有營雞餐廳 大角咀

有營雞餐廳 評價 相片

平時我食飯如果見到有雞肉揀，我都會首先去選擇✌而呢一間小店絕對必要推介之選，真係食過返尋味🤩有營手撕雞晚餐係我係呢間餐廳食得最多一次🎈 有營手撕雞飯 $52平時都係手撕雞配芽菜今日因為無哂芽菜而轉左菜心不過最重要嘅主角手撕雞都一樣好食💖先講一講雞肉，味道唔會太濃，主要想食到雞肉嘅鮮同肉嫩碟仲配上雞汁，如果輕輕一點已經令味道好突出✨手撕雞嘅分量絕對夠一個人食但如果你覺得手撕雞味道太偏過淡嘅話佢仲有自家制菜脯畀你加係嘢食到爽口、小小辣同咸，胃口又大增味道又豐富咗👍其實餐廳仲有幾款醬汁口水汁、普通辣油再畀你點係啲雞到完全可以揀到一款最啱你口味嘅一餐豐富嘅既餐🍚如果我住係餐廳附近，我絕對會係佢嘅忠實粉絲⭐

今晚同太太晏咗收工，諗住去附近嘅有營雞餐廳食個靚飯， 本來覺得佢哋食物嘅質素都唔差，性價比都唔錯，平時都會嚟食，但嗰啲服務員態度嘅惡劣程度就真係不敢恭維，連我平時只會下下對唔住行先嘅都忍唔住發佢哋爛渣！落單嗰位亞姐霉霉氣氣，好像佢至係幫襯嗰個，算！我哋都係想食餐安樂茶飯啫！個事頭婆重衰，客飯跟例湯同熱飲，問佢攞個應該屬於自己嘅湯，竟然串到話我哋叫咗湯飯，再加個例湯你哋飲唔飲得哂？痴㗎！問得妳攞緊係我哋想飲啦！寫明跟餐送就應該主動遞過嚟，要食客問妳攞重要講廢話，係就寫明食湯飯唔送例湯嘛！搞到好似乞咁，第一次食飯覺得委屈！發誓以後都唔係幫襯！黑名單，永不幫襯！

咁大個仔，第一次食到雞有雞味！ 雞肉滑，而且d雞皮係薄同爽口，老闆同我地講原來全部都係跑山雞！ 食左半隻雞椰子雞，半隻雞煲、半隻豉油雞，醉雞雞翼、雞粥同牛脊肉、釀豆腐。

全部超班表現！店員同老闆都好nice，會同我地傾計。

個椰子煲真係不得了，半隻雞落左有成4個椰青！豉油雞係老闆強力介紹，係招牌菜！必食！釀豆腐中間個肉超厚！超好食，又係必食價錢都好平，食左咁多野埋單都只係650蚊左右，完全就係平靚正！呢間小店真係愛雞人士必試！平靚正！

送酒送到大角咀富多來果頭。

開始肚餓周圍搵嘢食。

就見到呢間野，佢嘅特色係賣靚雞。

咁我就試吓啦，唔平唔貴五十零蚊倒。

服務就可能旺，老闆未能抱有平常心。

員工都正面積極，菜式唔記得，什麼麻香雞？說現實，看落份量較少，由於他是無骨的。

呢樣我都要體諒佢。

佢個位全部都係藍領食客比較多。

例湯都幾好唔揸樓，不過我差唔多要豉油送飯。

講真幾廿蚊我又唔能夠要求太多，說實在真係有雞味，你話係咪好出色，又不能夠咁講，總體唔差囉！

有營雞餐廳餐單提供多國菜, 燒臘, 雞煲, 私房菜等推介美食位於大角咀區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 23929922 查詢。

您對於大角咀餐廳「有營雞餐廳」有何 comment？

有營雞餐廳餐廳詳細資料：

• 有營雞餐廳地址:
  大角咀博學里9號富多來商場1期地下60號舖
  有營雞餐廳, Shop60, G/ F, Phase1, Fu Duo Lai Shopping Mall,9 Pok Hok Lane, Tai Kok Tsui
• 有營雞餐廳電話: 23929922
• 有營雞餐廳價錢: $51-100
• 分類: 多國菜, 燒臘, 雞煲, 私房菜
• 座位: 未知
• 付款: AlipayHK,支付寶,現金
• FB專頁: 有營雞餐廳 Facebook

更多有營雞餐廳相關資料:

• 有營雞餐廳分店
• Youtube
• Facebook
• Twitter
• Google