太子合利餐廳 大角咀

太子合利餐廳 評價 相片

天氣凍凍地，最好就係食雞煲打邊爐，啱啱放工，諗吓搵咩食，呢間太子合利仲有烤魚食，就試下呢度啦！好，坐低睇吓有咩好食先。

呢個海鮮套餐+任飲任食好正咁喎⋯⋯另外都有晚飯小菜。

先黎個海鮮拼盤，有鮑魚、大蝦、元貝、班腩等，鮑魚原隻大大粒，好爽彈。

元貝配蒜蓉粉絲一流。

可以選雞煲或者烤魚，我哋選左雞煲，少辣夠惹味，舊舊雞啖啖肉，正！食完仲可以加湯打邊爐，有和牛、黑豚肉，任食肉類、丸類、蔬菜。

岀面自取飲品任飲。

幾款人氣小食都係任食，實在太多嘢食，好飽，叫左個炸香芋地瓜丸試下，表面炸得好香脆，中層係番薯蓉，裡面係滑滑香芋蓉。

尋日夜晚放工晏左d , 太肚餓既關係就同朋友去左呢間野醫肚👅… 其實係俾佢個海鮮雞煲邊爐放題宣傳吸引左…. D 野食一上枱有d 驚喜既, 因為無諗過宣傳單張同實物係一樣的🤣無欺場 👍🏻 看似茶餐廳, 但有噤既食物質素同服務真係算唔話得呢個set 可以選擇雞煲或魚, 我見隔離枱個水煮魚好精彩所以就跟.. 我地同老闆研究左好耐, 究竟食咩程度既痳辣同食咩魚好呀, 最後老闆建議左小辣同食鉗魚🙏🏻🙏🏻🙏🏻👍🏻👍🏻 好食真係, 雖然好驚會好辣, 但又ok wor 食緊魚之際就可以打邊爐👅佢d 邊爐配料仲想像唔到可以噤正…. 個肥牛原來係和牛黎ga …😍😍😍我暈拿… 好yum yum我見到個waiter 姐姐捧住碟貌似黃金炸魚皮…,我已經同個friend 講不如order …. 但老闆同我地講個set 係包小食炸魚皮的…🤘🏻🤘🏻🤘🏻個黃金炸魚皮堅好食, 如果有得買d pack 好左就正… 我一定買番幾包走🤣🤣原來佢地開左兩個幾月, 噤都食到間好野😊 我覺得住o係附近既朋友仔可以去試下, 食咗真係要番轉頭encore 👍🏻👍🏻👍🏻性價比極高的一餐

緣份既野就係咁奇妙，同朋友一齊處理完一啲事後，就搵地方食嘢，點知比我搵到呢間「太子合利餐廳」最近做緊聖誕節優惠推廣，任食烤魚、雞煲、火鍋，附加海鮮拼盤，盛惠$298/位(加一)，老人家或小童半價。

睇落幾吸引，又好好奇一間茶餐廳竟然有啲咁特別嘅套餐，實在非常新穎，所以就黎左，不過地點距離地鐵站遠左少少，要預少少時間行黎同搵地方，但係咁係阻礙唔到我呢個胃食之友既，我係充滿熱誠....食食食😋。

五款蒸海鮮聖子皇、大海蝦、大元貝、龍躉片、鮮鮑魚海鮮拼盤既上枱盤擺得好靚，已經令我食指大動，每樣海鮮都非常新鮮，聖子、海蝦、鮑魚既肉係非常之彈牙，大元貝好厚肉，龍躉肉好滑，蒸的火候拿捏得十分好。

食完海鮮個盤會有啲汁剩係度，就可以將烏冬撈埋啲汁度再夾起食，勁好味。

整體呢度菜好味指數💯👍🏻任食四川麻辣鉗魚魚是炸熟了一半再放上湯煮，上枱的時候其實已經可以先吃外圍的肉，再慢慢向內吃，我們叫了BB辣，好彩係啱我地既辣度，所以都食得好滋味。

魚肉沒有太多骨，很滑很易夾，也不算容易散（可能因為炸過）。

火鍋配料A4和牛、韮菜餃、雲吞、水餃、獅子狗卷、牛丸、生菜、響玲，這是我們攞的食物，還有其他食物，不過都飽了一半，只能食多少少。

A4和牛色澤鮮艷，勁吸睛，又大塊，味道Ichiban😋。

餃餃完全冇散開，餡料十足。

生菜又新鮮又乾淨，最後仲攞嚟玩下，裝飾裝飾。

唉～如果唔係咁飽真係想食多轉。

小食任食炸地瓜丸、炸榴槤、榴槤糯米糍、黃金炸魚皮個黃金炸魚皮令人一試難忘，鹹蛋黃香味濃郁，佈滿整塊魚皮，又香又脆，必食😋。

炸榴槤及榴槤糯米糍嘅榴槤味非常之香，同埋炸地瓜外皮炸得香脆，沒有令人失望啊！飲品任飲罐裝椰汁、石榴汁、可樂，由於忙住食，都冇乜點飲野，雖然還有很多選擇，我諗都係留返下次再飲啦！後記：我哋食完之後又同老闆傾陣計，佢話個優惠唔係短期（即係聖誕節後仲有），所以我又可以約下其他朋友再黎食過啦！

