昌興麵家 大角咀

昌興麵家 評價 相片

麵店位置較偏僻，位於大角咀的一條小街，店面毫不起眼，全店坐位只有約5枱，三位老人家打理，不是無意中經過又碰巧肚餓，一定會錯過了，要了炸醬撈麵$45元，魚蛋伊麵$32元，雲吞麵$30元，淨水餃$30元，油菜$15元加兩罐可樂$12元，共$164元，很少麵店有提供伊麵，這舊式店舖反而有提供，一碗麵，不論魚蛋或雲吞，有約8粒，毫不吝嗇，麵份量也很多，而且爽、彈口，比麥x記毫不遜色，油菜也必食，只是慢工細貨，點餐後要耐性等一等，約58分鐘，但仍是值得的。

今晚決定出街食，太太話不如出大角咀食上次好食果間豬手麵，諗都唔諗荃灣踩出大角咀，第一站昌興，一坐低唔該水餃麵食爽，老闆話水餃賣剩兩隻，於是兩隻雲吞兩隻水餃，水餃真係非常非常出色，好實淨，麵質依然爽口彈牙，湯底濃郁，熱辣辣，之後追加一碗豬手麵（唔記得影相😅），臨走買多份豬手撈麵和淨鳳爪，之後細佬話想食粥，之前師兄話過高佬喺昌興隔離街，於是行過去買咗碗艇仔粥（都係唔記得影相😅），碗粥真的好滿足，粥底好麵綿又足料（有海蜇），心血來潮買多份豬手撈麵，一碗淨水餃和淨鳳爪，跟住門口位叔叔話喂試吓我哋嘅薑蔥魚腩好正呀（他好有誠意向我推薦），好啦我都要一份，外賣到手後薑蔥魚腩即刻上車食先，嘩⋯⋯薑蔥味好香噴噴，魚腩好新鮮，食完之後準備回程，突然間見到一間好耐無食的好正小菜店，立即停車，奔向店子裏面唔該要一份生炒骨攞走，位老闆竟然還認得我，你條友好耐冇黎囉，係呀，依家有大有細好少夜蒲，我話我太太好鍾意食你嘅生炒骨所以減肥都要食，一落上車班小朋友已經話好香噴噴呀，唔夠5分鐘整返幾粒留返給我（真係多謝佢哋），於是二話不說落車返轉頭買多盒（讓他們說過痛快）。

跟住，回家後立即沖涼⋯⋯跟住立即享用豬手撈麵和鳳爪大對決，小弟覺得昌興的豬手和鳳爪合我口味多點，高佬的豬手和鳳爪都好正（好入味好淋），係味道比較濃味啲，昌興就味道中性一點，兩者都不太咸，適合淨食，至於高佬碗水餃就不及昌興，餡料包得不夠實淨（味道和用料兩者就叮噹馬頭），今晚真係大滿足。

柱侯牛腩麵🍜$28見到牛腩牛雜關注組介紹😎身為牛魔王嘅我🐮當然要去試一試係唔係真係咁正🤣牛腩牛筋份量都幾多😛尤其係牛筋多我超鍾意😍燜得夠腍夠軟夠哂入味😋呢間真係冇介紹錯😏昌興麵家 (大角咀)大角咀嘉善街2號地下

湯麵每碗$23 撈麵$34碟, 牛腩河加菜, 雲吞河加菜同樣$29蚊,加咗菜' 多到睇唔到啲餸〜 健康之餘 仲好抵食湯底仲好清, 一啲都唔油, 牛腩就用咗陳皮同薑粒去煮, 比較爽口,雲吞味道就好懷舊, 有大地魚香味, 食完啱好夠飽〜昌興麵家營業時間 : 星期一至六:12:0022:30地址 : 大角咀嘉善街2號地下港鐵奧運站 C1 出口, 步行約4分鐘電話 : 2391 8065－－－－－－－－－－－－－－－－－什麼可以代表港式餐廳？我想   他用時間和心血換來的   是踏實的岀品  從前資訊並未發達靠人口相傳   信譽和口碑自自然然會有食客追隨    成功的事業亦在於此你們心中又是那一間店呢？

過左午市的繁忙時段先來到大角咀的昌興麵家，已經唔使等位，呢度食野價錢算合理叫左都系＄23的魚蛋河同淨水餃，魚蛋魚片共八粒，潮州白魚蛋系來貨冇咩好講而水餃則有準，淨餃有五粒，粒粒飽滿，肉餡佔比較少，但筍絲多，爽口又健康，配淡淡的大地魚湯底，好簡單傳統的味道，有老人家客戶食完讚好味，老闆話：“系傳統口味，但現代人喜歡濃味，所以已未必人人鍾意”， 但其實我自己卻好喜歡，而且暗暗地欣賞著那一口快被人遺忘的傳統風味！

昌興麵家餐單提供港式, 粉麵, 米線等推介美食位於大角咀區，餐廳座位數未知人均消費約$50以下，結賬可以用現金，Booking訂位可以電話致電 23918065 查詢。

您對於大角咀餐廳「昌興麵家」有何 comment？

昌興麵家餐廳詳細資料：

• 昌興麵家地址:
  大角咀嘉善街2號地下
  昌興麵家, G/ F,2 Ka Shin Street, Tai Kok Tsui
• 昌興麵家電話: 23918065
• 昌興麵家價錢: $50以下
• 分類: 港式, 粉麵, 米線
• 座位: 未知
• 付款: 現金
• FB專頁: 昌興麵家 Facebook

更多昌興麵家相關資料:

• 昌興麵家分店
• Youtube
• Facebook
• Twitter
• Google