住家菜 天水圍

住家菜 評價 相片

這家在屋邨商場內的小店也開了一段長時間了, 每逢到吃飯時間, 他總會排起長隊, 亦是因為他的出現, 在他旁邊也開了一家相同種類的食店, 希望能分一杯羹, 但兩者還是有差別, 我個人傾向這家多一點! 這家我也有原來的35元兩餸飯吃到現在37元的兩餸飯, 深感通漲的痛苦, 但這家還是能的保持水準, 份量仍然給得很足夠! 我甚至覺得這裡的一餸飯比很多食店的正常飯也多, 在這個時候能有便宜又好吃份量又多的食店也算很良心了!我這次選了生炒骨, 咖哩雞和茄汁豬扒, 其中推薦生炒骨, 因為他就算拿回家還能保持一定脆度, 這很難得, 其他菜的味道也不錯!

呢一間係主打外賣飯盒或餸菜嘅食店，以健康為主，同啲名一樣，主要係住家菜。

用餐方式：只供外賣自取。

輪候時間：平時約510分鐘；晚市嘅時候，人會較多需要排隊而且需時更加耐！食品方面：單餸（$35）/雙餸飯（$40）：每日都會提供多款唔同嘅菜式，包括西檸雞、咕嚕肉、黑椒牛柳、西蘭花炒牛肉等等，顧客可以隨意配搭自己想要嘅菜式，相對較容易控制飲食嘅取向，例如多肉少菜或多菜少肉等等。

而質素亦都唔錯，味道良好，識落明顯係用較少嘅調味料，相對會較健康！價錢唔貴，人均消費：3560蚊左右。

總括而言，唔錯嘅食店，有時唔想自己煮飯，又可以食到住家菜，的確係一個唔錯嘅選擇。

🍚兩餸飯($35)🔻推薦指數:🌕🌕🌕🌑🌑甜度:鹹味🌑🌑🌑🌑🌑質地:多汁! 多餸!🔺今日諗唔到食乜好，久違的兩餸住家飯，今次係我第二次食，都係無咕嚕肉🤣不過都有78款揀~實有一款啱你口味，今次揀左黑椒牛肉餅同咖哩薯仔雞！其實我係瘋狂汁撈飯控，多到好似湯飯咁就好開心😃因爲都多人排隊！我同個姨姨講要「多汁」佢勁好態度😯因爲好多個d外賣 茶記 都厭你煩“汁係咁多就咁多，仲多乜汁，有就有無就無，唔休做咁🤯” 依到係好好地仲話驚我多汁個裝餸位會漏出泥，直接幫我抔係飯上面好無！(看圖薯仔雞個邊係爆料得好澎湃🤤)然後佢勁好咁話牛肉餅要不要都多汁？我見其他人叫都只係用夾 夾幾塊牛肉餅，係我個份 仲係後面拎左兜嘢 額外倒左d黑椒汁🤩👍雖然影得有點醜，但還是想介紹一下，牛肉餅一食入口有被驚艷😍係豉椒炒河陣黑椒味！平時個d汁勾芡到好似鼻涕，依到個汁稠度剛好，黑椒辛味十分惹香~牛肉餅係好似酒樓牛肉球但juicy版，配埋洋蔥 爽脆更好吃😋然後咖哩薯仔雞個咖哩汁都好好食，唔係日式個種甜甜地，中式的味道，少少辣😚薯仔大舊外淋中間少少爽身，好有口感，不會太淋一pat，又入味，雞肉都不會柴，而且啖啖肉，米飯就正正常常，不是什麼珍珠米🤣但夠熱，住家飯泥講性價比不錯，希望下次食到咕嚕肉。

唯一唔好嘅地方只係嫌佢油太多（真係唯一架咋），炒嘅菜都好香，好似食緊屋企煮嘅，仲可以免費多飯，學生中午有送嘢飲，都幾豐富，某啲餸會間中轉吓，建議要平啲食就:兩個人分$33雙餸飯多飯，除開只係$16.5一個人;3個人叫三餸飯$51多飯，除開都係$17一個人，就算比較大食嘅都可以咁做，同埋啲餸都俾得好多，店員態度十分良好值得讚，排隊亦唔洗好耐，因為入面雖然細但佢地啲動作好快手，中午會尤其多人，但都只係最多要等5分鐘就有得拎走，好方便！

天水圍冇咩兩送飯食，知道呢度有一間，所以馬上試試。

送既選擇唔算多，有68 款左右，肉多，唔係有太多送吸引到我，所以淨係叫左個淨送，$48 洋蔥蕃茄豬扒，份量唔算少，一盒有56 塊左右，敗筆是汁就太少了，送唔到飯，我見佢其他送都冇咩汁，好似好難送飯甘，味道都ok, 建議可以再酸啲，冇咩雪味，但價錢方面有啲貴，如果賣$4045就抵啲，所以下次未必再淨送。

題外話，點解openrice 一定要200字以上先可評分，甘樣咪只會令到更多打手打成篇論文甘，變到好似公式化甘，真正用者係有碗話碗，有碟話碟，洗咩要人地打到天花龍鳳甘...... 好快呢度變成打手app。

住家菜餐單提供港式, 中菜館等推介美食位於天水圍區，餐廳座位數未知人均消費約$50以下，結賬可以用現金，Booking訂位可以電話致電 51107228 查詢。

您對於天水圍餐廳「住家菜」有何 comment？

住家菜餐廳詳細資料：

• 住家菜地址:
  天水圍天湖路1號嘉湖新北江商場地下60-61號舖
  Home Taste, Shop60-61, G/ F, Kingswood Richly Plaza,1 Tin Wu Road, Tin Shui Wai
• 住家菜電話: 51107228
• 住家菜價錢: $50以下
• 分類: 港式, 中菜館
• 座位: 未知
• 付款: 現金
• FB專頁: 住家菜 Facebook

更多住家菜相關資料:

• 住家菜分店
• Youtube
• Facebook
• Twitter
• Google