貢茶 大埔

貢茶 評價 相片

好耐無飲過奶蓋，上一次在歇腳亭中伏後，一直都想再試奶蓋飲品，果日返工放飯想鬆一鬆腦袋，於是走到貢茶再試下奶蓋飲品有冇退步左，果然仍維持到水平！今次叫左奶蓋綠茶，杯蓋可以打開，有教你點樣品嚐，有三種層次，最先當然跟佢教咁，好好試一大啖先啦！奶蓋好creamy好厚，有少少抹茶粉好夾，好香好濃，食得出好足料；之後連埋綠茶一齊飲，綠茶味都幾出，茶味甘香，淡淡的，唔怕太濃，夾埋奶蓋好似奶綠咁，到最後撈暈一齊，已經無左奶蓋嘅味了，整體都算不錯（至少比歇腳亭好好多倍），我還是喜歡飲一大口奶蓋呢！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

可爾必思，第一次飲係台灣飲嘅，就好似益力多咁，主要係乳酸菌嘅味道，但上一次飲已經唔記得幾時lu。

呢一日無意之中，發現貢茶有得呢一個百香可爾必思，味道真係好似益力多，幾好飲。

呢排天氣涼涼地，忽冷忽熱咁，個人都好似跟住個天氣咁忽冷忽熱，特別係朝頭早出門口，嗰陣寒氣真係入心入肺，仲要諗起返工對住老細嗰種撩心撩肺，好彩返工嘅時候都唔係好長，朝九晚六咁，呢一日就約咗個朋友喺深水埗行下街想唔想買返隻mouse咁，同埋睇吓啲USB有冇平執返兩隻造下Backup都OK。

行完之後就去大埔join朋友食飯。

一落巴士，唔使行幾耐，就見到呢間貢茶，今日就飲黑糖薑茶，大杯嘅，肯定啱晒依家天氣忽冷忽熱，佢又可以幫我驅下寒，滋潤下。

今日到大埔找朋友，見大埔也有最愛的貢茶當然要來光顧一下星期六的傍晚人不多，等了少少時間就拿到他們家的紅豆牛奶冰沙味道很不錯、不會像有些舖淡如水，奶味紅豆味都很剛好。

美中不足就是店員自己玩成一團愛理不理，在櫃檯大喊唔該也不理，出餐擺著不喊號，轉頭就走要自己上前確認🤷🏻‍♀️

因為太太喜歡台茶，搞到我也漸漸從討厭變成有興趣之後更可以說是喜歡上這一種飲品。

在香港，《貢茶》是一間周圍都有的台茶店，好多時，開車到大埔、沙田、大圍，因為就腳，近路邊可停車，買一、兩杯野，開車走。

而這一天，我們在大埔，辦好事就來海寶花園，把車泊在路旁，派一人，衝過來《貢茶》買飲品。

夏天，都是以消暑為藍本去選購，鳳梨蒟蒻綠茶，有清新的果香，不過，一飲就知道是濃縮果汁溝出來的，味道十分之甜，蒟蒻給飲用者一個幾開心下的咬口感。

果汁茶，的確是消暑，但味道上，也實在是太甜了。

正常的珍珠奶茶，正常的感覺，珍珠粉圓夠硬也夠彈，茶香，奶也香，水準正常。

沒有過人之處，當然，也勝過不少的台茶小店。

《貢茶》水準不會太參差，去開的幾間都十分之方便就腳，自然地，會是我們路上尋飲料的好選擇。

貢茶餐單提供台灣菜, 台式飲品, 外賣店等推介美食位於大埔區，餐廳座位數未知人均消費約$50以下，結賬可以用現金。

您對於大埔餐廳「貢茶」有何 comment？

貢茶餐廳詳細資料：

• 貢茶地址:
  大埔安慈路1號海寶花園地下2號舖
  Gong Cha, Shop2, Treasure Garden,1 On Chee Road, Tai Po
• 貢茶電話:  
• 貢茶價錢: $50以下
• 分類: 台灣菜, 台式飲品, 外賣店
• 座位: 未知
• 付款: 現金
• FB專頁: 貢茶 Facebook

更多貢茶相關資料:

• 貢茶分店
• Youtube
• Facebook
• Twitter
• Google