Dr. Panini 大角咀

Dr. Panini 評價 相片

住o係大角咀都未必為意呢度有間咁有水準o既西餐廳直到有一次放完狗行過 , 見到有人食緊芝士火鍋同埋見到門口有隻三色貓女 , 先令我地留意呢間野不過呢間餐廳開始多人識 , 己經加左價而且係超難等位 , 試過抱住兩隻狗 , 由八點幾等到九點幾 , 走去放左狗先 十點幾返轉頭都未有位 , 再返屋企放低 D 狗再落返去先有得坐低 ... 加埋等野食黎 , 係攪到成點幾鐘先食完餐晚飯入正題 , 佢 D 芝士火鍋真係好好味我本身唔係幾鍾意食芝士o家 , 好怕o個陣味但佢 d 芝士味係好特別 , 好似有 d 薯蓉咁o家而家我係 d 鍾意食 d 好夠熱o既野o既人 ,呢度 d 芝士汁唔可以滾得太熱 , 好易痴底變左每次其實都係暖暖地咁點黎食 最抵食雜錦芝士火鍋 , 樣樣都有 d ,次次配搭都有唔同o家 , 薯角同西蘭花就就都有 最好食係雞扒同魚柳 =) 對上一次食有隻新出o既 .. 唔知咩山地芝士火鍋係有幾種好似火腿咁o既野 , 好咸的 ... 唔岩我地口味如果叫火鍋又配埋一丁呢 , 就會好快食晒 d 芝士汁, 要多一碗好似加 $ 20湯類 : 推介 " 穌皮阿拉斯加蟹肉湯 "真係好鬼正 , 好似跟餐加 $15 / $20唔係用蟹柳或者蟹棒黎扮阿拉斯加蟹o家 , 仲要有唔少份量喎 , 正 !!除左呢個 , 普通o個 d 粟米湯 / 南瓜湯 / 野菌湯 / 蕃茄湯 / 西蘭花湯全部都好有水準 , 不過唔知點解係要等有耐先有 =.="小食我地試過蝦多士同鵝肝多士 前者唔錯 , 有原隻中蝦o係多士面 , 後者唔扺食 ... $ 100/ 4 , 烘得過左火飲品 , 次次都係叫沙冰 , 用新鮮水果黎打最正係提子同青蘋果 , 間中有奇異果 , 都好味o家 =)意粉最深刻係馬利奧汁o個隻 , 好多海鮮 , 個汁又係好正 最後提一提門口小烘爐內o個小甜點其實蘋果撻 , 提子丹麥酥同提子鬆餅都幾好食 ,$10/3 ## $60 加到 $100 o既芝士火鍋 , 仍然好多人排隊食都幾鄧佢地開心 .. 一間小店 , 都有唔錯o既成績 =)我記得伙記哥哥講過 .... 係因為香港好多識食好野o既人加油哦 !!! 繼續整 d 好野比我地食 ~~雖然搬走左 , 我地都一定會再返黎o家 ^^下次要試下龍蝦意大利飯。

失望女友早排想食芝士火鍋，我就提議試下這間”路邊西餐廳”，因為之前聽朋友提及這間”路邊西餐廳”有芝士火鍋，加上睇完以上的食評，大部分食家都對這間西餐廳讚不絕口，女友又不介意坐路邊，就此決定一試”路邊芝士火鍋”訂左8點，早左幾個字到，已經有兩枱客。

餐牌上選擇好多，諗左十分鐘先揀定食咩好。

首先我地點左個雜菜意粉，等左一陣就有得食喇，味道不錯既，因為太餓唔記得影低佢雪國天使，我覺得係一杯好正既白朱古力特飲餐牌上有個瑞士山地芝士火鍋，我地好奇想知”瑞士山地”係有d咩料，個店員哥仔就好有耐性咁講左個故仔我地聽，話係遠古時代瑞士獵人將捕獲的獵物攪成肉碎之後再存放(內容大約係咁啦)，話”瑞士山地”就係類似的做法既肉，唔係成日有咖。

