滿江紅東北杭州菜館 大埔

滿江紅東北杭州菜館 評價 相片

d野唔算貴唔算平..不過不失~d野又唔算好食又唔算難食..不過不失~不過set lunch幾抵食~$20有大大碟楊州炒飯..麻婆豆腐..官爆雞丁!!仲有送豆漿!!d豆漿唔錯架~尤其熱戈d呀!!好香~環境麻麻地..有少少污糟囉!!同埋有d煙味架~但係d鍋餅唔錯~waiter waitree麻麻地...講野唔正既!!!

去完嘉道理農場，出番大埔搵食，早前已諮詢過娜姐，知道大埔沒有一間特別出眾的食肆。

所以我o地選擇呢間，都沒有特別的期望。

冷盤雙併沒有限定，所以隨自己選擇任揀，醬鹿肉真係唔知用了什麼醬料去醃製，除了味道有點羶外，肉質及口感與鹵水牛沒有分別。

燻魚唔錯，味道好濃夠晒入味，不過我認為稍甜。

砂鍋雲吞雞這個比日前係霸王山莊好，霸王山莊的砂鍋雲吞雞味道似普通的上湯，而這個起碼飲到金華火腿味及有雞味，雲吞料雖然是滬式的菜肉，但外形似廣東式的水餃。

糖醋里脊好唔掂，可能炸粉唔脆關係，一來咬落去成舊粉一pat pat，二來令到糖醋汁好糊狀，我每食一件都要整開外層腍腍的炸粉，幸好豬扒肉質唔乾又唔實。

上海湯麵係老豆鍾意食傳統的上海湯麵，不過湯底略淡。

擔擔麵又係勁唔掂，完全稱不上擔擔麵，冇花王味、冇辣味亦冇麻味，真係三冇。

麻辣麵似是肉醬撈麵，有辣味但冇麻感覺。

麵身似是廣東的全蛋粗麵，不過較厚身，及較有口感。

小籠包我冇食。

但老公話皮厚、冇湯汁。

豆漿淡而冇豆味。

飯後送豆沙窩餅，皮煎得夠香夠脆，豆沙唔香，沒有豆沙味。

我和男友昨晚去開大埔見到有杭州菜館, 價錢又不太貴, 便抱住試食心態入去, 叫左一籠小籠包, 一客醉雞, 一客紅油抄手. 小籠包皮唔夠薄, 醉雞無酒香味, 紅油抄手不但一點都唔辣, 好似只係用豉油加蒜茸浸住水餃or雲吞, 連這些咁基本既菜式都做得唔好, 我相信其他都唔會好食, 加上地板又滑, 所以下次一定唔會再幫親囉

屋企人話想試下杭州菜,就黎呢度試下啦~我地點左醬鴨,爆雙脆,獅子頭,沙鍋魚頭煲,東坡肉同埋一碟蒜蓉炒白菜仔醬鴨:好出色既一味菜,外表似叉燒,係醃左既鴨片唔駛再點醬都好惹味(略帶咸)爆雙脆:係"油"魚+花枝+蒜片炒埋一碟,都唔錯既一味菜,建議點醋食獅子頭:相當鮮甜既一樣,再加埋係頭上面既汁,正,可惜份量偏少魚頭煲:係由上湯+一d魚同粉,雖然唔知係咩魚..但味道相當不俗.係必點既一樣東坡肉:希望越大...失望越大...唔知係我唔識食定食唔慣...本人覺得相當難吃..肥膩得黎又難入口...比起之前係大陸食既差得太遠了炒白菜仔:炒得頗濕,但係都有咁上下既水準,白菜亦算新鮮整體上也不錯的,都值得再黎

下午弄好個麻煩頭, 差不多四點都未有野落肚, 諗住行去新街市平記食碗粉, 突然記起巳到收檔時間, 行至近和暢, 見到呢間未試過, 又見佢門口列有多款下午茶餐, 就走入去試下。

點左個鎮江骨麵跟餐送多杯豆漿, 豆漿上檯時熱辣辣, 仲聞到豆香味, 飲至底時有種鞋鞋感覺, 証明係自家製, 待碗麵上檯, 內有時菜, 麵是用較闊身的扁麵, 麵質算滑又不過腍, 而鎮江骨是另碟分開上的, 部份肉質有咬口, 幾入味, 又有點食叉燒感覺, 以此價錢來說, 是吃得過。

滿江紅東北杭州菜館餐單提供江浙菜, 中菜館等推介美食位於大埔區，餐廳座位數未知人均消費約$51-100，結賬可以用現金。

您對於大埔餐廳「滿江紅東北杭州菜館」有何 comment？

滿江紅東北杭州菜館餐廳詳細資料：

• 滿江紅東北杭州菜館地址:
  大埔大埔墟大明里15號寶華樓C座地下
  Moon Kong Hung, G/ F,15 Tai Ming Lane, Tai Po Market, Tai Po
• 滿江紅東北杭州菜館電話:  
• 滿江紅東北杭州菜館價錢: $51-100
• 分類: 江浙菜, 中菜館
• 座位: 未知
• 付款: 現金
• FB專頁: 滿江紅東北杭州菜館 Facebook

更多滿江紅東北杭州菜館相關資料:

• 滿江紅東北杭州菜館分店
• Youtube
• Facebook
• Twitter
• Google