近排天氣凍番少少打邊爐就最啱啦，大角咀呢間餐廳只需要$298/位就可以任飲任食烤魚、雞煲、火鍋2小時加5款時令蒸海鮮，性價比非常高，啱晒一大班親戚朋友gathering😍蒸海鮮有蟶子、元貝、鮑魚、海蝦同班腩片，全部海鮮都好新鮮，因為佢地用一個大嘅不鏽鋼盤去隔水蒸煮，所以盤入面基本上都係原汁原味嘅海鮮味道，而且每樣海鮮口感都好彈牙，火侯控制得好好，唔會有過老嘅狀況出現，食到最後就倒番個烏冬落去撈埋啲海鮮汁食😋食完個海鮮頭盤之後就到主菜烤魚同雞煲，不過今次我地得兩個人就淨係食咗烤魚，下次一定一大班人嚟食，因為烤魚同雞煲都係任食，越多人食就越抵❗️酸菜魚好足料，佢地先將原條魽魚炸熟，再放上烤盤，外皮炸到勁酥脆，魚肉鮮嫩彈牙，吸晒酸菜湯嘅精華好惹味，而且骨唔多，食落啖啖肉😙火鍋放題肉類有和牛、黑豚肉同羊肉片，全部都好新鮮，而且切片大細啱啱好，夠晒易入口，另外自助區仲有超過40款火鍋配料，種類真係勁多，淨係菜同雲吞都有五六款🤪估唔到小食都幾高質，黃金炸魚皮好香脆，鹹蛋醬略呈流沙狀態，而榴槤控一定要試冰火榴槤炸彈同榴槤雪米糍❗️冰火榴槤炸彈內餡香濃幼滑，榴槤雪米糍就好似將一塊冰凍榴槤放入口咁，煙煙韌韌嘅糯米皮包裹住榴槤漿🤤飲品方面，除咗常見嘅汽水之外，自家製涼茶絕對係誠意之作，有夏枯草同竹蔗茅根水2款，涼茶足料之餘，調味都調得啱啱好，唔會太甜☺️

今日去完朋友澳海城屋企，大家都想食雞煲，結果朋友帶左我去“合利”，佢話呢度D嘢好好食，價錢亦十分相宜。

餐廳雖然是茶餐廳格局，但整體乾淨整齊， 座位寬敞，十分舒適。

晚市除了有小食，小菜外，還有多款特價套餐($68)， 雞煲，羊腩煲， 烤魚，酸菜魚和火鍋，價錢真係街坊價。

重慶雞煲~除了有半隻雞件(份量頗多)，配料亦相當豐富，有紫洋葱，芫荽，辣椒，蒜頭，葱，再加入秘製醬汁，甜甜辣辣，又香又惹味。

雞件肥美啖啖肉，肉質滑嫩鲜甜，索滿秘製醬汁，真係好食到停唔到口。

食完雞煲之後 ，加返啲上湯就可以繼續打邊爐。

澳洲和牛~油花分佈平均，肉質柔軟嫩滑，牛味香濃，好正呀！日本黑毛豬~肉味香甜，肉質細嫩爽脆，油脂豐富，好味。

飲埋杯柚子蜜和檸蜜，解渴又潤喉，爽呀！

太子合利餐廳餐單提供粵菜, 廣東, 港式, 川菜, 四川, 火鍋, 雞煲, 茶餐廳, 冰室等推介美食位於大角咀區，餐廳座位數100人均消費約$51-100，結賬可以用AlipayHK,現金,銀聯,微信支付。

您對於大角咀餐廳「太子合利餐廳」有何 comment？

太子合利餐廳餐廳詳細資料：

• 太子合利餐廳地址:
  大角咀詩歌舞街83號亮賢居地下9-11號舖
  Prince Hoplee Restaurant, Shop9-11, G/ F, Shining Heights,83 Sycamore Street, Tai Kok Tsui
• 太子合利餐廳電話:  
• 太子合利餐廳價錢: $51-100
• 分類: 粵菜, 廣東, 港式, 川菜, 四川, 火鍋, 雞煲, 茶餐廳, 冰室
• 座位: 100
• 付款: AlipayHK,現金,銀聯,微信支付
• FB專頁: 太子合利餐廳 Facebook

更多太子合利餐廳相關資料:

• 太子合利餐廳分店
• Youtube
• Facebook
• Twitter
• Google