景福軒海鮮酒家 大埔

景福軒海鮮酒家 評價 相片

早2日同公公婆婆響呢間近屋企的茶樓飲茶 野食...個別問題:素腸粉 d皮好厚..... 勿試 燒肉 肉味 okay, 但d皮唔脆(之前已試過一次@下午茶, 都係唔脆皮) 其他主要黎講in general 不錯, 只要 blacklist 左幾樣之後, 都值比 4分架當日的豬手, 鴨腳札, 奶皇包, 炒飯... 等等 都 甚佳! 服務... 以屋村酒樓黎講, 算ok的了cost / performance 值黎講, 抵食之選!

經過琴日廿四小時既折騰 , 今日拎左大假順便同d親戚朋友去飲個平日早茶 , 真係好難得有呢d機會。

山竹牛肉球 ~ 味道同其他酒樓冇咩大分別 , 唔會好粉。

豉汁蒸鳳爪 ~ 望落去色澤就唔係好吸引 , 不過食落味道唔差 , 而且仲有d花生係底。

鮑汁叉燒包 ~ 我不嬲都唔愛吃叉燒所以冇食到 , 眼見d叉燒餡都幾多 , 突哂出個包。

流沙麻蓉包 ~ 因為呢度冇流沙奶黃就改試下呢個 , 雖然唔流沙 , 幸好d麻蓉餡唔太甜 , 而且仲成個包都有餡幾正。

家鄉煎魚餅 ~ 味道唔差 , 煎得夠香但係唔會好脆口。

家鄉咸水角 ~ 可能我本身鐘意食 , 唔覺得差 , 太多餡既咸水角反而難食。

家鄉煎薄罉 ~ 煎得唔香口加上唔夠薄 , 仲有d油。

上素凝皮卷 ~ 媽咪同阿姨至愛 , 我地點左兩碟都全部食得哂。

景福蝦餃皇 ~ 皮薄透到入面d蝦 , 顏色望落去都好新鮮 , 又係點左兩籠都清哂。

春風得意腸(雞絲腸) + 羅漢齋腸粉~ 香滑幾好食 , 腸粉皮又唔會太厚 , 個人覺得羅漢齋比較好味道。

10個人食既份量埋單都係$300左右 , 真係抵食。

每個月都會同同事o黎呢度飲茶,食物質素一般啦,較為好食少少o既有炒烏東囉~但d 侍應就好唔掂, 叫o左佢都扮聽唔到走o左去.....

今日聚餐有機會一試﹐味道只係一般﹐試唔試都無所謂。

侍應碟碟餸都會幫客人上清﹐唯獨個翅﹐明明個湯碗有剩都唔幫客人再添便攞走﹐唔只我哋個枱﹐係枱枱都係甘(都有40枱)﹐唔知係未收起自己食!個紅豆沙太過甜。

個炸海鮮沙律卷比較乾。

個脆肉瓜雙蚌片就脆肉瓜好多﹐每人只得一至兩片蚌。

白灼蝦就好多﹐火候剛剛好。

乳豬拼盤每人只有一至兩片乳豬﹐其餘燒味好鬼多。

雙菇扒時蔬個獻汁幾清淡﹐唔會太鹹。

衛生認真麻﹐廁所及附近環境好似長年失收﹐殘殘舊舊﹐污污糟糟。

本月28日星期日下午1時45分與家人到此酒家午飯，號701，至下午2時45分，鄰一太太指座位旁邊柱上有一只，向一部長指示，該部長在未有通知附近食客立刻手起紙落，應聲跌落地上，部長在微笑中揚長而去，剩下在地上的屍體及漂浮於空中的白色塵末(未知有否漂落在未吃完的食物中)。

及後有一穿灰色西裝，身材魁梧的經理到來了解情況，我等向他反影問其如何處理此事(其實極為小事)，該經理即時沒有回答並很快速地用一白紙巾將屍體包裹並拿在左手掌中，之後用很不友善的語氣(近乎恐嚇)說：有無在食物中？係唔係要報警？係唔係要搞大件事？如果係我就同你玩。

此時他目露兇光，而鄰太太及其先生可因怕事而結帳離去。

此時本人反問：你係唔係呢度的經理？用這種態度對客人講，我一定會投訴你。

此時，他回答你，拿屍體揚長而去，我等在此不得要領，衹有埋單離場。

本人在大埔居住，由酒家前身金翠宮開始幫襯至今凡18年，可說賓至如歸。

如今，執到錢唔幫襯，重義務同此單位宣傳添！

景福軒海鮮酒家餐單提供粵菜, 廣東, 點心, 中菜館, 酒樓等推介美食位於大埔區，餐廳座位數未知人均消費約$51-100，結賬可以用Visa,Master,現金。

您對於大埔餐廳「景福軒海鮮酒家」有何 comment？

景福軒海鮮酒家餐廳詳細資料：

• 景福軒海鮮酒家地址:
  大埔南運路9號新達廣場101舖
  Royal Plaza Ct Seafood Restaurant, Shop101, Uptown Plaza, No.9 Nam Wan Road, Tai Po
• 景福軒海鮮酒家電話:  
• 景福軒海鮮酒家價錢: $51-100
• 分類: 粵菜, 廣東, 點心, 中菜館, 酒樓
• 座位: 未知
• 付款: Visa,Master,現金
• FB專頁: 景福軒海鮮酒家 Facebook

更多景福軒海鮮酒家相關資料:

• 景福軒海鮮酒家分店
• Youtube
• Facebook
• Twitter
• Google