阿三大牌檔 大埔
最後更新:
阿三大牌檔推介
平時放工都好少會煮飯，大埔好多正嘢食，久不久又想食下大排檔鑊氣小炒，即刻諗起舊墟直街 阿三大排檔。晚市好多款菜式，仲會定期轉換Menu，每次嚟食嘢都好有新意。麻辣口水雞(半隻）睇見餐牌已經流口水，決定一於要食過麻辣口水雞，因為我哋又驚太辣，侍應好細心，幫我哋安排辣汁另上。半隻雞，份量都好多，大大件，雞肉鮮嫩，可口多汁。配搭自家秘製醬汁，口水雞辣得過癮，味道濃郁，啱晒喜歡重口味嘅我。咸魚蓉炒白菜仔想食蔬菜，又唔想太清淡，咸魚蓉炒白菜仔超級有鑊氣，香氣四溢。入口充滿鹹香嘅白菜仔，用嚟送飯食真係一流。黄金豆腐粒炸到金黃色的豆腐粒粒，薄薄的脆皮，有啲黑芝麻，鬆脆可口。豆腐好軟滑，而且充滿豆香味，外脆內軟，入口即溶，佐酒小吃的佳品。豚五花腩串、燒烤雞肉串、燒一口牛串呢度嘅燒烤都不容錯過！即叫即燒，火候控制得好好，微微的焦香，灑上調味料各有特色，最緊要係充滿肉汁，肉質彈牙，高質素的串燒。阿三大排檔，下次再嚟！
大埔阿三大牌檔
| 餐廳分店 | 阿三大牌檔 |
|---|---|
| 地區 | 大埔 |
| 電話訂位 | 61222868 |
| 餐單 Menu | 粵菜, 廣東, 港式, 大牌檔 |
| 人氣指數 | 1091 |
| 價錢幾錢 | $101-200 |
阿三大牌檔訂位位於大埔區，詳細地址是大埔舊墟直街4-20號美新大廈地下B1號舖，餐廳寬敞座位數目共有未知幾多個。阿三大牌檔幾錢？價錢優惠後人均消費大約$101-200埋單，早餐午餐晚餐阿三大牌檔餐單包括有粵菜, 廣東, 港式, 大牌檔等美食，付款方式有AlipayHK,支付寶,現金付款，Booking網上訂位可以電話致電 61222868 查詢訂座。
阿三大牌檔優惠
阿三大牌檔 評價 相片
平時放工都好少會煮飯，大埔好多正嘢食，久不久又想食下大排檔鑊氣小炒，即刻諗起舊墟直街 阿三大排檔。
晚市好多款菜式，仲會定期轉換Menu，每次嚟食嘢都好有新意。
麻辣口水雞(半隻）睇見餐牌已經流口水，決定一於要食過麻辣口水雞，因為我哋又驚太辣，侍應好細心，幫我哋安排辣汁另上。
半隻雞，份量都好多，大大件，雞肉鮮嫩，可口多汁。
配搭自家秘製醬汁，口水雞辣得過癮，味道濃郁，啱晒喜歡重口味嘅我。
咸魚蓉炒白菜仔想食蔬菜，又唔想太清淡，咸魚蓉炒白菜仔超級有鑊氣，香氣四溢。
入口充滿鹹香嘅白菜仔，用嚟送飯食真係一流。
黄金豆腐粒炸到金黃色的豆腐粒粒，薄薄的脆皮，有啲黑芝麻，鬆脆可口。
豆腐好軟滑，而且充滿豆香味，外脆內軟，入口即溶，佐酒小吃的佳品。
豚五花腩串、燒烤雞肉串、燒一口牛串呢度嘅燒烤都不容錯過！即叫即燒，火候控制得好好，微微的焦香，灑上調味料各有特色，最緊要係充滿肉汁，肉質彈牙，高質素的串燒。
阿三大排檔，下次再嚟！
