元気寿司 大角咀

元気寿司 評價 相片

現在很多間分店的元氣已有配設新的「站速線」送餐小火車，代替了迴轉的方式把食物分派給客人。

而大角咀這元氣分店是小有的還是傳統的元氣店，還未設有高速線。

這次跟家人一行5位，晚上在奧海城逛街後，身位元氣會員的我，就提議試一試於商場內的元氣壽司。

我們人多被分派到餐廳中的卡位，坐得舒服。

然後開始點餐，我很懷念以前每次來元氣都會點的牛肉薯餅，現在已全線暫停😭真的非常好吃啊，希望有機會再見到佢！壽司方面，我們點了必點的三文魚壽司，簡單款的玉子壽司及腐皮壽司，也愛吃澳洲牛壽司！還有推介是北寄貝沙律軍艦及蟹子沙律軍艦。

部分壽司上碟時是以一整個大碟上菜，賣相很好，吃起來每一款都是非常新鮮！保持一向的水準！是即點即做的感覺，雖然沒有高速線，但食品一樣好。

元氣嘅壽司同刺身就食得多，有幾多人會特登入去元氣嘅雪糕？😹今日同朋友喺奧海城附近食完晚餐，想搵甜品店、但係周圍都冇，最後我哋有個提議，就係入元氣食佢嘅雪糕🍦平日嘅日子，晚飯時間呢度真係等好耐，攞咗飛之後至少都等左九個字先至入到去，好彩有電話提示功能，入咗電話號碼，差唔多佢就會打電話叫你返嚟，我哋可以行住街等。

我哋今次試咗天日鹽雪糕 $24，柚子雪葩 $24天日鹽雪糕略嫌甜左少少，但幾香奶味；柚子雪葩清新唔太甜。

最後加多個軟殼蟹手卷，一如以往，但係呢個手卷比較細size。

元氣已經係多區都有嘅壽司連鎖店，時不時都會岀新野，今日又試到新野！呢個香蔥吞拿魚壽司一食落去，有陣很香嘅味道，香蔥嘅味道同吞拿魚茸十分之夾，我呢個吞拿魚茸啦亦都十分之新鮮，係一款唔錯嘅新式壽司。

至於個明太子薯條，都係新款嘅菜式，佢嘅薯條炸得十分香脆，又夠味道，加上佢嘅明太子醬，用薯條沾上呢個醬，簡直就係一流呀！日式海鮮燉蛋，呢個燉蛋唔會淡而無味，因為佢會夾一啲不同嘅海鮮，例如帆立貝、蟹柳。

一如以往我哋都會叫帆立貝裙邊，佢亦保持水準十分夠味。

今次我重點想推介下呢個限時嘅激賞優惠，包括有胡麻味噌真鯛、壽喜燒牛肉、珍寶赤海蝦迷你飯。

珍寶赤海蝦迷你飯幾有驚喜，佢嘅帶子、三文魚子、同埋赤海蝦都十分之新鮮，材料咁新鮮，只係價值$22 ，值得一試。

依間元氣平時6點幾開始就有人排隊, 晚飯時間唔等番半個鐘唔洗旨意食~ 但自從早排新聞播左魚生有蟲之後, 真係少左好多人排隊, 今晚好想食壽司, 又見唔洗點排, 所以唔理lu照食啦, 無事既😂帝王蟹棒雖然知唔係真蟹肉, 不過個人情意結中意食赤貝普普通通三文魚湯推介依個湯, 熱辣辣正呀, 麵豉湯加三文魚真係煲過而出黎既味, 食得到唔係就咁擺舊三文魚落麵豉湯度, 加埋d大蔥係入面好香各款軍艦同壽司軍艦紫菜係脆既, 合格。

元氣新推出既珍寶赤海蝦迷你飯22蚊算唔錯了, 不過主角赤海蝦又唔係話真係好fresh, 食落蝦肉唔彈牙似放左一陣~軟殼蟹手卷推介, 每次黎都必食, 紫菜脆, 軟殼蟹大大舊而且熱辣辣即炸, 外面脆卜卜入面蟹肉軟身, 入面配埋沙律醬, 讚!賣單300零蚊, 唔係話好top既壽司但食黎頂下日本癮都唔錯既!

今日中午經過奧海城，但又唔想食foodcourt，所以去左食元氣lunch set好貴呀!!!!諗左好耐最後叫左刺身配炙燒三文魚迷你丼飯，要$80幾，但份量係好多，食完係會超飽芝士餅係最好食，咬落去好cheese，芝士味好幾重，好香；亦都炸得好脆身飯的份量多，不過炙燒三文魚本身應該係熱的，但佢唔熱，只係少暖，少少失望鍾意食烏冬的覺得佢的烏冬唔錯，個湯雖然清清地，但都好夠味；而且烏冬好煙韌!!!!!

元気寿司餐單提供日本菜, 壽司, 刺身等推介美食位於大角咀區，餐廳座位數未知人均消費約$101-200，結賬可以用Visa,Master,AlipayHK,支付寶,現金,八達通,AE,銀聯,JCB,Apple,Pay,Google,Pay,微信支付，Booking訂位可以電話致電 27404729 查詢。

您對於大角咀餐廳「元気寿司」有何 comment？

元気寿司餐廳詳細資料：

• 元気寿司地址:
  大角咀海庭道18號奧海城二期1樓107舖
  Genki Sushi, Shop107,1/ F, Olympian City2,18 Hoi Ting Road, Tai Kok Tsui
• 元気寿司電話: 27404729
• 元気寿司價錢: $101-200
• 分類: 日本菜, 壽司, 刺身
• 座位: 未知
• 付款: Visa,Master,AlipayHK,支付寶,現金,八達通,AE,銀聯,JCB,Apple,Pay,Google,Pay,微信支付
• FB專頁: 元気寿司 Facebook

更多元気寿司相關資料:

• 元気寿司分店
• Youtube
• Facebook
• Twitter
• Google