森泰遠 大埔

森泰遠 評價 相片

好耐冇入大埔啦～～呢區都有唔少好野食架✨食完咸食,經過呢間「森泰遠」一望就會覺得佢既心太軟應該都幾出色😊咁岩又想黎個飯後甜品就膽粗粗入去試試啦✌🏻環境就不大但都坐得舒適既✨▫️其實有幾個心太軟款都想食既！有個辣都吸引但最後都係揀左個👉🏻芝心 Aloha Cheese Lava Cake😛製作需時,等左1520分鐘一上枱個形狀都幾特別黃黃既水滴形咁,唔太厚身扁肩的!1切開⋯⋯⋯沒有流心⋯咬落硬硬的蛋糕外層都不脆😑😑夾心內似乎係Mozzarella Cheese可以拉到dd芝士絲但其實都淡架冇咩芝士味,唔係好知食緊咩😿失望…可能我太有期望掛～～～～～另一樣👉🏻焦糖燉蛋呢個中規中矩既都！熱辣辣上枱✨佢鋪面既糖燒得其實岩岩好~呢個反宜會好食d 既！😊不過應該都冇下一次啦因爲少過黎之餘又唔算好好食🤨

喜歡食甜品嘅我經常都會到訪港九新界大大小小嘅甜品店，今日晚飯後經過「森泰遠」，一心諗住佢嘅心太軟應該唔會差得去邊，所以打算試下。

呢個所謂嘅心太軟，製作需時，但可惜完全唔覺得佢係精心炮製，雖然佢係心型，但係形狀一d都唔立體，非常扁，加上切開後完全唔流心，咬落有d實，真係非常難食。

滿心期待嘅招牌甜品「梳乎厘厚班戟」，雖然賣相還可接受，但係口感非常奇怪，似係用高筋麵粉同未發過嘅雞蛋整成而又未熟透嘅蛋榚，真係令人難以吞嚥。

我懂事以黎都從來未試過食唔晒一樣甜品，但以上果兩味甜品真係好難唔令我去浪費食物，此終真係命仔緊要呀。

幫親左森泰遠好多年由舊舖開始已經成日來而自從幾個月前發現佢地有梳乎厘班戟仲幾好味就開始成日同老婆一齊來，兩個人分一份 (因為都幾大份，仲有個雪糕)不過今晚來到，佢地竟然話每人要叫一個order，唔係的話要收多$25咁其實一份梳乎厘班戟都要$58，如果我地兩個人叫兩個紅豆沙 (=$25 x2)你咪仲收少D﹖我真係唔明佢地點做生意結果我們因為已經叫左梳乎厘班戟，唯有死死地氣再求其叫多個甜品所以今次佢地的確成功逼令我地叫多份野，不過無下次以後都唔會再來﹗

話說今日係大埔食完飯，好想食甜品，咁岩經過見到呢度有心太軟 就入左去啦睇個menu, 心太軟都有幾種口味，有白朱古力、芝士、榴槤、辣椒，就更期待啦！叫左一個心太軟同埋一杯蘆薈爽呢杯奇異果蘆薈爽，冰都佔左一半，仲要一d奇異果粒子都見唔到，心知不妙一飲，果然係好甜嘅糖漿..... $2X蚊飲糖漿....... 想問佢拎杯水黎飲下..佢話唔供應水，要買支裝$5 算！唔飲心太軟啦到，好驚....好彩入面係好流心！ 其實係真心好食都算大份，不過雪糕要另加$10... 如果大家想食心太軟，我覺得係唔錯的但我唔會再黎，無水真係好搞笑....水究竟成本要幾多

辣椒天使chili Angel抱住好奇心態，試一試(外國興過辣椒朱古力)外表同一般心太軟一樣(朱古力蛋糕)流出的朱古力岩漿(我未影相呀!朋友已趕住試味)第一啖好香濃朱古力味，當吞下時(有辣椒味滲出喉嚨)，有d辣woo …🤔以為會怪的配搭，但食落口，又幾好味(有辣椒的朱古力，幾惹味)奉送荔枝特飲(味道剛好，平衡心太軟的辣)幾貼心woo我不是腸粉(選榴槤蓉)外表有層透明啫喱(寒天?)增加滑的口感內層cream 配榴槤蓉，好夾(無奈一夾，全散，無完全包實d榴槤蓉)失色~高力炸雪糕第一次食到炸雪糕(內裡雪糕無溶)傳统炸雪糕，外層炸粉油膩，這款外表似班戟皮造，雖然唔係炸(但怕油膩的我)，這款炸雪糕，又幾啱我~~驚喜位~食到辣朱古力心太軟

森泰遠餐單提供港式, 甜品, 糖水, 小食店等推介美食位於大埔區，餐廳座位數未知人均消費約$50以下，結賬可以用AlipayHK,支付寶,現金。

您對於大埔餐廳「森泰遠」有何 comment？

森泰遠餐廳詳細資料：

• 森泰遠地址:
  大埔廣福道126號6號舖
  Aloha Dessert House, Shop6,126 Kwong Fuk Road, Tai Po
• 森泰遠電話:  
• 森泰遠價錢: $50以下
• 分類: 港式, 甜品, 糖水, 小食店
• 座位: 未知
• 付款: AlipayHK,支付寶,現金
• FB專頁: 森泰遠 Facebook

更多森泰遠相關資料:

• 森泰遠分店
• Youtube
• Facebook
• Twitter
• Google