意樂餐廳 天水圍

意樂餐廳 評價 相片

好耐冇自己一個出街食飯喺銀座行左好耐諗緊今晚食乜好最後都係選擇食呢間以前食過一次，覺得食物都唔錯今次第二次嚟食餐牌嘅選擇種類繁多我都諗咗幾分鐘先決定食咩好最後決定食飯食～香草雞扒滑蛋蓋飯配熱朱古力叫熱飲嘅話熱飲就半價侍應好有禮貌做嘢好爽手好快幫我落order嘢食等左大概5至8分鐘就上台了！賣相同餐牌嘅係一模一樣，Perfect啊佢嘅滑蛋真係入口即溶，我連咬都唔使咬滑到不得了！名副其實嘅滑蛋，配埋啲好有咬口嘅珍珠米簡直係天作之合佢嘅王牌蒜蓉汁都好好味雖然食落感覺上並冇太濃郁嘅蒜蓉味，比較偏向淡味啲，但個醬汁依然係好香好特別嘅味道，同啲滑蛋飯撈埋一齊真係食到我食指大動而且佢嘅雞扒都煎得啱啱好好脆好香口，脆得來又唔會燶係我暫時食過嘅餐廳入邊最好味嘅雞扒而且佢嘅熱朱古力味道都超級濃郁飲落去就知，唔係是但溝出嚟嘅飲品我好鍾意朱古力，所以成杯飲晒成碟飯我幾乎全部食晒咁濟哈哈個雞扒都俾我吞晒好高質嘅餐，十分滿意

好開心終於食到海鮮墨魚汁意粉呀，之前黎嗰幾次都賣晒㗎！第一次食到佢，估唔到真係咁好食，好滿足！呢個意粉有蕃茄汁喺度再配埋墨魚汁，濃郁得來又好開胃！嗰意粉醬真係冇得頂🤤每一條面都掛住啲汁，好正！意粉覺得煮得啱啱好，唔會煮過頭，有咬口。

而且啲海鮮份量都幾足，唔係求其俾兩三嚿你嗰啲。

除咗意粉之外，佢哋其他嘅主食都唔錯！我地今次同上幾次一樣都叫咗蒜蓉汁豬扒滑蛋飯(之前個食評有相)，同樣都係咁好味！🤤好抵食呀！坐得又舒服！cp 值爆高！回頭率100呀！

食物質素正常， 只係職員態度差，餐牌上圖片或文字冇寫明有芝士，要求退換反被責怪自己沒有事前要求，堅持更換，餐廳亦顧客稀少，但等咗15分鐘以上都未有，想被人玩既值得一試😡食物質素正常， 只係職員態度差，餐牌上冇寫明有芝士先叫， 廚房多手落左， 唔肯換仲叫我食左佢， 想被人玩既值得一試ps.有圖但唔知點post 出來

得閒無事入天水圍，香港另一邊嘅邊邊，到夠鐘食飯時間，起天水圍較旺嘅+woo穩食，呢間望上去價錢幾抵嘅西餐，就入去啦。

入面裝修偏暗嘅感覺，格局似宜家普遍新開嘅冰室啊茶餐廳咁，用木，金屬同餐廳日常用具醬汁來組成餐廳嘅自己風格。

今次就試左三樣野，一個dinner set，一個意粉，同一杯特飲。

先來個帆立貝海鮮菌皇龍蝦汁意大利飯，個名就幾長嘅，哈哈，份量都有番咁上下，成個海鮮味道都唔錯，幾夾，不過如果個人就喜歡個口感可以再厚身D就perfect啦；跟住就上左Set湯，好濃嘅菌湯，品嚐到有雞髀菇，冬菇嘅味道幾足料；接落來就上比較特別嘅美國豬鞍斧頭扒跟牛肝菌汁配薯條，份量係夠大嘅，個人感覺塊扒可以燒得淋少少就配埋個汁更加正啦，薯條係偏脆嘅；最後就係跟餐特飲，跟餐有半價嘅利賓納者喱冰冰，者喱真係大大粒咖。

埋單都係200蚊左右，西餐來講我自己覺得就唔係太平又唔係貴嘅，平民西餐嘅Standard。

第一次幫襯意樂, 食到貨不對辦但又美味嘅焗飯,, 真搞笑!夜晚 9:00後,已過繁忙時間, 餐廳寬敞, 燈光昏暗, 寧靜舒暢, 意外發現有不少一家大細光顧。

菠蘿梳打特飲, 罐頭菠蘿粒打直砌碎, 相信加入了罐頭糖水及梳打水, 甜味足夠, 透心涼, 不錯。

帆立貝海鮮龍蝦汁焗珍珠飯, 好難相信係焗飯,頂多都係燴飯, 多水多汁, 廚房未免太....... 內有帆立貝,大青口,大蝦各1件,蜆4件, 調味不錯,醬汁濃淡適宜,用燴飯角度已經相當滿足。

意樂餐廳餐單提供港式, 西式, 快餐店等推介美食位於天水圍區，餐廳座位數未知人均消費約$51-100，結賬可以用現金，Booking訂位可以電話致電 24509100 查詢。

您對於天水圍餐廳「意樂餐廳」有何 comment？

意樂餐廳餐廳詳細資料：

• 意樂餐廳地址:
  天水圍天恩路12-18號置富嘉湖地下G77-78A號舖
  Cafe de Itamomo, Shop G77-78 A, G/ F, Fortune Kingswood,12-18 Tin Yan Road, Tin Shui Wai
• 意樂餐廳電話: 24509100
• 意樂餐廳價錢: $51-100
• 分類: 港式, 西式, 快餐店
• 座位: 未知
• 付款: 現金
• FB專頁: 意樂餐廳 Facebook

更多意樂餐廳相關資料:

• 意樂餐廳分店
• Youtube
• Facebook
• Twitter
• Google