越黎越多露天大排檔搬入室內, 我地今晚去大埔li間地鋪位置嘅新式大排檔食飯, menu啲菜式有傳統有創新, 地方仲非常乾淨+有冷氣, 咁大熱天時就唔會一路食一路流汗啦!🥢有料例湯❤️🥢好好味推介🤤Wasabi魚皮見唔到綠色wasabi但係魚皮全是刺激wasabi味道好正, 魚皮大大條又彈牙, 第2度未必有得食.🥢串燒🔥我地食左*日豚五花腩串 & *日燒一口牛串 串燒好香惹味, 秘密應該係孜然粉, 不得不提五花腩串係無估到大條厚肉, 咬落勁juicy, 充滿油香; 而燒牛就燒到啱啱好外脆一入口好腍, 正.🍍燒菠蘿 燒菠蘿好甜好juicy.🥬啫啫蝦乾唐生菜煲 大排檔特色, 快靚正, 煲菜啫啫聲地送上, 條條蝦乾好大條, 炒香碎豬肉啲唐生菜好好味, 每啖菜都係嫩口ga, 加上蝦乾蝦米豬肉碎豐富口感, 嗌蔬菜li個個個都食.🐖脆皮咕嚕豬頸肉一人一個飯for味道咁豐富嘅餸, 再黎多個掛汁度爆燈嘅咕嚕豬頸肉. D豬頸肉先沾上粉漿油炸, 然後再炒入甜甜酸酸咕嚕汁. 豬頸肉好多件真心飽!🍻店家有多款罐/枝裝soda, 現場所見大部分枱都一桶桶啤酒啤啤佢🍺.
大埔舊墟食肆眾多，今日與友人一行幾人選擇到阿三大排檔食返幾味拿手小菜，飲返幾杯傾下偈。
阿三大排檔標榜懷舊粵菜，餐廳雖則叫做大排檔，但環境裝修乾淨企理，座位舒適寬敞，有別於舊有大排檔環境狹窄污糟，屬於新式大排檔。
餐廳提供多款惹味小炒及家常小菜選擇，就好似咕嚕肉咁可以稱得上話懷舊菜既表表者。
🌟 沙薑大扇雞(半隻)餐廳推薦新鮮大扇雞，當然要試試。
上枱雞件完好無缺，刀功擺盤的確唔錯。
試一試大扇雞，味道肉質果然出眾，口感嫩滑，沙薑咸香並沒有蓋過大扇雞原有味道，兩者配合非常出眾。
🌟 豉椒炒花甲豉椒炒花甲作為大排檔代表，最合適不過。
呢度既炒花甲相當有穫氣，醬汁濃郁掛汁。
另外，食花甲最怕有沙，阿三用料及處理都非常出色，食哂一整碟都無呢個問題。
🌟 黃金豆腐粒外層炸漿脆口薄身，內裡豆腐軟滑，椒鹽份量恰當好處，配上黑芝麻，一口一粒，送酒一流。
🌟 蜜椒薯仔牛柳粒蜜汁黑椒香氣四溢，牛柳嫩腍適中，薯仔外皮焦香，加上濃郁蜜汁黑椒牢牢包圍住每一粒牛柳薯仔，非常惹味。
🌟 海皇粉絲雜味煲以多款海鮮包括魷魚、蝦仁、帶子等等，配上多款蔬菜及粉絲，湯底味道咸鮮，蔬菜粉絲同湯一拼享用，滋味無窮。
🌟 脆皮咕嚕肉擺碟賣相方面非常精美，脆皮咕嚕肉口感果然外脆內軟，醬汁酸甜適中又掛汁，價錢平之餘味道又出眾，性價比一流。
久違嘅好友飯局一聚，朋友提議食大排檔，於是揀左食呢間。
今次叫左沙薑大扇雞(半) ($198)、豉椒炒花甲 ($88)、黃金豆腐粒 ($72)、海皇粉絲雜菜煲 ($98)、蜜椒薯仔牛柳粒 ($88)、脆皮咕嚕豬頸肉 ($88)呢到係比較新式嘅大排檔，環境乾淨之外，間鋪好大夠多座位，空間夠闊落，唔使坐到每枱之間好逼，夠舒服😄沙薑大扇雞(半)：職員上菜時有提及係用新鮮雞，難怪食落肉嫩兼雞味濃郁，再加埋沙薑醬嘅香，正😋而且雞件斬得幾好，冇乜碎骨，啖啖肉👍🏻豉椒炒花甲：花甲處理得好，食落冇沙，豉椒炒夠晒惹味😋脆皮咕嚕豬頸肉：比起平時食開嘅咕嚕肉更加有口感，外層炸得香脆，而醬汁比例啱啱好，加埋波蘿粒酸酸甜甜幾開胃🤤黃金豆腐粒：做到真正嘅外脆內嫩，香口無比，最適合送啤酒😍海皇粉絲雜菜煲：比想像中足料同大煲，裡面有雜菜、菇、蝦、帶子、魷魚等，而粉絲就吸滿左當中食材嘅鮮甜😋蜜椒薯仔牛柳粒：主角薯仔粒同牛柳粒大細啱啱好，方便食用，一口一啖，夠香口滋味😄而三色椒雖然作為配菜，但爽口清新絕不遜色😉大合照🤩食大排檔最緊要熱辣辣夠鑊氣，呢到絕對做得足👍🏻而且價錢經濟實惠兼且大大份，一班朋友食得盡興😎補MENU
[ 阿三大牌檔 ]今日收工約咗朋友喺大埔食飯，想食打冷或者小菜，可以慢慢邊食邊傾偈，上網見到人介紹呢間大排檔好似唔錯。
✿ 滷水拼盆 (細拼) $158雖然叫細拼，但一d都唔細，都幾大份吓🤣拼盆有豬手、豬腸、豬耳、鵝片，仲有菜芯係底。
滷水汁整得非常入味，唔會過咸，甜甜哋，而每款滷味都整得好爽口。
✿ 黑醋骨 $88黑醋汁酸酸甜甜，每嚿生炒骨都沾滿黑醋醬汁，但依然好脆口👍🏻除咗三色椒，最特別喺有蕎頭。
✿ 蜜餞鱔球 $168頭先食完酸酸嘅黑醋骨，之後食呢款鱔球就啱哂，用咗蜜餞，食落甜甜的😛鱔球份量都唔少，啖啖肉唔算多骨，鱔球新鮮得來唔腥。
而且仲加咗少少黑椒，更惹味。
✿ 啫啫蝦乾唐生菜煲🥬 $78熱辣辣嘅菜煲，再加埋大量蝦乾，惹味又好食，唐生菜新鮮唔會霉。
總結🫦估唔到每道小菜都做得幾出色，好有鑊氣🔥朋友都大讚，特別喺個滷水拼盤，份量充足，滷得入味！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿阿三大牌檔地址: 大埔舊墟直街420號美新大廈地下B1號舖電話: 61222868✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
阿三大牌檔餐單提供粵菜, 廣東, 港式, 大牌檔等推介美食位於大埔區，餐廳座位數未知人均消費約$101-200，結賬可以用AlipayHK,支付寶,現金，Booking訂位可以電話致電 61222868 查詢。
您對於大埔餐廳「阿三大牌檔」有何 comment？
阿三大牌檔餐廳詳細資料：
- 阿三大牌檔地址: 大埔舊墟直街4-20號美新大廈地下B1號舖 Ah Sem Da Pai Dang, Shop B1, G/ F, Mei Sun Building,4-20 Kau Hui Chik Street, Tai Po
- 阿三大牌檔電話: 61222868
- 阿三大牌檔價錢: $101-200
- 分類: 粵菜, 廣東, 港式, 大牌檔
- 座位: 未知
- 付款: AlipayHK,支付寶,現金
- FB專頁: 阿三大牌檔 Facebook
更多阿三大牌檔相關資料:
香港餐廳2026推介8月