朝牛 天水圍

朝牛 評價 相片

一份西冷一份肉眼兩份都好多根，有超過一半既肉放入口咬左好耐都係咬唔開比左二三百蚊 食落肚既肉得幾舊張圖入面右上角隻碗就係食到一半既時候影靱到咬唔開總結我係唔會再食

同朋友約食飯，聽聞開咗無耐，就去試下。

餐牌幾得意，有飯有扒有小食，扒可以跟餐，幾抵$148（美國肉眼300g+跟餐有飯有沙有沙律）我覺得唔錯，有牛味，肉眼難免個邊有少少筋，整體食落係幾juicy 叫左5成熟，因為石板上，所以可以叫生少少（3成左右）上菜幾香，有蒜蓉汁、生蒜同wasabi可以點牛扒。

環境都唔錯，坐等舒服，唔會去到好逼，鋪面唔係好大。

因為最近疫情關係，用咗膠板分開一枱一枱。

整體來講，抵食，可以一試。

由農曆年到現在，每星期返工足六天(甚至七天~沒有 Home office)。

趁公眾假期，外甥女小雅邀請我們去試食物，當然賞臉去到這間餐館，我喜歡餐館的 "整潔"，"企理"。

先試小吃，金菇，山葵都好吸引，特別是它們的醬汁，內子吃得津津有味。

還有串燒和燒腩肉，在我而言，好有水準到午市的主菜，我們點上滑蛋鷄扒，吉列豬扒，還有半生熟的吉列牛扒 (額外奉上鐵板作處理)，這個我喜歡。

餐館的食材，員工的禮貌接待，我對這間餐館，有一個深刻的好印象。

未知內子幾時和我試試它的晚餐，我絕對期待呢！

今次第一次食呢間餐廳，食物質素好差！叫外賣送到過黎，時間算快，叫咗三個吉列牛午餐定食，加埋運費約HKD70一個餐，本來已經預咗外賣冇現場咁好食。

一打開個顏色已經唔對路，發黑嘅肉色，中間仲有啲紫，以前食過幾次第二間嘅吉列牛，熟咗嘅顏色完全唔係呢隻色，差好遠！之後鼓氣勇氣嘗試擺落口，食落去似壞咗既味道🤢，仲有啲膠膠地嘅味，而且硬到咬極都咬唔爛，陣味好怪，唔點汁係完全放唔落口，點咗都係勉強放落口！菜同湯我就唔評，全個餐味道最正常係個幾盒白飯。

我唔知係因為係外賣啲肉先係咁定點，但我一定唔會再食，未試過有咁差嘅體驗，差評！！

朝牛門面普通，但勝在香味吸引我！平時好多人要等位就唔想食，但今日無乜人，即刻入去食番餐牛先！餐廳雖少，坐位又唔多，大約得五、六張枱左右，但坐唔得好舒服，唔逼！個menu好特別，好似武林秘笈咁！有好多種選擇！我同我個friend分別揀咗一份日本安格斯牛扒200g及一份美國肉眼牛扒300g，加$10仲有份沙律🥗、味噌湯同一碗白飯！我哋仲order咗烈燒五花肉、山野秋葵同宮廷鵝肝做前菜。

烈燒五花肉好精緻，味道非常濃。

望落好似好油，但食落又唔油膩喎！越食越覺得好好食。

再嚟碟宮廷鵝肝，香口、惹味！山野秋葵配埋沙律醬食，好match，清新！跟餐嘅沙律🥗配柚子汁，好開胃呀！而白飯採用珍珠米，粒粒都好飽滿！原來佢哋將牛扒放喺燒熱咗嘅石板上面，好香！但由於安格斯牛扒油脂多，所以不斷彈油，等咗好耐啲油仍然不斷彈，我終於忍唔住啦，一邊忍受啲油繼續彈一邊食，真係好好食，牛扒唔靭，五至七成熟啱啱好，好Juicy！旁邊有碟醬汁、Wasabi同生蒜！將生蒜放喺石板煎一陣，再夾住一口牛扒，正！加杯香橙蜜桃沙冰，夠解渴，可惜沙冰打得唔夠滑，飲到最尾得返好大舊冰，溶唔哂！我偷食我個friend一舊美國肉眼牛扒,對比安格斯係有少少𡁻口，但都好有牛味，都唔錯！總括嚟講，呢間餐廳地方雖小，但真材實料！牛扒無雪味，仲要好厚身，咬落啖啖肉汁，以呢個價錢方面係相當抵食，都算高質素食材！呢間餐廳已經成為我貓大人最喜愛餐廳之一啦😻😻😻！（抽風系統再強啲就完美啦😸）

朝牛餐單提供日本菜, 扒房等推介美食位於天水圍區，餐廳座位數未知人均消費約$101-200，結賬可以用現金，Booking訂位可以電話致電 93358948 查詢。

您對於天水圍餐廳「朝牛」有何 comment？

朝牛餐廳詳細資料：

• 朝牛地址:
  天水圍天秀路8號天一商城1樓1023號舖
  Dynasty Beef, Shop1023,1/ F, One Sky Mall,8 Tin Sau Road, Tin Shui Wai
• 朝牛電話: 93358948
• 朝牛價錢: $101-200
• 分類: 日本菜, 扒房
• 座位: 未知
• 付款: 現金
• FB專頁: 朝牛 Facebook

更多朝牛相關資料:

• 朝牛分店
• Youtube
• Facebook
• Twitter
• Google