柒拾后 天水圍

柒拾后 評價 相片

估唔到我第一篇openrice嘅留言係因為太嬲而寫嘅差評。

剛剛第一次去惠顧，買晚餐外賣兩餸飯，見一張告示寫「先俾錢，再揀餸」，所以就走咗去收銀處諗住比錢先，然後職員（年輕妹妹）話要點餸先，咁我就行番去點餸嘅地方，搞到我徘徊咗陣，實際安排與張貼告示嘅指引不符🤷‍♀️之後，我企係個叫緊餸嘅女人隔離，佢離開後，另一邊有個男人行前叫餸。

我之前冇留意女人後面係咪有人排緊隊，依家見到當然要行去排番啦！點知就比個店鋪啊姐話我「戇居居」，「行黎行去，排十世都排唔到」 我一句聲都冇出，佢就惡言相向！對客人係咪咁嘅態度啊？！佢之後合上個飯盒，交俾隔離個妹妹叫佢幫我夾餸，自己就幫個男人夾先！一副完全唔想理會我嘅樣子🤷‍♀️依家諗番我竟然仲係佢度買餸就真係傻咗，俾錢買難受！如果唔係個店鋪啊妹笑容滿面，我真係會一走了之！呢間永久blacklist

因為，放工搭西鐵，好多時貪方便都會去立食街幫襯。

依間柒拾後，我都成日食。

但至從唔係戴眼鏡既男人企檔之後，野食差左，份量小左，孤寒咗。

果日我老公食粉仔要加辣菜甫要加錢，平時我自己食唔要菜甫又唔見你平番5蚊比我🤣最最最嬲係今日如常食粉仔加多個炸吞皮。

又唔問我落左菜甫，叫佢整過，又話沉左落底.....我心諗，咁關我咩事卒之，佢都有拎番入去整過。

D野齊哂，只係比左隻匙羹我，問佢可唔可以比對筷子食粉仔，阿姐竟然答我：食粉仔用匙羹得，我用疑惑既眼神望住佢，佢仲兇我話粉仔咁短，唔洗用筷子食..........隔多20秒，佢都好唔情願咁拎左對筷子比我。

嘩....真係多謝哂。

我嬲到同佢講：你收番埋，慳d啦永遠唔會再幫襯開得係街市，幫襯既都係附近住，咁小心眼，我又唔係要你比著數，食粉仔問你攞對筷子姐。

唔洗比你兇既

本人不是住在天盛苑，但係睇到電視介紹話天盛街市D小食都ok, 一心唸住去試吓，今次實在令我太失望，佢係40蚊 有5串，咁我就買咗生腸*2 串，墨魚，豬耳，雞腎各一串，點知佢打單已經冇打到串墨魚，跟住問收銀，佢話如果打埋落張單度，就要50蚊,点知返到屋企佢真係比漏串墨魚我，真係好嬲啦，其它D份量仲要好小，又唔好食，冇下次差差差差差差差差差差差差差差差差差差差差差差差差差差差差差差到不得之了。

點了碗魚肉湯，唸住食碗小食，點知變少食，量少到不得了，碗就一般size 的外賣碗，但魚肉極少，少到不得了，10粒都無，匙羹放落去係，湯，份量過份，味道又唔得，魚肉如麵粉，（淋）到不得了。

無下次囉

嗌左3樣野，腸粉，咖哩魚蛋，咖哩魷魚，佢幫我撈埋晒一齊，再落甜醬花生醬，芝麻落落d魷魚度，勁過分，打開個盒見到已經o曬咀，食左一啖想成盒掉左佢！以後唔會再幫襯。

柒拾后餐單提供港式, 外賣店, 小食店等推介美食位於天水圍區，餐廳座位數未知人均消費約$50以下，結賬可以用現金。

您對於天水圍餐廳「柒拾后」有何 comment？

柒拾后餐廳詳細資料：

• 柒拾后地址:
  天水圍天靖街3號天盛商場地下天盛街市CF11號舖
  Delicious 70's, Shop C F11, Tin Shing Market, Tin Shing Shopping Mall,3 Tin Ching Street, Tin Shui Wai
• 柒拾后電話:  
• 柒拾后價錢: $50以下
• 分類: 港式, 外賣店, 小食店
• 座位: 未知
• 付款: 現金
• FB專頁: 柒拾后 Facebook

更多柒拾后相關資料:

• 柒拾后分店
• Youtube
• Facebook
• Twitter
• Google