皇庭匯 大角咀

皇庭匯 評價 相片

成個場冷氣唔夠！好似焗桑拿咁！你想減肥喺一個好選擇！不知所謂！不知所謂！唔好話我知又喺領展場！點解要咁！不如收返好過啦！人地做酒樓，你唔比冷氣人地！點搞！又貴租！你夠膽自己做！

難得一家人👨‍👩‍👧‍👧放假就到附近的酒樓吃個晚飯有$68波士頓龍蝦優惠 或者一蚊一隻乳鴿優惠呢兩個優惠唔可以同時間享用只可以二選其一今次我哋決定食一蚊一隻乳鴿龍蝦就已正價價錢去消費加$20可以加伊麵，再加$20就可以加芝士，如果唔係加芝士嘅話呢就係上湯龍蝦🦞當然我就覺得加咗芝士會好食啲最近發現呢個粉絲蝦煲非常嘢味，而且差唔多有10隻蝦，味道濃郁，亦都好好食呀啲芽菜第一次叫呢個蜜餞欖角骨就$88，本身以為係排骨細細粒，估唔到異常地好食甜甜地，大啖肉，真係好食到我覺得下次一定要再叫價錢都唔算好貴帶子炒蜜糖豆亦都非常出色，蜜糖豆炒得脆脆地，帶子又大粒又好吃，廚房嘅師傅 功勞可惜這間酒樓的收銀經常入錯單，兩隻龍蝦又打咗一隻，又要我哋重新再等，有時候因為入錯單或者漏單嘅問題令到非常不愉快但係食物嘅質素是有保證的而且環境樓底高，光線充足

阿爸生日又見呢間酒樓做緊優惠，就決定今晚一家四口過嚟食晚飯佢而家做緊優惠一蚊有一隻燒乳鴿，但係佢準備嘅數量好少，我哋一家四口7:00已經嚟度，即刻落單叫咗四隻乳鴿，好彩我哋叫得早，大概7:20隔離枱再叫乳鴿已經話賣晒，眼見唔係有好多台客，我相信佢一晚只係準備20隻乳鴿左右，真係手快有手慢冇隻乳鴿夠大隻，入味，有肉汁，一蚊一隻都冇交行費，抵讚另外仲叫咗三個小菜皇庭小炒王$98炒得好惹味，魷魚鬚夠彈牙，但係因為有鹹魚仔，成個餸比較鹹咗少少芝麻咕嚕黑豚肉$88配料有菠蘿青椒紅椒，菠蘿好食，個咕嚕肉都彈牙有肉味，每次食晚飯都必叫鮑汁魚肚扣鵝掌煲$128個魚肚超厚身，但係因為厚身既關係唔夠入味，個鵝掌OK嘅，炆得夠淋四個人埋單先$416，好抵食但係食飯途中，不斷有烏蠅同蚊滋仔騷擾

舊老細係呢個酒樓既熟客,佢生日請我地黎食亞拉斯加蟹我地4個人要左一隻5斤,嘩好大隻,好好味,又鮮甜除左蟹仲點左好多點心,都唔錯,大家都好满足隻蟹大隻到差D食唔晒,

天災，加上人禍，武漢肺炎確診數目在香港與日俱增，人心惶惶，各行各業大受影響，市民不敢外出消費下，飲食業首當其衝，生意一落千丈，有些苦苦支撐，有些結業倒閉，有些就像這間其實食物水準不錯，價錢相宜，我幾喜歡的街坊酒樓一樣，貼出告示說因應武漢肺炎疫情急遽變化及為了客人及員工健康著想，故此決定營業至2月11號暫停，若疫情好轉，才會在3月1日重新啟業。

其實，我覺得這全是讓自己留有後路的說話而已，看現在香港政府應做不做，不應做就做，根本就是與全香港市民對著幹的抗疫措施和態度，想香港的疫情在短期內好轉無異是天方夜談，這酒樓即使並非已經結業，要在3月1日重新啟業的機會實在微乎其微。

為甚麼我會這樣說？其實我是在這酒樓暫停營業前兩天來吃晚飯的，雖然這酒樓已經加強了消毒衛生方面的措施，想讓光顧的客人得以安心，但就這晚在座所見，在晚市黃金時段，整間地方偌大的酒樓，就只得三四檯客人，門庭冷落，生意黯淡，與昔日人頭湧湧的情況相比，簡直有天淵之別，實在令人感到唏噓！「鹵水豬腳仔」（$58）比想像中的份量多的多，豬腳仔皮滑肉腍，鹵水汁濃郁好味，令人意想不到。

「西蘭花炒蘭花蚌」（$98）份量同樣甚多，鑊氣足，夠熱度，味道不錯，西蘭花雖然稍硬，只是小瑕疵，問題不大。

「上湯焗龍蝦伊麵底」（$144）雖然只有一隻龍蝦，但蝦肉鮮甜，上湯茨好味，配以最佳配搭伊麵，令人回味。

好好的一間食物質素不差的街坊酒樓，受這次的天災人禍影響，竟然要停止營業，希望它真能在疫情過去之後，重新開業，讓附近的街坊鄰里，有多一個飲茶晚飯的好地方吧！

皇庭匯餐單提供粵菜, 廣東, 點心, 酒樓等推介美食位於大角咀區，餐廳座位數500人均消費約$101-200，結賬可以用Visa,Master,現金，Booking訂位可以電話致電 26909118 查詢。

您對於大角咀餐廳「皇庭匯」有何 comment？

皇庭匯餐廳詳細資料：

• 皇庭匯地址:
  大角咀海富苑海富商場1樓106號舖
  Imperial Restaurant, Shop106,1/ F, Hoi Fu Shopping Centre, Hoi Fu Court, Hoi Wang Road, Tai Kok Tsui
• 皇庭匯電話: 26909118
• 皇庭匯價錢: $101-200
• 分類: 粵菜, 廣東, 點心, 酒樓
• 座位: 500
• 付款: Visa,Master,現金
• FB專頁: 皇庭匯 Facebook

更多皇庭匯相關資料:

• 皇庭匯分店
• Youtube
• Facebook
• Twitter
• Google