廣生飯店 大埔

廣生飯店 評價 相片

廣福邨的這一個大排檔酒樓, 一直在我的尋找隱世的味道既wish list之中. 是日在外父家過夜, 一早又因為要返工既關係而決定不陪外父飲早茶. 早上食早餐呢一段時間, 就成為我自己的自由活動自由食. 身在廣福, 當然要知福啦. 咁特別既食肆又點可以miss呢. 同齋妹係K巴站吻別後, 我就來到這一個冬菇亭, 自己開茶, 自己埋位. 叫返盅飯加個點心. 有室外位的, 若是於帶點秋色的時候來, 有微微的海風伴著, 咁樣飲茶, 係幾寫意的. 在大熱天時, 因為是早上同埋近海的關係, 又有樹陰柔和一下, 一樣的寫意. 不過, 我想風味少少也不行, 露天的街邊位, 一早已經坐滿了. 在室內找來一個單人細檯, 內裡, 是沒有開冷氣的, 新界區的清晨, 甚是可愛. 一有微風伴送時. 除了感覺到清涼之外, 還有feel得到的新鮮潔淨空氣. 開揚設計的冬菇亭食肆, 完全符合環保的要求. 自己沖了一壺壽眉, 大叫點心姐來一個鳳爪排骨飯同一籠燒賣. 中式的一盅兩件, 就是這樣的簡單. 後來, 才發現點心姐會推車仔. 店內有一條小斜路仔, 原來是為了方面讓架點心車推出街. 讓點心車推出戶外, 的確是一個特色. 鳳爪排骨飯, 尤其係新界的小酒樓去食, 通常都非常的有水準. 生米蒸飯, 飯質比較結實. 如果用熟米蒸, 飯只會發脹到腍哂, 影響哂蒸飯應有的口感. 這個飯, 除了正宗的用生米蒸之外, 用料同份量上也大足十. 除了啖啖是肉的排骨外, 鳳爪, 也是原隻的奉上. 飯, 排骨, 鳳爪加上適量的甜豉油, 4者配合得近乎完美.燒賣, 味道鮮, 份量上也是令人開心的, 因為夠哂大隻, 而且一咬, 帶點香口的肉汁源自肥豬肉, 不過食落又唔係幾覺油同膩. 有鮮蝦香, 有鮮肉香. 排檔酒樓仔, 往往都有驚喜.吃飽了, 該開始出發上班. 有時早上不喝奶茶, 飲中式茶也一樣咁醒神. 而且身體吸滿了新鮮的新界空氣, 身體同心情, 都特別的爽........

年年同哎呀阿媽慶祝生日,都係去大埔墟街市樓上個熟食中心,今年有人提議去廣福邨,之前都聽到人話好食,但就無試過,今次轉移陣地,去試下,結果係喜出望外我哋慣咗自己去大埔街市買海鮮去俾人煮,之前去熟食中心,一碟係咁e都要收成4050蚊,但呢度只係收30,價錢已經平咗,出嚟既水準直頭個個都讚我哋自己買咗D帶子、海班、大蝦、鮑魚、象拔蚌,另外叫咗D小菜,鮮果咕嚕豬肉、粟米魚肚羹、西芹腰果炒雞丁、南乳吊燒雞、蒜蓉炒豆苗、金銀蛋菠菜咕嚕肉真係有鮮果,有士多啤利、水蜜桃,最正係D豬肉,咬落去仲係脆口,D肉好夠味,唔似有D炒完個汁之後淋晒個西芹腰果,真係好多腰果,炒得好香好好味吊燒雞,D雞肉好滑,叫咗一隻,全隻清晒其他菜都水準好好自帶海鮮,呢D先考起D師傅功力,因為海鮮煮過火就嚡,唔好食,之前响街市熟食中心,試過條魚蒸到嚡晒,但呢間蒸到剛剛好,D肉好滑。

帶子用鼓汁蒸,真係一流,好好味,佢哋D料全部落得好足,D蒜蓉鋪過晒面,蒸到剛剛好熟,一D都唔會硬,個個都食到有讚無彈我見隔離枱叫咗個小炒王,個LOOK好得,搞到我都想食,下次有機會要試下佢

的野都好好食，以甘嘅價錢黎講真是物超所值！其他如羊腩煲及家庭式小菜亦有水準，good喇！我同朋友大杯酒大塊肉都不知幾開心！食果時超好味，食完先驚要減肥！不過唔怕得甘多，一於食完先講！下次我一定搵多的朋友去，叫多的其他特色小菜先得

廣生飯店餐單提供港式, 中菜館等推介美食位於大埔區，餐廳座位數未知人均消費約$50以下，結賬可以用現金。

您對於大埔餐廳「廣生飯店」有何 comment？

廣生飯店餐廳詳細資料：

• 廣生飯店地址:
  大埔廣福村熟食亭7-8號
  廣生飯店, Shop7-8, Cokked Food Stall, Kwong Fuk Estate, Tai Po
• 廣生飯店電話:  
• 廣生飯店價錢: $50以下
• 分類: 港式, 中菜館
• 座位: 未知
• 付款: 現金
• FB專頁: 廣生飯店 Facebook

更多廣生飯店相關資料:

• 廣生飯店分店
• Youtube
• Facebook
• Twitter
• Google