海報已經見到係推薦！好明顯見到分咗鮮奶芋泥同埋芋圓三層，芋泥唔係話好重味， 但亦都唔會比啲奶蓋過咗，甜度適中，芋圓都幾彈牙😋

曾經到過台東, 當地聞名的池上香米, 出產於肥沃泥壤, 甘純水源, 天然純淨, 化作咀裡的甘甜滋味.得知香港開了這間池上便當, 用左台東的池上香米, 當然要來一試.剛好新開在公司附近的誠品內, 十分方便.店以開放自助式安排, 自己點餐及取餐.環境新淨舒適.台灣滷雞扒便當 $63便當套餐已配配菜三款, 滷水蛋半隻, 飲品. 雞扒相當厚身, 滷汁幽香入味, 濃而不咸, 肉質軟嫩, 配菜有粉絲, 椰菜, 粟米, 添加豐富的纖維, 味道亦剛好不會太咸.滷蛋香口蛋味香濃.而便當本身的主角, 米飯是來自台灣台東地道的池上米, 怪不得飯質軟硬適中, 飯味香濃.有絲絲飯香綿綿甜味.是個人十分喜愛.熱阿薩母紅茶: 配送的紅茶是台灣著名的阿薩母茶, 茶味剛好, 不會太濃, 沒添加甜味, 配搭剛好解膩. 紅燒牛肉麵$66朋友的紅燒牛肉麵, 來到已聞到牛肉湯香味.主角用了牛鍵部分, 牛肉味特別濃郁, 有咬口而不韌.牛肉份量亦很多.很喜歡台灣的麵, 清爽不黏, 配埋牛肉湯汁, 十分香口入味.配菜亦有蘿白, 滷蛋.茉香綠茶: 朋友的綠茶, 沒添加甜味, 都很清香. 另外搭配了兩款小食, 皮蛋豆腐 $20用左凍豆腐, 豆腐軟滑, 加上特製的醬油膏, 超級美味台式美食特色, 皮蛋加埋豆腐同吃, 味道非常夾. 台灣夜市香腸 $25在台灣其中最喜歡吃的小吃, 烤香腸好香, 亦不會太咸, 吃過後特別懷念台灣夜市美食.先來這裡止下癮吧.食物有水準, 食出台式原味道, 而且性價比高, 便當係我個人推介, 喜歡台式便當一定要一試.

喺「誠品生活」買完書，打算在附近吃頓晚飯才回家。

本來提議去上次試過嗰間咖啡店，不過行行下發現原來「誠品」入面開咗間「百芳池上便當」。

見櫃位旁邊放咗兩個餐牌，走近細看，原來除了台式便當外，店內還有紅燒湯麵、肉燥乾拌麵、台式夜市小吃和飲品等供應，而且價錢非常經濟，幾十蚊已經有交易，所以即時轉呔。

餐廳採自助形式，客人要先去櫃檯點餐、結帳，點完餐後收銀員會遞上一枚震動器，當取餐呼叫器閃爍震動，客人便可以回到取餐區領取食物。

我哋點咗個百芳滷雞翼便當 ($55)、一客肉燥乾拌麵、一份台式小食同兩杯飲品。

便當附有白飯、雪菜、粉絲、肉碎粟米、椰菜、紅蘿蔔絲和滷水蛋半隻，用料非常豐富。

雞翼大大隻、色澤深，皮滑肉嫩，滷水味夠濃夠香。

粉絲用醬油撈過，入口鹹鹹地，味道唔錯。

雪菜非常爽脆，入口帶點微辣，食完真係好開胃醒神。

墊底的米飯亦很有水準，夠熱之餘仲粒粒分明，配埋入味的滷蛋一齊食，夠曬惹味。

小食揀咗台灣古早味香腸 ($25)，香腸口味好正宗，腸皮煙韌有咬口，而且煎得非常香脆，咬下有肉汁同油脂，味道帶甜，如果可以配埋生蒜片就一流。

香酥豬扒肉燥乾拌麵 ($64)，豬扒唔算好厚身，不過都幾大件，而且上碟時已經切開一塊塊，方便客人享用；外皮酥酥脆脆，唔熱氣，而且食落肉質夠腍又有肉汁。

肉燥拌麵用闊口碗盛載，初頭還以為只得碗底薄薄一層，挾起原來麵量一啲都唔少，麵條軟硬適中，肉燥香濃惹味，入口不會過鹹，用來伴麵吃一流！便當同拌麵都附送一款飲品，飲品本來可以三選一，但是晚只有阿薩姆紅茶供應，不過客人亦可以補錢轉百芳台式飲品或其他正價飲品，可享正價減 $8 優惠。

點咗金桔檸檬 (+$12) 同黑糖珍珠鮮奶 (+$19)，金桔檸檬味道唔錯，入口酸酸甜甜，幾清涼解渴。

黑糖珍珠鮮奶飲落唔會太甜，珍珠大大粒，外軟內煙韌，入口富黑糖香。

餐廳人手唔多，所以食完後記得要將餐盤放返去回收架上。

今日去咗太古城中心接位舊同事收工食飯, 佢就帶我去位於太古城中心1樓誠品生活入面既食晚餐餐廳自助開放式搵位, 點餐, 取餐及收拾, 座位都算多而且闊落乾淨👍🏾皮蛋豆腐 ($20)甜甜咸咸醬汁配凍豆腐好開胃, 夏天時更是必點小食😋百芳豬扒便當 ($59)便當上大大塊既豬扒好好食🤤 外皮香脆, 內裏肉質鬆軟, 味道亦岩岩好, 便當既配菜非常豐富, 有粟米肉粒、惹味菜圃、粉絲、雜菜同半隻滷蛋, 配菜除咗滷蛋有點失色, 唔太入味, 其他都唔錯, 岩哂送飯食呀👍🏾紅燒牛丸牛筋麵 ($64)湯底味道微辣帶點牛香味, 但湯份量比較少, 習慣連湯食麵嘅朋友食咗幾啖碗麵已經變咗少少撈麵feel😂 牛丸有驚喜, 大粒又彈牙又多汁珍珠豆乳 ($11) 芋頭鮮奶 ($30)*價錢應該係跟餐加配價錢😅飲品還好啦, 點餐時忘了嗌少甜, 結果真係有d太甜, 雖然無乜特別大驚喜, 但值得一讚配料(珍珠及芋泥) 都好足, 飲極都有得食

百芳池上便當餐單提供台灣菜, 台式飲品, 粉麵, 米線等推介美食位於太古區，餐廳座位數未知人均消費約$51-100，結賬可以用AlipayHK,支付寶,現金,八達通，Booking訂位可以電話致電 34191161 查詢。

您對於太古餐廳「百芳池上便當」有何 comment？

百芳池上便當餐廳詳細資料：

• 百芳池上便當地址:
  太古太古城道18號太古城中心1樓誠品生活L111號舖
  Bai Fung Bento, Shop L111, Eslite Spectrum,1/ F, Cityplaza,18 Taikoo Shing Road, Tai Koo
• 百芳池上便當電話: 34191161
• 百芳池上便當價錢: $51-100
• 分類: 台灣菜, 台式飲品, 粉麵, 米線
• 座位: 未知
• 付款: AlipayHK,支付寶,現金,八達通
• FB專頁: 百芳池上便當 Facebook

更多百芳池上便當相關資料:

• 百芳池上便當分店
• Youtube
• Facebook
• Twitter
• Google