冒菜麻辣燙 天水圍

冒菜麻辣燙 評價 相片

唔係第一次食，因為區內少麻辣燙呢種食物😂所以間唔中都會去食下唔記得影餐牌，但價錢大約係：丸：$4/粒，$10/3粒菜/菇/豆類：$6/份肉/特色食品：$15/份湯底：$6 麻辣湯/豬骨湯麵：$6 一餅/一盒罐裝(mainly汽水)：$6熱飲：$7凍飲：$8有啲大碟小食咁樣~*最低消費$30自己想食乜就拎乜其實都幾開心，不過就要計住計住幾多錢同埋唔好漏咗$6湯底。

如果唔係就可以揀佢pack好咗嘅$35餐加嘢飲/xx撈麵🤔我覺得一個麵係唔夠嘅(除非係我啲譚仔少米都食唔曬嘅朋友就飽)，兩個麵唔加嘢飲/一個麵加嘢飲就飽到行唔郁😂🤪米線好似係少啲，薯粉&菇麵係多啲，唔知係感覺定係reaction定點啦~🤪同埋雖然佢寫小、中、大辣，但其實可以嗌BB辣㗎🤣整體我覺得幾好味，特別係香菇麵勁正🤤百頁豆腐就硬硬地同唔算好索味木耳同油麥菜份量都ok同入味之前食過啲肉就覺得一般，唔係好新鮮，同質地普普通通個啲嚟丸就其實唔多抵，所以就唔建議喇~聞落好香、睇落好靚（不過薯粉嘅湯底就會暗色啲）服務態度好好，姨姨會煮完之後拎埋去你個位，好少出現拎錯情況。

環境唔錯，但夾嘢食嘅盤有時會有啲污糟，所以用之前要留意一下。

第一次黎食。

最近因為疫情關係，變左由自選點餐，變左寫字 仔黎點餐。

不過吾緊要都叫左個小辣既麻辣燙黎試下，味道吾錯，仲岩岩好，吾太小辣仲有個 紫菜響鈴，必食推荐!有機會再過黎

天水圍區內少見嘅川菜食品店鋪！主打既食品：麻辣燙，自選配料，由顧客自行選擇。

極級推薦：香菇面👍👍（必食）用餐方式：可供堂食 或 外賣自取。

輪候時間：平時約510分鐘；留意！午市比較繁忙，輪候時間可能會比較長。

食物方面：麻辣湯底（小辣），雖然話小辣，但係辣味已經十分之強勁！！！有唔同嘅辣到俾你選擇，鍾意食辣嘅朋友一定要試吓。

👍👍配料：我選擇左既包括有：香菇面，海帶，木耳，肥牛，蓮藕，豆粕。

呢幾樣野配上麻辣嘅湯底簡直係一絕推薦程度👍👍👍👍價錢唔貴，人均消費：40100蚊左右。

總括而言，價廉物美，平民美食

見到呢間開咗已經好想去試吓，因為我見到有嗰個千層豆腐。

首先，佢嘅選材真係好似喺深圳食過嗰啲麻辣燙嘅選擇同埋分布。

但係喺香港來講，佢的確係少選擇。

媽媽食咗豬骨味，我就食麻辣燙味。

兩個湯底我都好滿意。

選擇咗食香菇面，其實同平版嘅公仔麵係差唔多，唯獨是我最期待嘅千層豆腐佢煮得唔夠淋，食嘅時候仲係好硬！價錢方面，大部份都係$6一份，我自己就覺得有少少貴，但係當你叫完晒之後其實都係$450同出街食一碗麵可能得兩個餸冇咩分別。

所以價錢來講都算係咁侍應都好好人，都係講廣東話不是太準確的，所以整體來講相當似返咗去大陸食咁我同媽媽都覺得可以再試呀。

餐廳舖位唔大, 不過客人基本上食完都唔會坐太耐所以都唔洗點等位👍🏿 餐廳既裝修主要用紅色為主所以第一眼見到都會覺得佢既食物係辣, 完全符合左餐廳既主題🌶 食物方面就要客人先去凍櫃度拎曬自己想食既配料, 麵同埋飲品, 之後再去cashier 俾錢💸 俾完錢店員就會俾個牌你, 之後返埋位等食就得嫁喇😏其實佢食物既配料選擇都算多, 價錢分別有幾大類✔️ 丸類$4/粒, 蔬菜類$6/小紮, 菇類及豆品類$6/份, 特色類$15/份, 粉麵類$6, 湯底$6, 飲品(跟任何食品)+$8我揀左墨魚丸, 花枝丸, 麻吉燒, 娃娃菜, 海帶, 豚肉(2塊), 台灣腸(2條), 薯粉, 天地一號, 麻辣湯(小辣) 合共$74💰湯既辣度對於我黎講啱啱好, 少少辣得黎又帶點麻, 好惹味, 係配料當中我覺得台灣腸係最抵食, 因為係兩條完整既台灣腸, 薯粉要係埋單果時同佢講煮”淋” D, 如果唔係就會太韌食唔到😣 總括黎講都幾好食, 不過價錢就略貴, 想試麻辣燙既朋友不錯一試

冒菜麻辣燙餐單提供川菜, 四川等推介美食位於天水圍區，餐廳座位數未知人均消費約$50以下，結賬可以用現金,八達通。

您對於天水圍餐廳「冒菜麻辣燙」有何 comment？

冒菜麻辣燙餐廳詳細資料：

• 冒菜麻辣燙地址:
  天水圍天喜街9號天慈商場地下7號舖
  冒菜麻辣燙, Shop7, G/ F, Tin Tsz Shopping Centre,9 Tin Hei Street, Tin Shui Wai
• 冒菜麻辣燙電話:  
• 冒菜麻辣燙價錢: $50以下
• 分類: 川菜, 四川
• 座位: 未知
• 付款: 現金,八達通
• FB專頁: 冒菜麻辣燙 Facebook

更多冒菜麻辣燙相關資料:

• 冒菜麻辣燙分店
• Youtube
• Facebook
• Twitter
• Google