新濠茶餐廳 大埔

新濠茶餐廳 評價 相片

想不到有些公共交通工具，竟然在動盪的一天，坐地起價，簡直過分，幸好，平時人流都不少的新濠餐廳，也沒有加價。

工已被罷，沒有寄托，就買兩個外賣。

🤷🏾‍♀️沙嗲牛肉麵，即使拿外賣，麵條也不算浸到非常之軟林，還保持少許彈力，沙嗲不算太辣，而且亦都不會放太耐因而變冷。

沙嗲湯底夠香夠濃，亦都不覺得吃完太過口渴的感覺，牛肉都有四五片，不算醃得太林，味道還好的。

另外可以揀火腿、腸仔、煎蛋、或是餐肉；還有一份黃金多士，黃金多士跟平時的厚多士不同，它除了好像普通厚多士一樣厚之外，面頭有薄薄的牛油，然之後烤到香脆，脆得來不會太乾，但又夠厚身，甚具質感。

另外的央走，有奶茶、咖啡、以及煉奶香混為一體，味道也還是不錯的。

的確，以茶餐廳外賣早餐來說， 30多元，份量也非常之多，夠飽得來也不算貴，因此還是不錯的選擇。

今朝要過中環做嘢, 就食個早餐先至出發 見到呢一間嘢好似冇乜點幫襯, 就入去碰下運氣啦!其實佢早餐都多選擇嘅, 不過我就叫咗一個簡單嘅三文治餐!圖中嘅蛋牛治令我有啲喜出望外!! 啲蛋好滑, 一啲都唔老, 仲有係好厚好大分! 其實對於一個女仔嚟講, 食咗半分都已經夠飽喇! 但係佢杯奶茶嘅茶味比較重, 同一般嘅茶餐廳好似有少少唔一樣, 如果對奶茶執著嘅朋友就唔好去呢間啦! 服務嘅話, 有位叔叔都唔錯, 其他都係黑口黑面!! 不過我去食嘢啫, 理鬼佢啦!! 清潔方面可以改善下嘅, 周圍都好似濕糴糴, 污糟邋遢咁, 可能係因為比較舊啦!!是但啦, 大埔小區 大家開心就得啦

入到茶記就想食焗豬扒飯，而且聽聞呢間嘢嘅焗豬扒飯都唔錯嘅。

都唔係等咗好耐，焗豬扒飯就送到，一見到碟焗飯就滿心歡喜，因為個樣真係唔錯。

跟住就立即兜勻嚟食，跟住就發覺有啲唔多妥。

咦！ 焗豬扒飯竟然係白飯底！食落口啲飯又乾又硬，點搞呀！暴龍哥話齋：焗豬扒梗係要配炒飯底，呢D定律黎家嘛！焗飯個鮮茄汁都還ok嘅，面頭嘅芝士都算ok多，拉冇乜問題，塊豬扒雖然薄但係都算叫做正正常常，唔會太淋又唔會過硬，唔掂就係個飯。

中國人嚟㗎！嗰飯好重要㗎！其他食物有幾好食都好，個飯唔掂，就係唔掂！

新濠茶餐廳 (大埔廣場)我敢講，依個係全港數一數二既茶餐廳雞扒飯！冇得輸！以前$20蚊一個早餐，此情已不再.....相隔幾年，再次黎到大埔，緊係入去以前既飯堂新濠茶餐廳食番個靚Lunch啦，本身想叫個雜扒餐，依家原來要$6X蚊…最後都係叫番個咖哩雞扒飯算…佢個到d咖哩一向好食，椰香有，咖哩味有，兩者配合得岩岩好，保留一貫水準!!抵讚!!雞扒夠晒香口，仲要打孖兩塊，超滿足，d咖哩汁撈飯真係無得輸，正呀!!!

出街前見肚餓食個早餐先，就係大埔中心巴士總站隔離有一間新濠茶餐廳非常之方便就走入去食個早餐，叫咗個五香肉丁公仔麵 加腸仔煎蛋同牛油厚多士，還叫左杯凍檸茶， 五香肉丁公仔麵個麵煮到非常非常之淋唔好食， 個湯底都非常之淡好在有啲五香肉丁喺到好啲，不過是五香肉丁都唔係好多， 腸仔炸到非常之乾同好咸， 煎蛋都還話可以， 牛油厚多士普普通通牛油好少， 不過我杯凍0茶都ok唔太甜， 茶味同檸檬味都好分明唔錯

新濠茶餐廳餐單提供港式, 茶餐廳, 冰室等推介美食位於大埔區，餐廳座位數未知人均消費約$50以下，結賬可以用現金。

您對於大埔餐廳「新濠茶餐廳」有何 comment？

新濠茶餐廳餐廳詳細資料：

• 新濠茶餐廳地址:
  大埔安泰路1號大埔廣場16-22號地下
  新濠茶餐廳, Shop G16-22, Tai Po Plaza,1 On Tai Road, Tai Po
• 新濠茶餐廳電話:  
• 新濠茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 新濠茶餐廳 Facebook

更多新濠茶餐廳相關資料:

• 新濠茶餐廳分店
• Youtube
• Facebook
• Twitter
• Google