我地見佢有段故咁特別，就點了個瑞士山地芝士火鍋喇個芝士火鍋呢，一開始果陣係ok既，不過食到一半個鍋有d燶味，店員哥仔幫我地熄左個火。

熄火之後，驚人既事情發生喇D芝士開始杰杰地，女友發現肉上的芝士有黑點，咁我就叫女友食過第2塊啦，因為話哂都係坐係街邊，有少少黑點都唔奇既女友唔係好信，佢再係個鍋裡面拎一匙芝士出黎放响隻碟上面再撥開d芝士，點知發現有好多黑點响d芝士入面一匙都有咁多黑點，之前都唔知食左幾多隻落肚我地同個店員哥仔講:「個芝士火鍋入面有好多野啵!」佢就成隻碟拎左去睇，同問下個大廚，之後好有禮貌咁同我地講:「果d其實係西蘭花花蕊黎咖，有時我地都好難分咖」我地望住佢好無奈咁:「哦!」佢之後放番低隻碟行開左.....西蘭花花蕊??有腳咖啵大佬...畢竟都係路邊，佢個解釋又咁有心思，唯有埋單走人啦其他食物係ok既，不過我真係接受唔倒有咁多"西蘭花花蕊"大家仲想試芝士火鍋既，我建議叫佢走西蘭花

想試呢間出名的"平民式芝士火煱"好耐, 一於係呢個復活節假試下先睇之前GE食評話呢間店好細, 於是就中午就打去訂晚上的位, 點知老闆話最早九點幾先有位, 而佢地關店時間係1:00 am Wow~ 甘full?!我心想~好彩呢間店都不算難找, 奧運站c2出口一直向前行就揾到~~ 我們十點幾到都仲有五六枱客..... 好受歡迎因為已經決定左要食芝士火煱, 所以好快就可以拍板點菜~ 海鮮芝士火煱 $100 (好似加價?! 之前d食評話$80~~ 不過都平過spxxxxx hoxxx 嗰d一大截)配料有切粒方包, 炸薯角, 西蘭花, 蝦, 青口及魚柳 ,都係d平價料, 跟傳統瑞士cheese hotpot沒法比.cheese fans對主角"芝士煱" 一定不會失望 拉絲力一流! 芝士香濃細滑! 只是缺乏應有的洒香, 可能是顧及成本?!整體而言, 這個芝士火煱是很讚的!!!!附送的南瓜忌廉餐湯, 好喝! $40意料之外的好吃!!!! 難以想像在這不起眼的街角小餐廳竟能食到這般高水準的西菜! 一層層的香濃芝士, 美味的牛肉，清新的蕃茄,香氣十足，濃郁的口感, 配上烤薯蓉, 令人齒頰留香!滿足的一餐!

記得幾個星期前鬆弛帶過我來這裡，當時雖然已經是晚上十一點，不過座位全滿，所以我們就預訂了兩個星期後的座位 (其實本來想訂早一個星期，可是已經爆滿了)，足見人氣旺盛。

這家意式小店位於大角咀道，店面非常小，看起來比較像外賣店，室內基本上只可以放一張二人檯，其他的客人其實都是坐在路邊，過了晚上七點多，兩旁的店舖都關門的時候，店員就會多開幾張檯。

之前實在有沒想過會坐在街邊吃芝士火鍋，當然我們也不是期望吃到什麼正宗芝士火鍋，純粹覺得有趣來試試。

除了芝士火鍋之外，這裡還有意粉、意大利粉，焗薯、扒類等等，食物的種類還真不少。

上一次看到有人吃焗蜆好像不錯，所以點了一份法式焗釀大蜆和店員推介的法國藍青口。

芝士火鍋有不同的配料，而貪心的人當然點了一個雜錦一丁啦，最後心癢癢的鬆弛更追加了一份羊架。

好像凡惠顧主菜都會奉送一客餐湯，是日餐湯是忌廉蘑菇和忌廉粟米湯，我們要了粟米湯。

餐湯的顏色白得有點像牛奶，喝一口就忍不住笑了出來，因為心裡在想無論點那個湯，味道應該都是一樣吧，因為蘑菇和粟米感覺上都是後加的，不過也不是說湯不好喝，裡面加入了不少白胡椒，味道也挺特別的。

