滋味行 大角咀

滋味行 評價 相片

大角咀最好食的炸雞翼之前寫了一篇,主要都係差的這篇是好的佢地推介就係炸雞比我試了兩次我印象中,兩次都唔同感覺因為時間太耐說不出兩次的差異兩次的炸雞比都係好食的都脆,多汁不過我食過更好食的炸雞比所以覺得這間只是好食,不是最好食三多的炸雞比我都食過這間店比三多好食,不過三多我反而覺得一般這間店最好食的不是炸雞比而是炸雞翼炸雞翼是全大角咀最好食甚至是我食過的炸雞翼中,排名前3假如你覺得m記的炸雞翼係好食這間比m記好食多了炸雞翼水準穩定即叫即炸有好多店係翻炸而這間店係即炸皮脆,香,多汁這間店的炸雞翼我會比佢滿分我甚至覺得這間店的炸雞翼可能係全港頭3位不過我試過的炸雞翼的數字唔算多全港應該無幾間店,做到這價錢和質素佢$6一隻,$22有四隻假如你知道有邊度比這間好食你都可以留言推介比我去試5分滿分炸雞比味道:4香味:3外觀:3炸雞翼 滿分味道:5香味:4外觀:3抵食度:4

幾個月前去大角咀食晚飯，當時喺附近見過呢間小店，隨即喺網上搵過，睇落炸脾幾吸引。

可惜事後一直冇機會再黎呢邊，期後已經相對有好多以炸脾為題嘅食店，例如三多、炸你鹵味嘅冒起，我食過都覺得幾出色。

月頭終於再同朋友喺大角咀晚飯，因為未夠鐘，我再次記起呢間小食店 滋味行！唔理即將會食飯，我都決定要一試。

我以為Tasty Road主要供應小食為主，有生炸雞脾、薯條、炸蠔等，原來仲有好多款式嘅食物，例如烏冬、炒腸粉等。

仲有私房打邊爐添！小店位置好少，眼見坐左十個人左右滿座，好彩我地都係諗住外賣啫。

馳名生炸雞脾 $24可能小店店員唔多，忙到收錢都冇時間，我地都喺門外等左一段時間。

話得生炸，即叫即做，都預咗要等，十零廿分鐘都合理，但我地大大話話等左接近40分鐘，有點那過，等到晚飯時間都到。

攞上手，真係好熱辣辣！忍唔住即刻咬啖，雞脾皮好脆，但食落較硬，感覺上沾咗啲炸粉，所以較厚。

而且比較油膩，肉就無乜味，唔係我地喜歡嗰款，加上等左咁耐，有少少失望。

其實炸脾大家都由細食到大，一定有個人喜好、唔同嘅準則。

好難話令全部人都覺得好食，見到有咁唔少人讚好，反而我就覺得麻麻，只能夠講句各花入各眼，各脾入各口。

呢間野岩岩開時食過一次覺得唔錯，諗住今日再去試下其他野食。

嗌左個炒腸粉，啲腸粉有陣味，可能放得太耐勁唔新鮮，超級難食！食左一舊已經成碟冇食過，真係唔知老闆有冇試過味，咁難食既野都可以拎出黎！超級失望呀！成枱最好食係個薯波，其他野都係麻麻地，一定唔會有下次

行過大角咀想食d小食醫下肚，入左呢間舖頭細細既滋味行，見到裡面裝潢唔錯，雖然目測最多都係容納到8個人左右，但都已經有幾個人係度，便大膽試下。

見到點菜紙就樣樣都想食，而且價錢唔貴，所以就不顧一切咁剔剔剔。

日式炸蟹蚶，炸得剛好!日式餃子，一碟5隻都只係$20食左咁多炸物，認真都真係會熱氣，不過老闆好甜心，有自家製涼茶提供，仲要驚你悶，個個星期轉口味，今個星期就有羅漢果柑桔草，飲完即時下一下火，可以繼續食!燒多春魚，正!都係後加既脆脆雞，雞肉好嫩口，唔會太乾，好味!燒冬菇、翠肉瓜$32炸雞脾+炸薯波，兩樣都好好味，炸薯波堅正，而且兩樣都唔油，最怕食炸野一陣油跟埋上碟，見到層油都已經唔想食。

燒豬大腸就好好咬口，如果可以燒得脆d就最好。

今日係國際射波日（國際請病假日），訓醒想食個下午茶先去圖書館，咁岩經過見到這間新店相頭唔錯，d小食好似幾好食就試下，原本想食個飯既，但見下午茶幾吸引，就叫左炸雞髀加薯波，食物相頭唔錯，髀肶即炸熱辣辣，一啖咬落去皮脆而且雞肉嫩滑，生痱滋都照食呀，薯波都唔錯，仲配埋我鐘意既蜂蜜芥末醬。

滋味行餐單提供港式, 串燒等推介美食位於大角咀區，餐廳座位數未知人均消費約$50以下，結賬可以用現金。

您對於大角咀餐廳「滋味行」有何 comment？

滋味行餐廳詳細資料：

• 滋味行地址:
  大角咀鐵樹街40號富多來新邨二期地下89號舖
  Tasty Road, Shop89, G/ F, Phase2 Fu Tor Loy Sun Chuen,40 Tit Shu Street, Tai Kok Tsui
• 滋味行電話:  
• 滋味行價錢: $50以下
• 分類: 港式, 串燒
• 座位: 未知
• 付款: 現金
• FB專頁: 滋味行 Facebook

更多滋味行相關資料:

• 滋味行分店
• Youtube
• Facebook
• Twitter
• Google