深旺素食 大埔

深旺素食 評價 相片

講到又平又好食既甜點...點可以冇我既出現呢??由出世就住係大埔既我..竟然唔察覺街市入面有Le種甜點賣!?間唔中返學都會經過Le間素食店..但係完全冇留意到佢.因為淨係見到佢賣素食.重點係..果間舖成日都冇人咁唔係睇Openrice都唔知有甜點賣牙!!所以呢..今日放學就突然經過睇下喇.去到我發現真係有食家所講既甜點..仲見到有個人坐係度打機..真係唔企高都睇唔到有人架.芝麻糕($2.5) 整得好煙韌.食落唔係好重味.但係整得唔太甜.「素食」就係咁健康糯米糍($2) 個皮好簿又係好煙韌.細細粒咁但係就好滿料.包滿花生.值得再買!!不過.服務差差地..好似唔想做生意咁.

呢間野真係好少行經,一來我好少行街市,二來街市好熱...尋日忽然行左果邊,加上呢排電視成日有齋介紹,諗住買買齋,但冇晒酸,得番少少咖喱,店員話春卷炸起一陣,我又見到有人包緊春卷,我心諗,乜唔係叫貨既咩,問下先知原來佢好多野都係自己整,砵仔糕同芝麻糕都係,齋鹵味都係....都算係難得.我叫左2春卷,1砵仔糕,1芝麻糕春卷回家後吃,依然脆口,餡料不算濃味,加汁可吊味最後那條隔左2個鐘先食,連我阿媽都話仲咁脆既?砵仔糕好食過叫貨的,不硬,不太甜芝麻糕有芝麻香,又有椰汁味,彈牙,不似一般中式芝麻糕,反而似九層糕的質感服務一般,但冇俾汁人,春卷唔加汁係唔得既(好彩我家有)環境差,冇裝修,成條巷都污槽,令人唔想逗留買野,故只有ok

我姨媽成日黎我屋企打麻雀的,有時要我做阿四去買野食俾佢地醫肚,因為我住富善村的關係,所以無咩好選擇,有時阿媽叫我去街市買砵仔糕,貪平,5蚊有6個.有一次,阿媽又叫我去買砵仔糕,發覺已加價,5蚊4個.但佢剩左3個,4蚊買左,爭3個,又見到有間齋鋪有砵仔糕,5蚊3個,買左.返到去,姨媽即時食左1個,一會又食多個,這時她突然面色一沉,問我,係唔係去左兩檔買,我話你又知?姨媽話呢個砵仔糕好難食,一食就知唔同第一個,我阿媽同另一個雀友即時試下,都覺得係,只有一個雀友話無問題.我話阿姐度得3個,所以去左齋鋪買,佢就叫我以後唔好去齋鋪買砵仔糕.最後剩番D砵仔糕,我留心一看,發現剩番既砵仔糕係短簽黎,我就諗起齋鋪買既砵仔糕係很長簽的,短簽才是買開那檔.最近阿媽又叫我去買,我今次去左齋鋪買,長簽的,他們吃時還讚好食,我都吃了一個,才發現平時食的所謂砵仔糕有多難食,就算一蚊個都唔值,齋鋪雖然貴D,但真係好食好多.我就諗,點解咁多人幫襯,又唔等於好食既呢,有時放學見到個個人買左即食,又好似幾好食,以為好左,一買,一啖.....,我就即時去番齋鋪買,先至食番砵仔糕既滋味.尋日,我阿媽去左買砵仔糕返黎,佢食左一啖,就話今日D砵仔糕差左好多,我心想,你如果唔係食左齋鋪D砵仔糕,就邊會覺得呢D差?

想不到一間位於街市内的素食店居然有麥提莎糯米賣...麥提莎糯米用朱古力皮包.外面那白色粉(不知是什粉)卻不是椰絲,裡面包了花生碎及2粒麥提莎!!!朱古力皮夠軟滑.又有朱古力味.但卻無椰絲...朱古力皮+花生碎+麥提莎=三重口感!!!朱古力皮及花生碎又能中和麥提莎的甜味,一次食3粒仍不覺"流"$2.5 1粒都OK,下次要再買!

深旺素食餐單提供港式, 素食, 小食店等推介美食位於大埔區，餐廳座位數未知人均消費約$50以下，結賬可以用現金。

您對於大埔餐廳「深旺素食」有何 comment？

深旺素食餐廳詳細資料：

• 深旺素食地址:
  大埔富善村富善街市43號舖
  Sam Wong Vegetarian,  
• 深旺素食電話:  
• 深旺素食價錢: $50以下
• 分類: 港式, 素食, 小食店
• 座位: 未知
• 付款: 現金
• FB專頁: 深旺素食 Facebook

更多深旺素食相關資料:

• 深旺素食分店
• Youtube
• Facebook
• Twitter
• Google