法國藍青口。

用上忌廉、白酒、洋蔥和煙肉去煮，醬汁比較稀，可以當湯喝。

白酒的分量比忌廉多，醬汁的味道帶少許酸味，我們還以為是下了檸檬，不過廚師說沒有。

青口雖然肉小小，醬汁雖濃，但也沒有搶去其鮮甜味。

醬汁裡的洋蔥煙肉碎也好好吃，所以最後我們把所有的醬汁都喝掉。

法式焗釀大蜆。

一份四隻，上面鋪上芝士和煙肉粒。

蜆肉很飽滿肥美，不過有一些多餘的水份在蜆殼上，我還是覺得焗蜆乾身一點比較好。

第一隻蜆很鮮甜，不過吃第二隻的時候就有點不新鮮，蜆殼上的水有點腥味，蜆本身也有一點，雖是可以接受的範圍，可是始終貝殼類海產就是要小心點處理比較好，而且夏天就快到，如果讓客人吃壞肚子就不好了。

是晚的主菜雜錦一丁芝士火鍋。

雜錦配料還真特別，有鴨胸、西蘭花、炸薯仔、什菜肥牛卷、魚柳和出前一丁，還配有一碟切成正方形的小片麵包。

芝士火鍋本身味道還不錯，不會過鹹，而且裡面下了不少芝士，所以牽絲程度不俗，至於配料方面，純粹是過癮，坦白說那個什菜肥牛卷跟芝士其實不太夾；薯仔炸得頗乾，過火了點；魚柳好像不太適合用芝士火鍋的叉子去吃，因為一叉就會散掉，要用羮盛一些醬汁淋在上面吃，結果就不再像在吃芝士火鍋。

然而，那個芝士火鍋的份量（我是指鍋裡的芝士醬汁）少了點，因為我在中段加了一束出前一丁下去，轉個眼就沒有了大半芝士，導致後來芝士有點不夠用，始終出前一丁的吸汁力是很強的。

燒羊架。

可以配的醬汁有不少，有蘑菇汁、蒜蓉汁、黑椒汁和紅酒汁等等，最後在店員推薦之下我們要了紅酒汁。

羊架等了很久才有，羊架雖然有五支，不過都是比較小支的。

一開始店員說不如要三成熟，不過我們還是要了五成，結果出來就是近乎九成半熟，幸好肉質還不算太鞋，只是味道很普通，紅酒汁又有點鹹，伴碟的薯仔乾得不得了，實在有點失望。

我們七點半坐下，最後吃到九點半才離開。

由於廚房太小，所以準備食物的時間頗長，要是你好肚餓的話，我還是不太建議來這裡的了，反正你就要保持平靜的心境，特別是客人越來越多的時候。

上次同過男友食過覺得好好,介紹俾屋企人.今次同屋企人食,去到2140,咁岩有位=]2個叫左2杯花茶(白桃鮮果,可可)原來杯可可係薄荷,媽媽吾太好,同佢交換左.白桃鮮果好香,2杯花茶都越飲越出味.小食:法式釀大蜆($50)4隻,真係好甜.上次試左闊麵,今次試三文魚帶子飯($80)同上次一樣都好大碟,2個人食係岩岩好~另外,叫左個芝士白汁雲吞(外賣),西班牙海鮮墨魚麵(外賣),芝士煙肉闊麵(外賣)TOTAL:$277由於趕時間,所以係咁催個服務員(唔知係唔係老闆),搞到都唔係咁好意思.但佢都好有心機去解釋同好有禮貌.雖然係要等得耐,但好食等下又何妨.加上服務態度又好,又有禮貌,要坐街邊食都冇所謂!!下次一定會再去,同朋友試芝士火鍋~

Dr. Panini餐單提供西式, 西餐廳等推介美食位於大角咀區，餐廳座位數12人均消費約$50以下，結賬可以用現金，Booking訂位可以電話致電 23092186 查詢。

您對於大角咀餐廳「Dr. Panini」有何 comment？

Dr. Panini餐廳詳細資料：

• Dr. Panini地址:
  大角咀大角咀道45號地下
  Dr. Panini, G/ F,45 Tai Kok Tsui Road, Tai Kok Tsui
• Dr. Panini電話: 23092186
• Dr. Panini價錢: $50以下
• 分類: 西式, 西餐廳
• 座位: 12
• 付款: 現金
• FB專頁: Dr. Panini Facebook

更多Dr. Panini相關資料:

• Dr. Panini分店
• Youtube
• Facebook
• Twitter
• Google